Eyakubu 1:21 - Ohwihwim Olehe

²¹ Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 1:21 ပူးပေါင်းရင်းမြစ်များ

Amatiyu 5:5

Oraŋ o wo ma okyku moa la a wo la esõ ble-ble, okyku eshi moa á hwiŋ ekplo ba Ahogbrẽ a hwim okyku mo!

Eyohana 6:63

Ogbgaodzi angyiŋ o la o shri eso o di. Ebyi egʼba sha e wo owlamakyeŋ mbo. Odlo ba ame e sheŋ e lu e da gimi o dzu Ogbgaodzi, ta la eso.

Eyohana 6:68

Esima Ebitru a tno ŋa ma a lu mi le, Adigi-odne, agi é yi okro ayi? Aŋo sha o wo odlo ba eso ba gbagbu-amo.

Otum 10:33

Okyku eka he ame e hom otum okyku o doŋ o ba shoshoŋ. Ame e vye boŋ o ka o bmye nga o ba. Agi mvye e wo egi ayi ba Ahogbrẽ ohuhuhi. Agi e dzu okyku e gno ekplo ba Ahogbrẽ a klo boŋ o lu o da gi.

Otum 13:26

Agimi anáŋ, agimi anwye ba Ebrahim, pa la moa la a wo moaEyahuda mbo, la a wo ahe mvye la a la a hlu Ahogbrẽ eshko, moa a shri oshpa ba oshla he lo a kom gi angyiŋ!

MoaOroma 1:16

Ame e bmi ba adlidzi ta la Oshpaodzadzi la o wo ekʼpo ba Ahogbrẽ, okyku o shla moare la a bmi ba adlidzi. Oriori moaEyahuda, ambla he nga, moa la a wo moaEyahuda mbo.

MoaOroma 11:17

E ka, embguebze ba aki ba olivi ba odne lo, moa a ngʼba lo a ygi a bi, nga moa a shri ombgu ba aki ba olivi la a wo akla, a shri a ba nga moa a shri lo a ba a bʼbu lo eble ta la olivi ba odne. Agimi la e wo moaEyahuda mbo e wo eka ba olivi ba akla angyiŋ, nga ohuhuhi agimi e la e pu oraŋ ta la esõ-egbubiŋ pa la moaEyahuda otsotse.

MoaOroma 6:17

Agi e vye la Ahogbrẽ! Okyku eshi ayga, agimi e wo moawaghrẽ ba odlobi angyiŋ, ambo ohuhuhi agimi e yga adlidzi eka moa a nye lo, la eso bimi ekyekyeŋ.

1 MoaOkorinti 15:2

Alo angyiŋ o wo Oshpaodzadzi, oshpa he lo angyiŋ ame e nyum e ygi gimi. Agimi é gro okro oshpa he lo o wo bimi e yga lo osheshye le, o wo le obmi ba adlidzi bimi o wo otum ba ototno angyiŋ.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoAfisu 1:13

Nga alo a mbo o wo ekakahelo angyiŋ ka la gimi. Omba ba agimi e gno oshpa ba adlidzi la o wo Oshpaodzadzi, alo angyiŋ o shri oshla o kom gimi, agimi e bmi ba adlidzi ta la Ekristi, nga Ahogbrẽ a bre gimi evgo ba agimi e wo moarehwĩ baŋ ozhẽ baŋ a shri Ogbgaodzi baŋ a hwim ka la gimi a da gimi angyiŋ.

MoAfisu 4:22

Okyku eka he agimi e ngʼba e sku odzudzu ogbyi bimi. Odzudzu ogbyi he lo o la o da gimi e kpo ekpom la ezhẽ la e wo edzi mbo. Odzudzu ogbyi la moa a la a jygi lo ibu okayiogro ba obile.

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

MoAfisu 5:4

O wo odzi ba agimi e lu odlobi, ta la odlo ototno o mbo le odlo eshre mbo. Ambo o raŋ o gre ba agimi e vye la Ahogbrẽ.

1 MoaEtasolonika 1:5

Okyku eshi agi e shri Oshpaodzadzi he lo e ba e kom gimi la anyu sha mbo, ambo agi e shri lo la ekʼpo, ta la Ogbgaodzi, ta la obibmi ba adlidzi ba oshpa lo bubgu. Agimi e yi eka ba agi e dzu omba ba agi e wo ka la gimi. Alo o wo okyku o kpo o ghwo la gimi angyiŋ.

1 MoaEtasolonika 2:13

Okyku okũ-okyeŋ nganga agi e vye la Ahogbrẽ ombamba pyeŋ. Omba ba agi e shri oshpa ba Ahogbrẽ e shri e ba, agimi e gno lo nga e yga lo. Agimi e yga lo eka ba oshpa ba arehwĩ angyiŋ mbo, ambo eka ba oshpa ba Ahogbrẽ angyiŋ. Adlidzi angyiŋ alo o wo oshpa ba Ahogbrẽ. Okyku eshi Ahogbrẽ a wo agʼbaha bimi la e bmi ba adlidzi ka la ŋa, nga a la a kpo otum baŋ eshki bimi.

Etitu 2:11

Alo o wo eka he, okyku eshi Ahogbrẽ a shri okpoghwo a shri a ba okyku o da areyaŋ a mbo a hwiŋ oshla.

MoaIbrani 12:1

Agi nga e wo la moaegŋe nzenze la a ta gi a kpaŋ. Agi nga e se ekployaŋ a mbo la e la e bme gi egŋe ozhẽ ta la odlobi la o la o ri gi egʼba, nga agi e knye oŋe la o wo egi ayi bi la esõ ekyekyeŋ.

MoaIbrani 2:3

Agi nga é kpo anyu é ba e gro o wo ba agi e tla e tsi oshla ogagre eka he e ghwo ayi? Adigi-odne ababgo baŋ a zga esĩ a su oshla he lo. Nga moare la a gno osu baŋ he lo moa a tsa gi ba alo o wo adlidzi angyiŋ.

MoaIbrani 4:2

Okyku eshi agi e gno Oshpaodzadzi eka ba moa a mbo a gno lo. Moa a gno oshpa he lo, ambo alo o kpo mo akplokyeŋ ba owlama mbo okyku eshi moa a yga lo la obmi ba adlidzi omba ba moa a gno lo mbo.

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

Eyakubu 5:20

agimi e tne aga e ka, areyaŋ a mbo la a kpaŋ are odlobi a sku ozhẽ ba odlobi le, a daŋ a sa a ngʼba a sku lo, aŋa á shla esõ are he lo abgo ba eku, nga á da mo a kyu ŋa abgo odlobi nzenze baŋ a kpo.

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

1 Ebitru 1:9

okyku eshi agimi e la e hwiŋ owlama eshri ba obmi ba adlidzi bimi. Alo angyiŋ o wo oshla ba esõ bimi e hwiŋ.

1 Ebitru 2:1

Agimi e ngʼba e sku ayakplo pyeŋ la a wo abi. O raŋ o gre ba agimi e sheŋ akpro mbo, nga e kpo abibli mbo, nga e ta efpu mbo, nga e lu odlo la o wo odzi mbo.

1 Ebitru 2:11

Agimi akyemeazba, ame e vẽ gimi, agimi la e wo moa-zhẽ pa la moarehwĩ la a som ayi okyku ewu angyiŋ obiŋ hi! Agimi e bmi ta la okoklo ba egʼba mbo. Okoklo ba egʼba o la o kyku ebzu ta la okoklo ba esõ ombamba pyeŋ.