Eyakubu 1:19 - Ohwihwim Olehe

¹⁹ Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 1:19 ပူးပေါင်းရင်းမြစ်များ

Amatiyu 5:22

Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Amarku 12:37

Eyesu a lu mi le, E ka, Adawuda a mbo a bzi Emisiya Adaŋ. Emisiya a kpo anyu a dzu a ba ogu ba Adawuda? Moare nzenze a ngli a gno onyenye Eyesu la ovyevye.

Amarku 2:2

Moare nzenze a ba, nga okro o fu kpate odne. Ekpazhi a mbo e fu kpate. Eyesu a nyum oshpa a ygi mo.

Oluka 15:1

Ombakyeŋ moare nzenze la a yga ewaŋ, pa la moare ba moa a tla mo eshki okyku moa a kpo odlobi, moa a ba okro Eyesu okyku o daŋ a nye mo.

Oluka 19:48

Ambo moa a hwiŋ ozhẽ okyku o bga ŋa mbo, okyku eshi areyaŋ a mbo a la a ngli atuŋ a gno odlo baŋ a la a lu. Moa a bmi a da ekplokyeŋ ba Eyesu a nye mo e bre e yi mbo.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

Otum 10:33

Okyku eka he ame e hom otum okyku o doŋ o ba shoshoŋ. Ame e vye boŋ o ka o bmye nga o ba. Agi mvye e wo egi ayi ba Ahogbrẽ ohuhuhi. Agi e dzu okyku e gno ekplo ba Ahogbrẽ a klo boŋ o lu o da gi.

Otum 13:48

Omba moa la a wo moaEyahuda mbo a gno eka he nga, moa a gno oraŋ nga moa a vye Adigi-odne okyku odlo baŋ. Nga moarehwi ba Ahogbrẽ a sheŋ a sla mo okyku eso ba gbagbu-amo, moa a bmi ba adlidzi.

Otum 17:11

Moare ahe lo a yga mo la ovyevye a gre eka moa a yga mo osku ba Etasolonika. Moare a ngli a gno oshpa lo adzadzi. Okyku eka he, elulum moa a klo aga Akpekpa ba Ahogbrẽ okyku o da mo a ka adlidzi ba odlo ba Oblus a la a lu.

Otum 2:42

Moa a dzu pa la moa la a nyum oshpa okyku o da mo a nye mo odlo Ahogbrẽ. Moa a la a ri ekpom otsotse nga moa a la a ri algo nga a la a fa olu otsotse.

MoAfisu 4:26

O wo ba esõ e tpi gimi ayi angyiŋ le, agimi e da lo e dzu ozhẽ ba agimi e kpo odlobi mbo, nga agimi e da olum o gbu gimi la alo mbo.

MoAfisu 4:31

Agimi e dzu la esõ la e wo ebi ta la arekyeŋ mbo, nga e dzu ta la ogroayi, ta la olom mbo. Nga e la e kʼpi ohwa la ota enzi angyangyeŋ o mbo le e la e dzĩ egimi nga mbo! Nga e la e kpo edgu ofpuyaŋ a mbo ta la egimi ku-ku nga mbo.

MoaOkolosi 3:15

Opyapyaŋ ba Ekristi a la a shri a di angyiŋ ó sõ ombgu esõ bimi, okyku eshi okyku opyapyaŋ he lo angyiŋ Ahogbrẽ a bzi gimi a ba okyku o da gimi e ba e kŋe e bga egʼba ekyekyeŋ. Agimi e vye.

MoaOkolosi 3:8

Ambo o raŋ o gre ba agimi e ngʼba e sku ayakplo he lo pyeŋ. Alo a wo olom, ta la ogroayi, ta la aga ba ofpu. Nga moa a klo ba odzi, ta la odlo ba eshre o zgi anyu bimi mbo, ku-ku.

1 MoaEtasolonika 2:13

Okyku okũ-okyeŋ nganga agi e vye la Ahogbrẽ ombamba pyeŋ. Omba ba agi e shri oshpa ba Ahogbrẽ e shri e ba, agimi e gno lo nga e yga lo. Agimi e yga lo eka ba oshpa ba arehwĩ angyiŋ mbo, ambo eka ba oshpa ba Ahogbrẽ angyiŋ. Adlidzi angyiŋ alo o wo oshpa ba Ahogbrẽ. Okyku eshi Ahogbrẽ a wo agʼbaha bimi la e bmi ba adlidzi ka la ŋa, nga a la a kpo otum baŋ eshki bimi.

Eyakubu 1:16

Agimi anáŋ, agimi e da mo a bile gimi mbo!

Eyakubu 1:2

Agimi anáŋ! Agimi e ka eka ba agimi e raŋ eshri angyiŋ, okyku omba ba moa a mbga gimi la edgu ombambga anda-ndandim.

Eyakubu 1:26

Arekyeŋ a la a ka eka baŋ a wo are la a kpaŋ odlo ba Ahogbrẽ adzadzi? O wo baŋ a la a nyunyuŋ a la a lu odlo mbo le, okpo-kpo baŋ he lo o wo o ba ototno angyiŋ. Nga a la a bile eshri baŋ.

Eyakubu 2:1

Agimi anáŋ! Odzudzu bimi, eka ba agimi e wo moare-hwĩ la a bmi ba adlidzi ta la Adigi-odne Eyesu Ekristi hi, aŋa la a wo Adigi-odne ba esesla angyiŋ. Agimi e sko moare e zga ondundum okyku edgu odzudzu mo ba egi edzi mbo.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

Eyakubu 3:10

Anyu akyakyeŋ angyiŋ a la a vye a khwo nga a la a sa a ta ogbukyu. Agimi anáŋ! Agimi e da edgu ayakplo he a kpo mbo ku-ku!

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

Eyakubu 5:12

Ekplo la e gre ahwõ pyeŋ, agimi anáŋ, e kʼpi ashum omba ba agimi e la e hwim okyku akploltyeŋ mbo. E kʼpi ashum la Ongyeŋ mbo, o mbo le la obiŋ hi, o mbo le la akplokyeŋ mbo ku-ku. O wo ba agimi e bmi le, e bmi, nga o wo ba agimi e tla le, e tla nga o khwo, okyku o da Ahogbrẽ a sõ gimi ombgu mbo.

Eyakubu 5:19

Agimi anáŋ! O wo ba akyeŋ eshki bimi a ngʼba a sku adlidzi le, nga ba arekyeŋ a bla ŋa a shri a ba le,

1 Eyohana 2:21

Ame e ta gimi akpa okyku ba agimi e gbaŋ e yi adlidzi angyiŋ mbo, ambo okyku ba agimi e sheŋ e yi adlidzi, nga okyku ba agimi e sheŋ e yi ba akpro a zgi adlidzi ku-ku a ka mbo.