Eyakubu 1:17 - Ohwihwim Olehe

¹⁷ Okpogbu odzadzi pyeŋ, ta la ototno la o bli pyeŋ, moa a zgi Ongyeŋ okro ba Ahogbrẽ angyiŋ o ba. Aŋa angyiŋ a kpo ayimom pyeŋ la a wo ongyeŋ. Ahogbrẽ a wo eka ba ayimom ta la amu la e nyiŋ ombamba mbo. Aŋa a la a nyiŋ mbo ku-ku.

Eyakubu 1:17 ပူးပေါင်းရင်းမြစ်များ

Amatiyu 7:11

Agimi e wo abi egyagi a mbo, agimi e yi eheŋ ba o shri anzho adzadzi e shri e da moanwye bimi. Adigimi la a wo Ongyeŋ a mbo la a gre gimi, á shri ayakplo adzadzi á shri á da moa la a vẽ ŋa.

Oluka 11:13

Agimi e wo moarehwi ba eda ebi, ambo ekakahelo agimi e yi eka bimi e shri ayakplo la a wo adzi e shri e da moanwye bimi. O wo ba agimi adaŋ moanwye la e wo eda ebi e yi eka bimi e shri ayakplo adzadzi e da moanwye bimi le, o sa o tsi Adigimi la a wo Ongyeŋ á shri Ogbgaodzi á da areyaŋ a mbo la a vẽ ŋa mbo?

Eyohana 1:9

Alo angyiŋ a wo ayimom ba adlidzi la a ba obiŋ hi, nga a la a tra moare mvye.

Eyohana 3:27

Eyohana a tno ma a lu mi le, Arekyeŋ a kpo a gbu baŋ a wo ekplokyeŋ ma mbo, o wo le Ahogbrẽ a shri lo a daŋ ayga dne.

Eyohana 3:3

Eyesu a tno Enikodimo ma a lu mi le, Ame e lu e doŋ, arekyeŋ a kpo a gbu baŋ a ka Oreŋ Ahogbrẽ mbo, o wo le moa a bla ŋa a mbre ayga dne.

Eyohana 8:12

Eyesu a lu pa la mo nganga a lu mi le, Ame angyiŋ e wo Ayimom ba Obiŋ hi. Areyaŋ a mbo la a lu me ma á hwiŋ ayimom ba eso, nga aŋa á dzi evbu nga mbo.

Otum 11:18

Ambla ba Ebitru a lu eka he nga, moa a kyu abgo o shrom ŋa nga moa a hlu Ahogbrẽ eshko a lu mi le, Ahogbrẽ a hwile ozhẽ okyku o da moa la a wo moaEyahuda mbo a mbo a ghwo obiŋ nga a hwiŋ oshla!

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

MoaOroma 6:23

Okyku ba egbre odlobi e wo eku angyiŋ, ambo ototno ba Ahogbrẽ o wo eso ba gbagbu-amo ibu ba Ekristi Eyesu Adigi-odne.

1 MoaOkorinti 4:7

Ayi angyiŋ a kpo ŋo a doŋ o wo la anyuanyuŋ o gre moahwõ? Ahogbrẽ angyiŋ a shri ekployaŋ a mbo boŋ o wo la alo ma a shri a doŋ mbo? Okyku eka he, okyku eshi aŋo o nyom egʼba eka ba moa a shri ayakplo he lo a shri a doŋ ototno angyiŋ mbo?

2 MoaOkorinti 4:6

Ahogbrẽ la a lu mi le, Ayimom lo á zgi evbu angyiŋ á ba a tra! Aŋa angyiŋ a da ayimom baŋ a tra eso bi, okyku o da gi e hwiŋ ayimom ba oyioyi ba esesla ba Ahogbrẽ la a shka ayi eyayi ba Ekristi.

MoAfisu 1:18

Ame e vẽ okyku o da Ahogbrẽ a hwile gimi esõ okyku o da gimi e ka ayimom baŋ, okyku o da gimi e yi okayiozhẽ baŋ a bzi gimi okyku lo, nga okyku o da gimi e yi baŋ a hwim pa la moarehwĩ baŋ, okyku owlama ba egbregbre la o wo nzenze,

MoAfisu 2:8

Okyku eshi agimi é gro okyku okpoghwo ba Ahogbrẽ angyiŋ okro ba obmi ba adlidzi. O wo okpo-kpo bimi angyiŋ mbo, ambo ototno ba Ahogbrẽ angyiŋ.

MoaEfilibi 1:29

E ka, moa a hwile gimi ozhẽ okyku o kpo otum okyku Ekristi, ohi lo o wo okro obmi ba adlidzi ka la ŋa sha mbo, o wo okro ba okpoewu okyku Ekristi bubgu.

1 Etimoti 6:16

Aŋa sha a wo la á kpu ku-ku mbo. Aŋa a la a dzu ayimom ba arekyeŋ a yi osusku ta la alo a gbu ku-ku mbo. Arekyeŋ a ka ŋa a ka ku-ku mbo, nga arekyeŋ á ka ŋa á gbu mbo ku-ku. Onyuonyuŋ ta la ekʼpo pyeŋ ba gbagbu-amo, moa pyeŋ moa a wo a baŋ angyiŋ! Amin.

MoaIbrani 13:8

Ore ta la anye, ta la akyi, ta la gbagbu-amo, Eyesu Ekristi á nyiŋ ku-ku mbo.

Eyakubu 1:5

Ambo o wo ba arekyeŋ eshki bimi a gbaŋ la okaobmye le, o raŋ o gre baŋ a vẽ Ahogbrẽ. Aŋa á shri lo á shri á daŋ, okyku eshi Ahogbrẽ a la a shri ekployaŋ a mbo a shri a da areyaŋ a mbo la ovyevye ta la oklo.

Eyakubu 3:15

Edgu okaobmye he lo o zgi ongyeŋ angyiŋ o ba mbo ku-ku. Edgu okaobmye he lo o wo okaobmye ba obiŋ hi angyiŋ, nga alo o wo okaobmye ba aga ba egʼba angyiŋ, nga alo o wo okaobmye ba egbgabi.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Eyohana 1:5

Ohuhuhi oshpa he lo angyiŋ agi e gno ba Anwye baŋ. Agi e la e su lo angyiŋ e da gimi. Ahogbrẽ a wo ayimom angyiŋ, nga evbu e wo ka la ŋa mbo ku-ku.

1 Eyohana 4:10

Agi angyiŋ a klo Ahogbrẽ mbo, ambo aŋa angyiŋ a klo gi nga a da Anwye baŋ a ba a dzu ozhẽ la o da gi e hwiŋ okyuabgo odlobi bi. Oklo o wo eka he angyiŋ.

Otsotsa 21:23

Osku he lo o klo ayimom ba olum ta la ayimom ba ohwa mbo, okyku eshi ayimom ba esesla ba Ahogbrẽ a la a tra osku he lo, nga Anwye Ekylu angyiŋ a wo emgbuovo ba osku he lo.

Otsotsa 22:5

Okyukyku ó wo ahe lo nga mbo, nga émgbuovo ta la ayimom ba olum á wo owlama ahe lo nga mbo, okyku eshi Adigi-odne Ahogbrẽ angyiŋ á ba a dzu ayimom mo, nga moa á ri ekʼpo eka moanyuŋ-areŋ gbagbu gbagbu-amo.