Amatiyu 9:18 - Ohwihwim Olehe

¹⁸ Omba ba Eyesu a la a lu odlo pa la moare eka he nga, andakʼpo ba anwyeakulu moaEyahuda a ba a kʼpu obiŋ egi ayi Eyesu nga a lu mi le, O ka, anwye me alashle a kpu a sheŋ a gre ple sha ayga, ambo, ame e klo boŋ o yi o tka ŋa otka sha okyku o daŋ a sa a vro.

Amatiyu 9:18 ပူးပေါင်းရင်းမြစ်များ

Amatiyu 14:33

Moanwyeotum a dzu amgblami a hlu Eyesu eshko a lu mi le, Adlidzi angyiŋ, aŋo angyiŋ o wo Anwye Ahogbrẽ!

Amatiyu 15:25

Omba he lo nga, ashe lo a kne a shki obiŋ egi ayi ba Eyesu, nga a vẽ a lu mi le, Andakʼpo, o kpo o ghwo a me!

Amatiyu 17:14

Omba ba moa a bla a ba okro eshki nga, alomakyeŋ a ba okro Eyesu nga a kʼpu obiŋ egi ayi baŋ.

Amatiyu 20:20

Ambla he nga ashe Azabadi a ba okro Eyesu pa la moanwye baŋ aha. A kʼpu obiŋ egi ayi Eyesu nga a vẽ ŋa okyku o daŋ a kpo a ghwo la ŋa.

Amatiyu 28:17

Omba ba moa a ka ŋa nga, moa a hlu ŋa eshko. Ambo moakyeŋ eshki mo a fu ŋa eha.

Amatiyu 8:2

Agbueshrukyeŋ a ba okro baŋ, nga a gbyle a kʼpu obiŋ egi ayi baŋ nga a lu mi le, Andakʼpo, o wo boŋ o bmi le, aŋo o kpo o gbu boŋ o shaŋ me.

Amatiyu 8:25

Moanwyeo-tum a gre a yi a kso ŋa enu, nga moa a nyuŋ ŋa a lu mi le, Adigi-odne, aŋo o shla gi, agi é dga ba!

Amatiyu 9:17

Nga moa a la a shri ami anab la a bza mbo a shri a ygi émgbu egbyi mbo. O wo ba moa a shri ami la a bza mbo a ygi émgbu egbyi le, omba ba alo a bza nga a vẽ nga, á ndzu. O raŋ o gre moa a shri ami la a bza mbo a ygi émgbu ehe, okyku eshi ekplokyeŋ é kpo ta la lo mbo.

Amatiyu 9:19

Eyesu a kso nga a lu ŋa ma, moanwyeotum baŋ nga a gre ka la ŋa.

Amatiyu 9:24

Eyesu a nyuŋ mo a lu mi le, Agimi pyeŋ e zgi! Eyi anwyeshe a kpu angyiŋ mbo, ambo a ndze enu angyiŋ! Moa a gno eka he a khwo nga moa a lu odlo ototno eshri baŋ.

Oluka 13:14

Andakʼpo anwyeakulu a kpo olom ta la Eyesu okyku baŋ a shaŋ ashe he lo onda Asabat. Okyku eka he nga, alom lo a lu pa la moarehwi a lu mi le, Agi e wo la elum efĩ e ma okyku o kpo otum, okyku eka he agimi e ba omba he lo okyku o da mo a shaŋ gimi, ambo e ba onda Asabat angyiŋ mbo!

Oluka 18:18

Andakʼpokyeŋ ba Eyahuda a nyuŋ Eyesu a lu mi le, Are-odne la a wo shasha, ame é kpo eshi okyku o da me e hwiŋ eso ba gbagbu-amo?

Oluka 7:2

Andakʼpo moanwyeakyuŋ moaOroma a wo la anwye-odne akyeŋ ma baŋ a klo nzenze. Anwye he lo a no olo ma-me nga a wo anyu eku.

Eyohana 11:25

Eyesu a nyuŋ ŋa a lu mi le, Ame angyiŋ e wo Oksongybi ta la Eso. Areyaŋ a mbo la a bmi ba adlidzi pa la me, á hwiŋ eso o wo baŋ a kpu a mbo.

Eyohana 11:32

Omba ba Emeri a gbu okro ba Eyesu a wo ma nga, a gbyle a kʼpu obiŋ egi ayi baŋ, nga a lu mi le, Adigi-odne, aŋo o wo ahe e mbi, anime a kpu mbo!

Otum 13:15

Ambla moa a tsi engla akpa ba odaŋ ba Omusa a khwo nga, moa a sa a tsi akpekpa moarehwi ba Ahogbrẽ a hom mo otum a ta. Moandakʼpo ba anwyeakulu lo a vẽ mo a lu mi le, Agimi anáŋ, agi e klo bimi e lu odlo ta la eshki o wo bimi e wo odlo ma okyku o shĩ mo.

Otum 28:8

Adaŋ Opubliyu a lom obiŋ. Ogbga ta la atini a vu ŋa. Oblus a gre aku lo eshyẽ nga a fa olu nga a shri abgo a shki ŋa eshri, nga a shaŋ ŋa.