Eyakubu 1:27 - Ohwihwim Olehe

²⁷ E kpaŋ moanwye-ayieku pa la moashe-eshaku e sku ewu ba moa a la a kpo. Nga e da ayakplo ba obiŋ hi a tpi gimi ayi mbo, okyku eshi Ahogbrẽ la a wo Adigi, a sko ohe lo angyiŋ a zga oluŋama la a wo kye ta la adlidzi.

Eyakubu 1:27 ပူးပေါင်းရင်းမြစ်များ

Amatiyu 12:32

Ambo areyaŋ a mbo la a kpo odlobi egi ayi Anwye Arehwĩ angyiŋ le, moa á kyu ŋa abgo. Are la a tsa Ogbgaodzi atsa le, moa á kyu ŋa abgo mbo gbagbu-amo.

Amatiyu 5:8

Oraŋ o wo ma okyku moa la a wo la esõ pse, okyku eshi moa á ka Ahogbrẽ!

Oluka 1:6

Moaha lo pyeŋ moa a wo moare ba odlodzi angyiŋ egi ayi Ahogbrẽ. Moa a kpaŋ odaŋ ba Ahogbrẽ adzadzi.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoaOroma 2:13

Moa a shri opyapyaŋ a zga agʼbaha moarehwi ta la Ahogbrẽ okyku moa a gŋo odaŋ angyiŋ mbo, mbo, ambo okyku o kpo ekplo ba odaŋ o lu.

MoaEgalasiya 1:4

Ekristi a shri eshri baŋ a di okyku odlobi bi, nga okyku o da gi e hwiŋ odzudum ayakplobi ba omba he, eka ba Ahogbrẽ la a wo Adigi a klo baŋ a kpo.

MoaEgalasiya 3:11

Ohuhuhi o wo zheŋ ba opyapyaŋ o gre o ba agʼbaha ba arekyeŋ ta la Ahogbrẽ ozhẽ ba odaŋ mbo. Okyku eshi odlo ba Ahogbrẽ o lu mi le, Are ba opyapyaŋ o gre o ba agʼbaha baŋ ta la Ahogbrẽ ozhẽ obmi ba adlidzi angyiŋ á gro.

MoaEgalasiya 5:6

Okyku eshi, omba ba agi e wo okŋeobga ta la Ekristi Eyesu, osheŋongyum, ta la osheŋongyum mbo, alo o shri ondun-dumokyeŋ o shri o ba mbo ku-ku. Ekplo la e wo edzi, e wo obmi ba adlidzi la o la o kpo otum ozhẽ ba oklo sha angyiŋ.

MoaEgalasiya 6:14

Okro me, ekayaŋ a mbo ame é nyom egʼba okyku egŋe aki ba Adigi-odne Eyesu Ekristi sha. Okyku eshi okro ba egŋe aki baŋ sha angyiŋ ayakplo ba obiŋ hi a kpu okro me, nga ame a mbo e kpu okro ba ayakplo ba obiŋ hi.

MoAfisu 2:2

Omba mi lo, agimi e lu ayakplobi ba ozhẽ ba obiŋ hi ma, nga e fa olbi e da areŋ la a ri ekʼpo eshri egbga la e ri ekʼpo ahrẽ. Ogbga he lo angyiŋ o la o ri ekʼpo pa la moarehwĩ la a shye eshri ta la Ahogbrẽ ohuhuhi.

1 Etimoti 1:5

Ame e jygu odaŋ he lo okyku o da oklo la o zgi esõ la e wo pse, ta la enzi ba esõ la e wo pyapyaŋ, ta la obmi ba adlidzi la o wo obilekyeŋ tsi a mbo mbo.

1 Etimoti 5:4

Ambo o wo ba ashe-eshaku a wo la moanwye o mbo le moanwye ba moanwye baŋ ma le, o raŋ o gre ba moanwye lo a nye eda nga a dzu la odzudzu ba ozhẽ ba Ahogbrẽ pa la moadimo. Ozhẽ he lo moadimo á hwiŋ owlama mo. Moanwye he lo á raŋ Ahogbrẽ esõ ozhẽ he lo angyiŋ.

Etitu 2:12

Okpoghwo he lo angyiŋ o tsa gi okyku o da gi e kyu ayakplo ba Ahogbrẽ a la a gno oraŋ ta la alo mbo abgo, nga alo angyiŋ o da gi e kyu ogroayi ba obiŋ hi abgo, nga e kpaŋ eshri bi adzadzi, nga e tspi kyekye. Nga okpoghwo he lo angyiŋ o da gi e dzu okyku o raŋ Ahogbrẽ sha esõ obiŋ hi.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

Eyakubu 3:9

La alo angyiŋ agi e la e vye Adigi-odne, ta la Adigi, nga la alo angyiŋ agi e la e ta ogbukyu e ygi moarehwĩ edgu bi ba moa a kpo mo la emle ba Ahogbrẽ!

Eyakubu 4:4

Agimi arehwĩ la e kpo adlidzi mbo! Agimi e yi mbo, ba agimi e dzu moafpu ba Ahogbrẽ angyiŋ o wo ba agimi e dzu moakyeŋazba ba obiŋ hi? Areyaŋ a mbo la a klo o dzu akyeŋazba ba obiŋ hi le, á dzu afpu ba Ahogbrẽ.

2 Ebitru 1:4

Ozhẽ he lo angyiŋ, a shri ohwihwim la o wo la owlama ta la ogagre, a shri a da gi. O wo bimi e yga ekplo baŋ a hwim okyku gimi e khwo nga le, e ngʼba e sku okoklo la o wo oyla ototno obiŋ hi, nga e ba e pu ibu odzudzu ba Ahogbrẽ.

2 Ebitru 2:20

Okyku eshi, o wo ba moarehwĩ a gro abgo ba ekʼpo ba ozhẽ ba eku ba obiŋ hi, ohe lo o kpo ozhẽ ba oyioyi ba Adigi-odne la a wo Areoshla bi Eyesu Ekristi, nga o wo ba moa a bla a vu mo, nga moa a kpo a gre mo, moa edgu moarehwĩ he lo, odzudzu mo o wo obi o gre eka ba omba ba moa a wo oriori.

2 Ebitru 3:14

Okyku eka he agimi akyemeazba, eka ba agimi e la e dzu e bli Onda mi lo, e zga ayi ngre okyku o da gimi e kye shasha la akpukyeŋ egi ayi ba Ahogbrẽ mbo, nga okyku o da gimi e dzu opyapyaŋ ka la ŋa.

1 Eyohana 5:18

Agi e yi ba arekyeŋ ba moa a mbre ŋa okro ba Ahogbrẽ a la a shri eshri baŋ a zga okyku o kpo odlobi mbo, okyku eshi Anwye ba Ahogbrẽ a la a kpaŋ ŋa, nga Areabi a kpo a gbu baŋ a ta ŋa etsa mbo.