Eyakubu 1:18 - Ohwihwim Olehe

¹⁸ La oklo ba esõ baŋ angyiŋ, a kpo gi ozhẽ ba odlo ba adlidzi okyku o da gi e hwiŋ okro ba anyuanyuŋ angyiŋ e dzu ma eshki ba ayakplo pyeŋ baŋ a kpo.

Eyakubu 1:18 ပူးပေါင်းရင်းမြစ်များ

Eyohana 1:13

Moa a dzu moanwye Ahogbrẽ ibu ombrembre ba egʼba mbo, ozhẽ ombrembre ba moarehwi a mbo mbo. Ahogbrẽ ababgo baŋ a dzu Adimo.

MoaOroma 4:17

Odlo Ahogbrẽ o lu mi le, Ame e sla ŋo okyku o doŋ o dzu ada ba embre moarehwi nzenze. Okyku eka he ohwihwim lo o wo odzi egi ayi ba Ahogbrẽ ba Ebrahim a bmi ba adlidzi ka la ŋa. Ahogbrẽ la a la a kso ekom, nga baŋ a la a da ekplo la e wo ma mbo e wo ma okro odaŋ baŋ.

1 MoaOkorinti 4:15

Odzudzu bimi ba Ekristi, o wo bimi e wo moare la a nye gimi e gbu ezbiokʼpo a mbo, agimi e wo la ada akyekyeŋ sha e ma. Okyku odzudzu bimi ba Ekristi, ame e dzu adigimi, okyku eshi ame angyiŋ e shri Oshpaodzadzi e da gimi.

2 MoaOkorinti 6:7

ta la oshpa bi ba adlidzi, ta la ekʼpo ba Ahogbrẽ. Odlodzi angyiŋ o wo ema ba o ta eko bi. O wo okyku o da gi e ta eko nga e ra e kpaŋ eshri bi.

MoAfisu 1:12

Agi nga la e wo moarehwĩ ba oriori la e sko aga bi e zga okro ba Ekristi, e da gi e hlu Ahogbrẽ eshko la ovyevye!

MoAfisu 1:13

Nga alo a mbo o wo ekakahelo angyiŋ ka la gimi. Omba ba agimi e gno oshpa ba adlidzi la o wo Oshpaodzadzi, alo angyiŋ o shri oshla o kom gimi, agimi e bmi ba adlidzi ta la Ekristi, nga Ahogbrẽ a bre gimi evgo ba agimi e wo moarehwĩ baŋ ozhẽ baŋ a shri Ogbgaodzi baŋ a hwim ka la gimi a da gimi angyiŋ.

2 Etimoti 2:15

O zga gble okyku o da Ahogbrẽ a gno oraŋ ka la ŋo eka ba anwyeotum la a gbu anzi la otum baŋ mbo, ambo o kpo lo eka ba are la a nye odlo ba Ahogbrẽ la adlidzi.

MoaIbrani 12:23

Agimi e ba eshki la e wo la ovye ma angyiŋ. Eshki he lo e wo moanwye andakʼpo ba Ahogbrẽ. Moa a ta ashko mo akpa la a wo Ongyeŋ. Agimi e ba okro ba Ahogbrẽ la a wo are la a sõ moarehwĩ pyeŋ ombgu. Nga agimi e ba eshki esõ ba moarehwĩ pyeŋ ba odlodzi la a sheŋ a bli zhezheŋ.

Eyakubu 1:15

Omba ba aga abi ba esõ baŋ he lo a kpo onyi, a kpo nga a mbre odlobi, nga odlobi a mbo o hlu o khwo nga, o sa o mbre eku.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 3:14

Ambo o wo bimi e wo abi angyiŋ esõ bimi le, nga agimi e la e kpo efpu nga e klo eshri le, o raŋ o gre bimi e hre egʼba nga e sheŋ akpro eshri adlidzi he lo mbo.

1 Ebitru 1:23

Okyku eshi okro ba odlo ba Ahogbrẽ la o wo la esõ ma nga ba alo ó dzu ma gbagbu-amo, moa a sa a bla gimi a mbre eka moanwye ba ada la á kpu ku-ku nga mbo.

1 Ebitru 1:3

E da gi e vye la Ahogbrẽ la a wo Adaŋ Adigi-odne Eyesu Ekristi! Okyku okayiekŋe baŋ la o wo ogagre, nga okyku baŋ a shri esõ elehe a shri a da gi ozhẽ baŋ a kso Eyesu Ekristi ongybi. Ohe lo o da gi e wo la okayiozhẽ ba esõ ma.

1 Eyohana 3:9

Areyaŋ a mbo la a wo anwye ba Ahogbrẽ le, aŋa a la a shri eshri baŋ a zga okyku o kpo odlobi mbo. Okyku eshi edgu odzudzu ba Ahogbrẽ angyiŋ o wo esõ baŋ. Nga okyku ba Ahogbrẽ angyiŋ a wo Adaŋ, aŋa a kpo a gbu baŋ a sko eshri baŋ a zga okyku o kpo odlobi mbo.

Otsotsa 14:4

Moahi lo angyiŋ a wo moarehwĩ la a shri eshri mo a zga shasha, nga moa a kpo akplokyeŋ pa la moashe a ka mbo ku-ku, moa a kyu moashe a ka mbo. Moa angyiŋ la a lu Anwye Ekylu lo ma a yi okroyaŋ a mbo baŋ a la a yi. Moa a sheŋ a shla mo eshki moarehwĩ. Nga moa angyiŋ a wo moarehwĩ ba moa a shri mo a ndba Ahogbrẽ ta la Anwye Ekylu ori.