Eyahuda 1:3 - Ohwihwim Olehe

³ Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.

Eyahuda 1:3 ပူးပေါင်းရင်းမြစ်များ

Otum 17:3

Aŋa a la a sla lo a da mo a ka nga, a tsa mo eka ba o dzu omgbybi ba Emisiya á ba a kpo ewu nga moa á kso ŋa ongybi. Oblus a nyuŋ mo a lu mi le, Eyesu ba ame e la e lu odlo eshri baŋ he lo a mi, a wo Emisiya he lo.

Otum 18:28

Okyku obmye anyu baŋ a bmye a gre eshri, aŋa a la a lu odlo a bga moaEyahuda okro moa la a shki ma a la a kla odlo. A tsa mo Akpa ba Ahogbrẽ ba Eyesu angyiŋ a wo Emisiya.

Otum 20:27

Ame e kom ekplokyeŋ ba Ahogbrẽ a klo ba ame e lu e da gimi mbo ku-ku.

Otum 28:28

Oblus a lu mi le, Agimi e gno oshpa ba Ahogbrẽ ba oshla moa á shri á kom moa la a wo moaEyahuda mbo. Moa á ngli atuŋ á gno! [

Otum 4:12

Ozhẽ oshla o wo okro Eyesu sha. Arekyeŋ a wo ma obiŋ hi mbo ku-ku ba Ahogbrẽ a shri a di ba agi e kpo e gbu bi e hwiŋ oshla okro baŋ.

Otum 6:7

Ambla ne nga, odlo Ahogbrẽ o ngla o ta ma-ma. Moa la a bmi ba adlidzi a ta ma-ma ombamba mvye osku ba Orushalima, nga moandakʼpo olu ba Ahogbrẽ nzenze a bmi ba adlidzi.

Otum 9:13

Ahananiya a tno Adigi-odne ma a lu mi le, Adigi-odne, moare nzenze a lu edgu odlo andandandim eka ba alom he lo a la a kpo moarehwi boŋ ewu osku ba Orushalima.

Otum 9:22

Oshpa ba Eshawlu la a nyum, o bli la ekʼpo Ogbgaodzi, nga otsotsa baŋ la a tsa ba Eyesu angyiŋ a wo Emisiya o wo zhezheŋ, nga moaEyahuda la a wo Adamasku a tno ŋa akplo-kyeŋ a gbu mbo.

1 MoaOkorinti 15:3

Ame e shri ekployaŋ a mbo ba ame e yga angyiŋ e shri e da gimi. E wo anyuanyuŋ nzenze. O wo adlidzi eka moa a ta Akpa ba Ahogbrẽ ma Ekristi a kpu okyku odlobi bi pyeŋ.

MoaEgalasiya 2:5

Agi e ka e bmi pa la mo tsi mbo ku-ku, okyku o da gi e kpaŋ adlidzi ba Oshpaodzadzi okyku gimi.

MoaEgalasiya 3:28

Okyku eka he egʼbakyeŋ e wo agʼbaha ba moaEyahuda pa la moa la a wo moaEyahuda mbo mbo, nga egʼbakyeŋ e wo agʼbaha moawaghrẽ pa la moa la a wo la odzudum mbo. Egʼbakyeŋ e wo agʼbaha moarealom pa la moashe mbo. Agimi e wo okyekyeŋ angyiŋ okŋeobga ta la Ekristi Eyesu.

MoaEgalasiya 6:11

Agimi e ka anyuŋ eyi engla ba ame e ta e kom gimi la abgo me ohuhuhi!

MoAfisu 1:1

Akpa he lo a zgi abgo Oblus. Aŋa a dzu are la a nyum oshpa ba Ekristi Eyesu okoklo ba Ahogbrẽ angyiŋ. Alo a wo okyku moare la a lu Ahogbrẽ ma la a wo osku ba Afisu, moa la a la a kpo adlidzi esõ mo odzudzu mo ta la Ekristi Eyesu.

MoaEfilibi 1:1

Akpa he lo a zgi abgo Oblus ta la Etimoti, moawaghrẽ ba Ekristi Eyesu. Alo a wo okyku moarehwĩ la a lu Ahogbrẽ ma pyeŋ la a dzu osku ba Efilibi, moa la a bmi ba adlidzi ta la Ekristi Eyesu, pa la moandakʼpo ba Eklisiya, pa la moa la a kpo a ghwo la mo.

MoaEfilibi 1:27

Ohuhuhi nga ekplo la e raŋ e gre, o raŋ o gre ba edgu odzudzu bimi o wo eka ba edgu odzudzu ba Oshpaodzadzi ba Ekristi o klo. Okyku o wo ba ame e kpo e gbu e ba e ka gimi mbo a mbo, ame e klo o gno eka bimi e tspi gaŋ ta la ayaŋ akyakyeŋ, nga e la e ta eko otsotse la aga akyakyeŋ sha okyku obmi ba adlidzi ba Oshpaodzadzi he lo.

MoaOkolosi 1:2

Alo a wo okyku moarehwĩ ba Ahogbrẽ la a wo osku ba Okolosi, moa la a wo moanigi ba adlidzi ba Ekristi. Ahogbrẽ la a wo Adigi a shri okpoghwo ta la opyapyaŋ a shri a da gimi.

1 MoaEtasolonika 2:2

Agimi e yi eka ba moa a kpo gi ewu, nga moa a dzĩ gi osku ba Efilibi omba ba agi e ba okro bimi osku ba Etasolonika a wo mbo. Ambo Ahogbrẽ a shri oshye-esõ a shri a da gi okyku o da gi e lu Oshpaodzadzi la o zgi okro ba Ahogbrẽ e ygi gimi. Oklaodlo o wo ma egyagi a mbo agi e lu.

1 Etimoti 1:18

Aŋo Etimoti anwye me, ame e shri odaŋ he lo e ghwo ŋo abgo. Odaŋ he lo o wo eshri ekplo ba moa a ka nga a lu odlo eshri boŋ ogbyigbyi angyiŋ. Okyku eka he o da odlo he lo angyiŋ o dzu anzho eko boŋ ibu eko edzadzi boŋ o la o ta he lo,

1 Etimoti 6:12

O zga ayi ngre nga o knye oŋe ba obmi ba adlidzi, okyku o doŋ o hwiŋ egbre ba esõ ba gbagbu-amo. Okyku odzudzu he lo angyiŋ Ahogbrẽ a bzi ŋo, omba boŋ o zgi egŋe ba obmi ba adlidzi boŋ egi ayi moaegŋe ahwõ nzenze.

2 Etimoti 1:13

Aŋo o kpaŋ adlidzi ba ame e nye ŋo. O da lo a dzu ŋo ozhẽ ba ososõ, nga o tspi ozhẽ ba obmi ba adlidzi ta la oklo. Moahi lo a wo a bi, okyku okŋeobga bi e wo la alo ma ta la Ekristi Eyesu.

Etitu 1:4

Ame e ta Etitu akpa. Aŋa a wo anwye me ba adlidzi ibu ba obmi ba adlidzi ba agi e wo ma. Ahogbrẽ la a wo Adigi, ta la Ekristi Eyesu Areoshla bi, moa a shri okpoghwo ta la opyapyaŋ a shri a doŋ.

MoaIbrani 13:22

Ame e vẽ gimi anáŋ, okyku o da gimi e ngli atuŋ e gno oshpa ba oshye-esõ he lo esõ heheŋ. Okyku eshi akpa ba ame e ta gimi he lo a ka a dzõ nzenze mbo.

MoaIbrani 6:9

Nga eka ba agi e lu ka la gimi akyegiazba ba adlidzi eka he a mbo, agi e fu esõ eha okyku gimi mbo. Agi e yi ba agimi e wo la owlama la o wo odzi o gre pyeŋ okyku oshla ba agimi e hwiŋ.

1 Ebitru 5:12

Esilvanu angyiŋ a kpo a ghwo la me, a da me e ta etaŋ akpa he lo. Ame e sko ŋa e zga eka anáŋ la a wo la adlidzi. Ame e klo e shĩ gimi nga e zgi egŋe eka ba odlo he lo o wo okpoghwo ba adlidzi ba Ahogbrẽ angyiŋ. Agimi e tspi osheshye ta la alo.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

2 Ebitru 2:21

O raŋ o gre e mbi ba moa a dzu efĩ ozhẽ ba odlodzi o gre ba moa a yi lo a khwo nga, a sa a dzu ozhẽ ba odaŋ ba esesla ba moa a shri a da mo a zga!

Eyahuda 1:1

Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.

Eyahuda 1:17

Ambo agimi akyemeazba e ka! Agimi e dzu ayakplo ba moarehwĩ la a nyum oshpa ba Adigi-odne Eyesu Ekristi a lu a da gimi ayga.

Eyahuda 1:20

Ambo agimi akyemeazba, agimi e zga gble nga e mbdzi egimi obmi ba adlidzi bimi ba esesla la o gre pyeŋ. Agimi e fa olu la ekʼpo ba Ogbgaodzi.

Otsotsa 12:11

Okyku amanzhli ba Anwye Ekylu angyiŋ, nga okyku oshpa adlidzi ba moa a la a nyum angyiŋ, moanigi a kpo a gre emabi egagre he lo. Moa a bmi ba o shri eshri mo o shri o di nga ba o kpukpu.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.