Eyahuda 1:1 - Ohwihwim Olehe

¹ Akpa he lo a zgi abgo ba Eyahuda awaghrẽ ba Eyesu Ekristi. Eyahuda angyiŋ a wo anáŋ Eyakubu. Akpa he lo a wo okyku moarehwĩ ba Ahogbrẽ a bzi mo, moa la a dzu odzudzu mo ibu oklo ba Ahogbrẽ la a wo Ada, nga ba Eyesu Ekristi a la a kpaŋ mo.

Eyahuda 1:1 ပူးပေါင်းရင်းမြစ်များ

Amatiyu 10:3

Ta la Efilibu, ta la Abatalamawu, ta la Otoma, ta la Amatiyu, aŋa a wo are la a yga ewaŋ angyiŋ, ta la Eyakubu, aŋa a wo anwye Alafus, ta la Tadas.

Amatiyu 13:55

Aŋa angyiŋ a wo anwyealom la a tsẽ amgbla mbo? Emeri angyiŋ a wo anaŋ mbo? Nga Eyakubu, ta la Oyusufu, ta la Esima, ta la Eyahuda, moahi lo angyiŋ a wo moanáŋ mbo?

Amarku 3:18

Andru, ta la Efilibu, ta la Abatalamawu, ta la Amatiyu, ta la Otoma, ta la Eyakubu anwye Alafus, ta la Atadas, ta la Esima anwye obiŋ.

Amarku 6:3

Aŋa angyiŋ a wo anwye la a sẽ amgbla, anwye Emeri angyiŋ mbo? Moanáŋ angyiŋ a wo Eyakubu, ta la Ojosi, ta la Eyahuda, ta la Esima mbo? Moanáŋ-alashle a wo ahe ka la gi mbo? Okyku eka he moare ba osku ba Anazarata a tla Eyesu.

Oluka 6:16

Eyahuda anwye Eyakubu, ta la Eyahuda Eskariyoti la a yla Eyesu.

Eyohana 12:26

Areyaŋ a mbo la a klo o kpo otum me le, aŋa a lu me ma, okyku eshi ame e klo ba anwyeotum me a dzu okro ame e wo ma. Adugu á shri ekʼpo á da are la a kpo me otum.

Eyohana 14:22

Eyahuda, ahi lo angyiŋ a wo Eyahuda Eskariyoti mbo, a nyuŋ Eyesu a lu mi le, Adigi-odne, okyku eshi aŋo ó ba o hwile eshyẽ boŋ ó da gi angyiŋ e ka, okyku eshi aŋo ó hwile lo ó da obiŋ hi angyiŋ o ka mbo?

Eyohana 15:16

Agimi angyiŋ e sla me mbo, ame angyiŋ e sla gimi. Ame e hom gimi otum okyku o da gimi e yi e fu agbro nzenze. Agbro edgu he lo, á tpi ayi mbo. Ada á shri ekployaŋ a mbo bimi e vẽ eshko me á shri á da gimi.

Eyohana 17:15

O ka, ame e klo boŋ o ngʼba mo o sku obiŋ hi angyiŋ mbo, ambo ame e klo boŋ o kpaŋ mo nga o ngʼba mo o sku abgo Areabi.

Eyohana 17:17

Aŋo o zhiŋ mo o da mo a dzu moarehwi boŋ ozhẽ ba adlidzi, okyku eshi odlo boŋ o wo adlidzi angyiŋ.

Eyohana 17:19

Okyku mo angyiŋ ame e shri eshri me e doŋ, okyku o da mo a mbo a zhiŋ a dzu moarehwi boŋ.

Eyohana 6:39

Are la a hom me otum lo a klo ba ame e da akyeŋ eshki moarehwi baŋ a shri a da me a tsu a gbu mbo, ambo ame e nyuŋ mo e kpaŋ adzadzi okyku o da mo a kso ongybi olum ba amom-abgo.

Otum 1:13

Moa a bla a gre Orushalima a khwo nga, moa a bla a gre aku moa a pla emo a shki ma. Ebitru ta la Eyohana, ta la Eyakubu, ta la Andru, ta la Efilibu, ta la Otoma, ta la Abatalamawu, ta la Amatiyu, ta la Eyakubu anwye Alafus, ta la Esima anwye obiŋ, ta la Eyahuda anwye Eyakubu.

Otum 20:32

Ambo ohuhuhi ame e shri gimi e ghwo abgo Ahogbrẽ, ta la oshpa ba okpoghwo baŋ. Aŋa a kpo a gbu baŋ a da gimi e tspi osheshye, nga a shri owlama baŋ a shri a zga ma okyku moare baŋ, a shri a da gimi.

Otum 27:23

Okyku eshi okyukyku ore, anwyeadga ba Ahogbrẽ ba ame e la e lu ŋa ma, nga e la e hlu ŋa eshko, a ba okro me.

MoaOroma 1:1

Akpa he lo, a zgi abgo Oblus awaghrẽ ba Ekristi Eyesu. Ame, are la e nyum oshpa, nga Ahogbrẽ angyiŋ a sla me nga a bzi me okyku o da me e nyum Oshpaodzadzi baŋ.

MoaOroma 1:6

Odlo he lo o wo okyku gimi arehwĩ la e wo Oroma a mbo. Ahogbrẽ nga a bzi gimi okyku o da gimi e dzu moarehwi ba Eyesu Ekristi.

MoaOroma 16:18

Okyku eshi moa la a kpo eka he lo, moa a la a lu Ekristi Adigi-odne angyiŋ e ma mbo, ambo moa a lu eshri emo angyiŋ. Moa a la a lu arareŋ odlo nga moa a la a bile moarehwi la a wo la adlidzi ma.

MoaOroma 6:22

Ambo ohuhuhi moa a kyu gimi abgo ibu ba odlobi, nga agimi e zhiŋ e dzu moawaghrẽ ba Ahogbrẽ a mo. Okyku eka he, moa a nyuŋ eso bimi a kpo okyku ŋa sha. Nga agimi é kpo nga é hwiŋ eso ba gbagbu-amo.

MoaOroma 8:30

Okyku eka he Ahogbrẽ a bzi moare baŋ a sla mo. A bzi mo nga a khwo mbo, ambo a da opyapyaŋ o dzu agʼbaha mo ka la ŋa. Aŋa a da opyapyaŋ o dzu agʼbaha mo ka la ŋa sha mbo, ambo a da mo a ri ekʼpo baŋ ka la ŋa.

MoaOroma 9:24

Agi angyiŋ aŋa a sla gi. A sla moare eshki moaEyahuda sha mbo, ambo a sla moare eshki moa la a wo moaEyahuda mbo a mbo.

1 MoaOkorinti 1:2

Agimi Eklisiya ba Ahogbrẽ la e wo osku ba Okorinti, pa la moarehwi pyeŋ ba Ahogbrẽ a bzi mo okyku o da mo a dzu moarehwi baŋ, moa la a wo moarehwi baŋ okro ba okŋeo-bga ba Ekristi Eyesu, nga pa la moarehwi ba okroyaŋ a mbo la a hlu Adigi-odne Eyesu Ekristi la a wo Adimo-odne, ta la Adigi-odne eshko.

1 MoaOkorinti 6:11

Moakyeŋ eshki bimi, moa a wo eka he lo ayga. Ambo moa a sheŋ a ndza odlobi bimi bgu. Moa a sheŋ a shri gimi a da Ahogbrẽ. Opyapyaŋ o gre o ba agʼbaha bimi okro ba eshko ba Adigi-odne Eyesu Ekristi, ta la Ogbgaodzi ba Ahogbrẽ bi.

MoAfisu 5:26

A kpo ohe lo okyku o shri Eklisiya o zga okyku Ahogbrẽ angyiŋ, ambla baŋ a ndza lo la odlo baŋ,

1 MoaEtasolonika 2:12

Agi e shri oshye-esõ e da gimi nga e la e gbu gimi esõ obiŋ. Agi e la e vẽ gimi okyku o da gimi e dzu la odzudzu ba Ahogbrẽ a gno oraŋ ta la alo. Aŋa angyiŋ a bzi gimi okyku o da gimi e ba e pu ka la ŋa Oreŋ baŋ ta la ekekʼpo baŋ.

1 MoaEtasolonika 5:23

Ahogbrẽ nga la a la a shri opyapyaŋ a shri a da gimi, aŋa á bmi á zhiŋ gimi á da gimi e dzu moarehwĩ baŋ ekpyemgbyeŋ nga á da odzudzu bimi pyeŋ, ta la esõ bimi, ta la ayaŋ ba esõ bimi, ta la egʼba bimi, é ngʼba é sku akpuyaŋ a mbo omba ba oba-ba ba Adigi-odne Eyesu Ekristi.

2 Etimoti 1:9

Aŋa angyiŋ a shla gi, nga a bzi gi okyku o da gi e dzu moarehwĩ baŋ. A kpo ohe lo okyku ekplokyeŋ bi e kpo angyiŋ mbo, ambo okyku ekplo baŋ a sheŋ a hwim, ta la okpoghwo baŋ. Omba ba moa a kpo obiŋ hi a wo mbo a hwim baŋ a da Ekristi Eyesu á ba a shri lo á kom gi.

2 Etimoti 4:18

Adigi-odne nga á kpaŋ me á sku oylayaŋ a mbo. Nga á shri me pyapyaŋ á shri á yi Oreŋ baŋ la o wo Ongyeŋ. Ekekʼpo e dzu e baŋ gbagbu-amo! Amin.

MoaIbrani 3:1

Agimi anáŋ la e lu Ekristi ma nga ba Ahogbrẽ angyiŋ a bzi gimi! Agimi e tne aga ogyugyuŋ eshri ba Eyesu, aŋa angyiŋ Ahogbrẽ a hom ŋa otum okyku o daŋ a dzu anyuŋ-andakʼpo olu ba Ahogbrẽ, okyku obmi ba adlidzi ba agi e tspi okyku lo.

Eyakubu 1:1

Akpa he lo a zgi abgo ba Eyakubu awahgrẽ ba Ahogbrẽ ta la Adigi-odne Eyesu Ekristi. Ame e shko moarehwĩ pyeŋ ba Ahogbrẽ, la moa a som ayi a gre okroyaŋ a mbo obiŋ hi.

1 Ebitru 1:2

Ahogbrẽ la a wo Ada angyiŋ, aŋa ababgo baŋ a sla gimi okyku ohwihwim baŋ. A da gimi e dzu moarehwĩ ba esesla ozhẽ ba Ogbgaodzi baŋ, nga okyku o da gimi e kpaŋ odlo ba Eyesu Ekristi nga okyku o da amanzhli ba Eyesu a ndza gimi pse. Okpoghwo ta la opyapyaŋ, o dzu ka la gimi nzenze.

1 Ebitru 1:5

Owlama o wo ma okyku gimi arehwĩ ba ekʼpo ba Ahogbrẽ e la e kpaŋ, okyku bimi e bmi ba adlidzi omba ba agimi e la e dzu e kʼpu oshla he lo. Moa a shri oshla he lo a zga ma, ba moa á tsa lo omba ba amom-abgo.

1 Ebitru 2:9

E ka, agimi angyiŋ e wo embre ba Ahogbrẽ a sla. Agimi angyiŋ e wo moandakʼpo olu ba Anyuŋ-areŋ he lo. Moarehwĩ he lo a wo esesla. Agimi e wo moarehwĩ ba Ahogbrẽ ababgo baŋ. A sla gimi okyku o da gimi e su otum egbregbre baŋ a kpo. Aŋa angyiŋ a bzi gimi evbu nga a shri gimi a ba ayimom baŋ ba egbregbre.

1 Ebitru 5:10

Ambo ambla bimi e la e kpo ewu okyku omba ple le, Ahogbrẽ ba okpoghwo pyeŋ la a bzi gimi okyku o da gimi e pu ka la ŋa odzudzu ba esesla ba gbagbu-amo okro ba okŋeo-bga ta la Ekristi, aŋa angyiŋ ababgo baŋ, á ba a bli gimi. Nga aŋa á shri oghwo-esõ, ta la oshye, ta la esĩ la e wo zhezheŋ á shri á da gimi.

2 Ebitru 1:1

Akpa he lo a zgi abgo ba Esima Ebitru, la a wo awaghrẽ ta la are la a nyum oshpa ba Eyesu Ekristi. Alo a wo okyku moare la a hwiŋ obmi ba adlidzi la o wo la owlama eka ba obmi ba adlidzi bi e wo la alo ma. Moa a hwiŋ lo okro ba odlodzi ba Ahogbrẽ bi ta la Areoshla bi Eyesu Ekristi.

Eyahuda 1:21

Nga e dzu la oklo ba Ahogbrẽ omba ba agimi e dzu e bli Adigi-odne Eyesu Ekristi, okyku eshi okyku okayiekŋe baŋ he lo angyiŋ aŋa á ba a shri esõ ba gbagbu-amo á shri á da gimi.

Eyahuda 1:3

Agimi akyemeazba! Ame e zga ayi ngre okyku o da me e ta gimi akpa eshri ba oshla ba agi pyeŋ e pu ma. Ambo ohuhuhi ame e ka, alo o sa o raŋ o gre ba ame e ta gimi akpa, okyku o shĩ gimi okyku o da gimi e ta eko o ta-ta la esõ ekyekyeŋ, okyku obmi ba adlidzi ba Ahogbrẽ a shri a da moarehwĩ baŋ odgo okyekyeŋ nga o khwo.