Eyakubu 1:16 - Ohwihwim Olehe

¹⁶ Agimi anáŋ, agimi e da mo a bile gimi mbo!

Eyakubu 1:16 ပူးပေါင်းရင်းမြစ်များ

Amatiyu 22:29

Ambo Eyesu a tno mo ma a lu mi le, Agimi e lu odlo ototno e gre eshri! Agimi e lu eka he okyku bimi e ka Odlo Ahogbrẽ, ta la ekʼpo ba Ahogbrẽ e bmye mbo angyiŋ.

Amarku 12:24

Eyesu a nyuŋ mo a lu mi le, Agimi e ta akpu angyiŋ. Agimi e yi ekplo la e da gimi e lu eka he lo? Okyku bimi e yi Akpa ba Ahogbrẽ ta la ekʼpo ba Ahogbrẽ mbo angyiŋ.

Amarku 12:27

O dzu, aŋa a wo Ahogbrẽ moare la a kpu angyiŋ mbo, ambo a wo a moare la a wo esõ ma. Okyku eka he agimi e ta akpu e gre eshri.

Otum 1:15

Ambla elum fi nga moare la a bmi ba adlidzi ta la Eyesu moa a shki eshki. Moa a wo eka endgaekyeŋ la ekʼpoeha. Ebitru a kso nga a nyuŋ mo a lu mi le,

1 MoaOkorinti 6:9

Adlidzi angyiŋ, agimi e yi zhe-zheŋ ba moarehwi ba odlobi á ba a yi Oreŋ ba Ahogbrẽ mbo mbo? Agimi e bile egimi mbo, okyku eshi moarehwi la a la a kpo ayakplo ba eshre, nga a la a kpo ololo, nga a la a ri eshra, nga a klo moarealom,

MoaEgalasiya 6:7

E bile egimi mbo. Arekyeŋ a kpo a gbu baŋ a bile Ahogbrẽ mbo. Are á yla ekplo baŋ a fu angyiŋ.

MoaEfilibi 2:12

Okyku eka he agimi akyemeazba, eka ba agimi e la e fa olbi e da me a zga omba ba ame e yi e wo ka la gimi, o raŋ o gre ba agimi e fa olbi e da me ohuhuhi angyiŋ okyku ba ame e ngʼba e sku gimi. Agimi e la e kpo otum e ta ma-ma, la eyli ta la egʼba la e zhga ara okyku o bli otum ba oshla bimi.

MoaEfilibi 4:1

Okyku eka he nga agimi anáŋ ba ame e klo gimi nzenze, alo o kpo me ewu ba ame e dzu gimi e zga e gre eshri! Agimi e gbu me esõ obiŋ, nga ame e wo la ovye ma okyku gimi e gre eshri. Ohe lo o tsa ozhẽ okyku o da gimi e tspi la osheshye angyiŋ ibu odzudzu bimi okro ba Adigi-odne.

MoaOkolosi 2:4

Okyku eka he, ame e la e lu e da gimi, e da arekyeŋ a bile gimi la oklaodlo ba akpro mbo, o wo ba alo o wo odzi egyagi a mbo, e bmi mbo.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

2 Etimoti 2:18

Moa a dzu ozhẽ ba adlidzi a zga nga moa a la a so obmi ba adlidzi moakyeŋ ayi, okyku eshi moa a la a nye mo ma oksongybi o sheŋ o bre o gre bgu.

MoaIbrani 13:1

O raŋ o gre ba agimi e klo egimi eka moanáŋ eshko ba Ekristi.

Eyakubu 1:19

Agimi anáŋ, agimi e tne aga ekplo he lo! O raŋ o gre ba areyaŋ a mbo a ngli atuŋ a gno adzadzi, nga a lu odlo tsutsutsku mbo, nga a la a da esõ e vre ŋa shoshoŋ mbo.

Eyakubu 1:2

Agimi anáŋ! Agimi e ka eka ba agimi e raŋ eshri angyiŋ, okyku omba ba moa a mbga gimi la edgu ombambga anda-ndandim.

Eyakubu 2:1

Agimi anáŋ! Odzudzu bimi, eka ba agimi e wo moare-hwĩ la a bmi ba adlidzi ta la Adigi-odne Eyesu Ekristi hi, aŋa la a wo Adigi-odne ba esesla angyiŋ. Agimi e sko moare e zga ondundum okyku edgu odzudzu mo ba egi edzi mbo.

Eyakubu 2:14

Agimi anáŋ! O wo akplokyeŋ angyiŋ ba are a lu mi le, Ame e wo la obmi ba adlidzi ma, o wo ba odzudzu baŋ o ka o tsa eka he lo mbo? Edgu obmi ba adlidzi he lo ó shla ŋa?

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

Eyakubu 3:1

Agimi anáŋ! O raŋ o gre ba moare nzenze angyiŋ eshki bimi a dzu moa la a nye mbo, okyku eshi agi la e nye moa á sõ gi ombgu la o vu olo á gre moahwõ.

Eyakubu 3:10

Anyu akyakyeŋ angyiŋ a la a vye a khwo nga a la a sa a ta ogbukyu. Agimi anáŋ! Agimi e da edgu ayakplo he a kpo mbo ku-ku!

Eyakubu 4:11

Agimi anáŋ, o raŋ o gre ba agimi e lu odlo ototno eshri egimi mbo. Areyaŋ a mbo la a lu odlo eshri anáŋ o mbo le a sõ ŋa ombgu le, o dzu eka baŋ a tla odaŋ, nga a sõ odaŋ ombgu angyiŋ. O wo boŋ o la o sõ odaŋ ombgu le, o dzu eka boŋ o wo are la a kpaŋ odaŋ lo nga mbo, ambo aŋo o dzu are la a sõ ombgu la odaŋ lo angyiŋ.

Eyakubu 5:12

Ekplo la e gre ahwõ pyeŋ, agimi anáŋ, e kʼpi ashum omba ba agimi e la e hwim okyku akploltyeŋ mbo. E kʼpi ashum la Ongyeŋ mbo, o mbo le la obiŋ hi, o mbo le la akplokyeŋ mbo ku-ku. O wo ba agimi e bmi le, e bmi, nga o wo ba agimi e tla le, e tla nga o khwo, okyku o da Ahogbrẽ a sõ gimi ombgu mbo.

Eyakubu 5:19

Agimi anáŋ! O wo ba akyeŋ eshki bimi a ngʼba a sku adlidzi le, nga ba arekyeŋ a bla ŋa a shri a ba le,