Eyahuda 1:7 - Ohwihwim Olehe

⁷ Agimi e tne aga eshri ba Osodom ta la Ogomora, ta la esku la e wo osusku ta la lo. Moarehwĩ ba ekro he lo moa a kpo eka ba moanwyeadga ba egbga a kpo. Moa a ta ekpa nga moa a kpo ayakplo la a wo shasha mbo. Okyku eka he, ewu mo angyiŋ e dzu ovo ba gbagbu-amo. Nga alo o kpo okyku o sa o nye moahwõ pyeŋ.

Eyahuda 1:7 ပူးပေါင်းရင်းမြစ်များ

Amatiyu 10:15

Agimi e ka! Onda Osõmbgu le, Ahogbrẽ á ka moarehwĩ ba Osodom, ta la Ogomora a mbo ayiekŋe á gre osku mi lo!

Amatiyu 11:24

Aŋo o ka, Onda Ombgu, Ahogbrẽ á ka Osodom ayiekŋe á gre ŋo!

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Oluka 17:29

Onda ba Olotu a zhiŋ ogbu a sku osku ba Osodom nga, ovo la o vu ŋaŋaŋla o ygi osku nga o jygi lo pyeŋ.

1 MoaOkorinti 6:9

Adlidzi angyiŋ, agimi e yi zhe-zheŋ ba moarehwi ba odlobi á ba a yi Oreŋ ba Ahogbrẽ mbo mbo? Agimi e bile egimi mbo, okyku eshi moarehwi la a la a kpo ayakplo ba eshre, nga a la a kpo ololo, nga a la a ri eshra, nga a klo moarealom,

2 MoaEtasolonika 1:7

Nga aŋa á shri odzudum á da gimi la e la e kpo ewu, nga á shri odzudum á da gi a mbo. Aŋa á kpo ohe lo omba ba Adigi-odne Eyesu a zgi Ongyeŋ a ba. Eyesu á ba la moanwyeadga baŋ la a wo la ekʼpo a gre eshri,

2 MoaEtasolonika 1:8

ta la ovo la o vu nzenze, okyku o kpo moare la a yi Ahogbrẽ mbo ewu la alo, nga okyku o kpo moare la a kpaŋ Oshpaodzadzi ba Adigi-odne Eyesu mbo.

2 Ebitru 2:2

Ambo ekakahelo a mbo, moare nzenze á dzu mo ezhẽ ba eshre nga okyku edgu ayakplo ba moa a la a kpo, moare á tsa Ozhẽ ba adlidzi atsa.

2 Ebitru 2:6

Ahogbrẽ a shraŋ moarehwĩ ba esku ba Osodom ta la Ogomora, nga a jygi mo la ovo, nga a da lo o dzu egŋe okyku moarehwĩ ba odlobi, eshri ekplo la é ba e kpo pa la mo.

2 Ebitru 3:7

Ambo ongyeŋ pyeŋ ta la obiŋ hi la o wo ma ohuhuhi, odlo he lo angyiŋ ó shri lo ó zga ma, okyku o da mo a jygi lo la ovo. Moa a shri lo pyeŋ a zga ma á bli onda ba moa á sõ moarehwĩ ba odlobi ombgu nga á jygi mo.