Eyakubu 1:25 - Ohwihwim Olehe

²⁵ Ambo areyaŋ a mbo la a ka odaŋ he lo la o bli shasha, la o shri oshla o ba, nga a la a zga ayi a yi ma, a dzu are la a gno ogno sha nga a gre esõ a ghre mbo, ambo a la a kpo otum ta la alo. Ahogbrẽ á shri owlama á da are he lo ekployaŋ a mbo baŋ a kpo.

Eyakubu 1:25 ပူးပေါင်းရင်းမြစ်များ

Oluka 11:28

Eyesu a tno ma a lu mi le, Moare la a gno odlo me nga a kpaŋ lo, moa a wo la oraŋ nzenze e ma!

Eyohana 13:17

Agimi e yi adlidzi ba lo, ambo agimi é gno oraŋ e gre eshri o wo bimi e kpo otum ta la adlidzi he lo!

Eyohana 8:36

O wo ba Anwye a shri odzudum a da gimi le, agimi é hwiŋ odzudum ba adlidzi.

Otum 13:43

Ambla ba eshki e som ayi e khwo nga, moaEyahuda pa la moa la a wo moaEyahuda mbo la a zhiŋ a sõ ozhẽ moaEyahuda, moa a lu Oblus ta la Abarnaba ma. Moa a sa a nyum oshpa, a shĩ mo ma moa a kom adlidzi ba Ahogbrẽ gble.

Otum 2:42

Moa a dzu pa la moa la a nyum oshpa okyku o da mo a nye mo odlo Ahogbrẽ. Moa a la a ri ekpom otsotse nga moa a la a ri algo nga a la a fa olu otsotse.

Otum 26:22

Ambo ma-me o bli olum anye he, Ahogbrẽ a la a kpo a ghwo la me. Okyku eka he, ame e tspi ahe okyku o zgi egŋe ba Ahogbrẽ egi ayi areyaŋ a mbo. Ekplo ba ame e lu hi, moarehwi ba Ahogbrẽ a hom otum ta la Omusa, moa a lu ma alo é kpo.

MoaOroma 11:22

Ahe, agi e ka eka ba okayiekŋe ta la olom ba Ahogbrẽ o wo. Aŋa a la a kpo olom pa la moa la a tsu a gbu, ambo a ka gimi ayiekŋe. O wo bimi e tspi kye eka he lo le, agimi é hwiŋ okpoghwo ba Ahogbrẽ. O wo bimi e tspi kye eka he lo mbo le, aŋa á ndbi gimi á ta.

MoaOroma 2:13

Moa a shri opyapyaŋ a zga agʼbaha moarehwi ta la Ahogbrẽ okyku moa a gŋo odaŋ angyiŋ mbo, mbo, ambo okyku o kpo ekplo ba odaŋ o lu.

MoaOroma 7:12

Odaŋ o wo la esesla, nga odlo lo a mbo o wo la esesla, nga o wo odzi.

MoaOroma 8:15

Okyku Ogbgaodzi ba Ahogbrẽ a shri a da gimi, o la o da gimi e dzu moawaghrẽ angyiŋ nga o la o shri eyli o ghwo gimi egʼba mbo. Ambo Ogbgaodzi o la o zhiŋ gimi o da gimi e dzu moanwye ba Ahogbrẽ. Nga okyku ekʼpo ba Ogbgaodzi lo angyiŋ, agi e la e fa olu okro ba Ahogbrẽ e la e bzi ŋa Adigi! Adigi!

MoaOroma 8:2

okyku eshi odaŋ ba Ogbgaodzi la o shri eso o da gi, nga o la o shri gi o kŋe o bga ta la Ekristi Eyesu, o zgi me o sku odaŋ ba odlobi ta la eku.

1 MoaOkorinti 15:58

Okyku eka he agimi anáŋ, e tspi osheshye kye, nga e kpo otum bimi ombamba pyeŋ okyku Adigi-odne. Agimi a mbo e sheŋ e yi ba otumyaŋ a mbo bimi e kpo ozhẽ ba Adigi-odne, ba alo o wo otum ba ototno mbo.

2 MoaOkorinti 13:5

O raŋ o gre ba agimi e mbga egimi e ka nga e sõ egimi ombgu, okyku o da gimi e yi zhezheŋ ba agimi e la e dzu la obmi ba adlidzi. Agimi e yi zhezheŋ ba Ekristi Eyesu a wo eso bimi mbo? O wo ba Eyesu a wo eso bimi mbo le, agimi e tsu e gbu ogbukyekyeŋ.

MoaEgalasiya 2:4

Ambo moarekyeŋ la a ba la obile ma moa a wo moanáŋ angyiŋ, moa a gre a ba eshki lo. Moa a klo o sheŋ ŋa ongyum. Moare he lo a ba eka moare la a kpre okro a ka angyiŋ, moa a ba okyku o yi edgu odzudum ba agi e wo la alo ma okyku okŋeobga bi e wo la alo ma ta la Ekristi Eyesu. Moa a klo bi e dzu moawaghrẽ sha.

MoaEgalasiya 5:1

Agi e wo la odzudum ma. Ekristi a sheŋ a shri odzudum a da gi! Okyku eka he agimi e tspi eka moarehwi la a wo la odzudum ma, nga agimi e bmi e dzu moawaghrẽ nga mbo.

MoaEgalasiya 6:2

O raŋ o gre ba agimi e la e sko oshri bimi e ghwo egimi. Ozhẽ he lo angyiŋ agimi é ba e kpaŋ odaŋ ba Ekristi.

MoaOkolosi 1:23

O raŋ o gre ba agimi e la e kpo otum la adlidzi okũ la o wo oshye, nga o wo zhezheŋ. Nga agimi e da okayiozhẽ ba agimi e hwiŋ omba ba agimi e gno Oshpaodzadzi he lo, o suŋ mbo ku-ku. Ame Oblus, e dzu awaghrẽ okyku oshpa he lo angyiŋ. Oshpaodzadzi he lo ba moa a sheŋ a nyum lo a ygi areyaŋ a mbo obiŋ hi.

1 Etimoti 2:15

Ambo ashe á gro ozhẽ baŋ a mbre moanwye, o wo baŋ a zga gble ombamba pyeŋ la obmi ba adlidzi, ta la oklo, ta la esesla, ta la oheheŋ.

1 Etimoti 4:16

O nyuŋ eshri boŋ o zga nga o nyuŋ o kpo ta la onyenye boŋ. Aŋo o kpo ayakplo he lo ombamba pyeŋ okyku o doŋ o shla eŋo, pa la moare la a gno odlo boŋ o lu lo.

MoaIbrani 12:15

Agimi e nyuŋ e kpo-kpo okyku o da arekyeŋ eshki bimi a zhiŋ ogbu o blu okpoghwo ba Ahogbrẽ mbo. E nyuŋ e kpo-kpo okyku o da arekyeŋ eshki bimi a hlu eka esĩ aki la e no, nga a la a kpo areyaŋ a mbo ewu la ekpre baŋ he lo mbo.

Eyakubu 2:12

Agimi e lu odlo nga e kpo ayakplo eka ba moarehwĩ ba moa á ba a sõ mo ombgu la odaŋ la o shri odzudum o shri o di angyiŋ.

1 Ebitru 2:16

O raŋ o gre ba agimi e dzu eka moarehwĩ la a wo la odzudum ma. Ambo agimi e sko odzudum e kha ekplokyeŋ ebi ba agimi e kpo mbo. Ambo agimi e dzu eka moawaghrẽ ba Ahogbrẽ.

1 Eyohana 2:24

Agimi e da ekplo bimi e gno oriori e dzu esõ bimi. Okyku eshi, o wo ba ayakplo ba agimi e gno okũ oriori a dzu gimi esõ le, ombamba pyeŋ agimi é dzu esõ ba Anwye, ta la Ada.

Otsotsa 14:13

Ambla he nga ame e gno enzi e zgi Ongyeŋ e lu mi le, Aŋo o ta odlo hi. A zga ohuhuhi a yi moa la a kpu okyku otum ba Adigi-odne, moa á gno oraŋ! Ogbgaodzi o tno ma o lu mi le, Adlidzi, alo o wo eka he lo angyiŋ. Ambla ba moa a kpo otum la o vu olo eka he, moa a sa á dzu á dum á gno oraŋ okyku eshi moa a shri egŋe ba otum mo lo a shri a kom ma.

Otsotsa 22:14

Moa la a ndza áriga mo a da lo a dzu akyle, moa á gno oraŋ, okyku eshi moa á wo ozhẽ ma ba o ri agbro ba esĩ aki ba esõ, nga moa á wo ozhẽ ba o sõ ayizhẽ otsko lo o yi osku he lo eshyẽ.