Eyakubu 1:12 - Ohwihwim Olehe

¹² Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

Eyakubu 1:12 ပူးပေါင်းရင်းမြစ်များ

Amatiyu 10:22

Areyaŋ a mbo á tla gimi okyku me. Ambo are la a ta esõ akpyli o tsa omba amom-abgo le, aŋa á gro.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Oluka 6:22

Oraŋ o wo ma okyku gimi ba moare a tla gimi, nga a la a tsa gimi atsa, nga a sko gimi a zga abi okyku eshko Anwye Arehwĩ!

MoaOroma 5:4

Oghwo-esõ ba agi e la e ghwo omba bi e la e kpo ewu, o da Ahogbrẽ a gno oraŋ ka la gi. Okyku eka he, agi e la e ka ayi ozhẽ.

MoaOroma 8:28

Agi e yi ba ekployaŋ a mbo e la e kpo adzadzi pa la moare la a klo Ahogbrẽ, moahi lo a mi a sla mo.

1 MoaOkorinti 2:9

Ambo eka ba Akpa ba Ahogbrẽ a lu mi le, Ekplo ba arekyeŋ a ka, o mbo le a gno a ka ku-ku mbo, Ekplo ba arekyeŋ a tne aga a fu ma ba alo é kpo mbo, Ahogbrẽ a nyiŋ ohe lo angyiŋ a kpo lo okyku moa la a la a klo ŋa.

1 MoaOkorinti 8:3

Ambo are la a klo Ahogbrẽ, Ahogbrẽ a yi ŋa.

1 MoaOkorinti 9:25

Areyaŋ a mbo la a la a nye o kpo ekpyle le, a la a nye o ta eso akpyli. Aŋa a la a kpo ohe lo okyku ela egbre la e wo la owlama okyku omba ple sha. Ambo agi e la e kpo ekpyle bi okyku egbre ba gbagbu-amo.

2 Etimoti 2:15

O zga gble okyku o da Ahogbrẽ a gno oraŋ ka la ŋo eka ba anwyeotum la a gbu anzi la otum baŋ mbo, ambo o kpo lo eka ba are la a nye odlo ba Ahogbrẽ la adlidzi.

2 Etimoti 4:8

Ohuhuhi nga egbre e wo ma okyku me okyku ba ame e ri. Egbre he lo e wo egbre ba odlodzi ba Adigi-odne la a sõ ombgu ba adlidzi angyiŋ, aŋa á shri lo á da me Onda mi lo. Aŋa á shri lo á da me sha angyiŋ mbo, ambo á shri lo á da areyaŋ a mbo la a la a dzu a bli ŋa la oklo okyku oba-ba baŋ.

MoaIbrani 10:32

Agimi e ka eka ba ayakplo a wo ka la gimi ayga. Omba mi lo, ambla ba ayimom ba Ahogbrẽ a tra gimi, agimi e kpo ewu okyku ayakplo nzenze. Ambo ewu he lo e da gimi e tsi e gbu mbo ku-ku.

MoaIbrani 11:17

Obmi ba adlidzi angyiŋ o da Ebrahim a bmi okyku o shri anwye baŋ Eshaku, o shri o ndba Ahogbrẽ omba ba Ahogbrẽ a mbga ŋa a ka. Ahogbrẽ a hwim ohwihwim lo ta la Ebrahim angyiŋ, ekakahelo a mbo Ebrahim a zga esõ ekyekyeŋ angyiŋ baŋ á shri anwye baŋ akyakyeŋ lo á shri á ndba Ahogbrẽ.

MoaIbrani 12:5

Agimi e gre esõ e ghre odlo ba Ahogbrẽ la o shĩ gimi, baŋ a lu ka la gimi eka moanwye baŋ? A lu mi le, Aŋo anwye me, o ngli atuŋ o gno omba ba Adigi-odne a la a nye ŋo. O da egʼba e shki ŋo ami omba baŋ a la a shrom ŋo mbo.

MoaIbrani 6:15

Ebrahim a wo heheŋ, okyku eka he a hwiŋ ekplo ba Ahogbrẽ a hwim okyku ŋa.

Eyakubu 2:5

Agimi anáŋ, e ngli atuŋ e gno odlo me! Ahogbrẽ a sla moaekŋe ba obiŋ hi okyku o da mo a dzu la angyiŋ okro ba obmi ba adlidzi, nga okyku o da mo a hwiŋ oreŋ baŋ a hwim a zga ma okyku areyaŋ a mbo la a klo ŋa.

Eyakubu 5:11

Moa a dzu gble, okyku eka he agi e la e bzi mo ma moarehwĩ la a gno oraŋ. Agimi e sheŋ e gno eka ba Ayuba a ta esõ akpyli, nga agimi e yi eka ba amom-abgo a hwiŋ owlama okro ba Adigi-odne. E ka, Adigi-odne a wo are la a wo la okayiekŋe ta la oklo ma.

1 Ebitru 3:14

Ambo o wo ba agimi e la e kpo ewu okyku o kpo ayakplo la a wo shasha, agimi e dzu la oraŋ nzenze! E kpo eyli ba moarehwĩ mbo. Nga agimi e da esõ e ngʼba gimi mbo.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.

1 Ebitru 4:14

O wo ba moa a dzĩ gimi okyku bimi e lu Ekristi ma le, agimi e kpo ovye. O dzu eka ba Ogbagaodzi ba esesla la o wo Ogbgaodzi ba Ahogbrẽ, o ba o gile okro bimi angyiŋ.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

1 Eyohana 4:19

Agi e wo la oklo ma okyku eshi Ahogbrẽ angyiŋ a klo gi oriori.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 3:19

Ame e la e nye, nga e la e kpo moare ba ame e klo ewu. O nyuŋ o kpo-kpo nga o ngʼba o sku edlobi boŋ.

Otsotsa 3:21

Moare la a hwiŋ okpogre lo, ame é da mo ozhẽ okyku o da mo a dzu agbaŋ ba emgbakyiŋ ba oreŋ me, eka ba ame a mbo e hwiŋ okpogre, nga ohuhuhi, ame e dzu agbaŋ ba emgbakyiŋ ba oreŋ ba Adugu ka la ŋa.