Amatiyu 9:13 - Ohwihwim Olehe

¹³ Agimi e yi e mbli ekplo ba Odlo Ahogbrẽ o lu e ka. Odlo Ahogbrẽ o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. Okyku eshi ame e ba okyku moaedlodzi angyiŋ mbo, ambo okyku moaedlobi.

Amatiyu 9:13 ပူးပေါင်းရင်းမြစ်များ

Amatiyu 12:3

Eyesu a tno mo ma a lu mi le, Agimi e tsi e ka ondakyeŋ eka ba embyle e kpo Adawuda, pa la moare la a lu ŋa ma nga,

Amatiyu 12:5

Agimi e tsi odaŋ ba Omusa onda-kyeŋ e ka eka ba moandakʼpo olu ba Ahogbrẽ a pre odaŋ ba Asabat he lo mbo? Moa a kpo mo ekplokyeŋ mbo!

Amatiyu 12:7

O wo ba agimi e ka Odlo Ahogbrẽ e bmye zhezheŋ, eka ba alo o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. O wo bimi e ka e bmye eka he e mbi, agimi e lu odlo ototno eshri moare la a wo la odlodzi eka he mbo.

Amatiyu 19:4

Eyesu a tno mo ma a lu mi le, Agimi e tsi Akpa Ahogbrẽ la a lu mi le, Okũ oriori Ahogbrẽ la a kpo ayakplo pyeŋ, a kpo arealom, ta la ashe, e ka mbo?

Amatiyu 21:42

Eyesu a sa a zhĩ mo a lu mi le, Agimi e tsi Akpa Ahogbrẽ e ka mbo? Alo a lu mi le, Ezhim moa la a mbdzi a tla lo a ta eka ba alo e wo la ekplokyeŋ mbo, E zhiŋ e dzu ezhim la e wo la owlama e gre pyeŋ. Ohe lo Adigi-odne angyiŋ a kpo. O wo ekplo egbregbre angyiŋ eyayi bi!

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Amatiyu 4:17

A zga omba he lo angyiŋ, Eyesu a zga esĩ ba o nyum oshpa baŋ. Aŋa a la a nyum oshpa a lu mi le, Agimi e ngʼba e sku odlobi bimi, okyku eshi, Oreŋ Ongyeŋ o wo osusku a mo!

Amarku 12:26

Eshri moa la á ba a kso eku, agimi e tsi akpa ba Omusa a ta eshri akla la a ri ovo mbo? Moa a ta akpa a lu mi ma Ahogbrẽ a nyuŋ Omusa a lu mi le, Ame e wo Ahogbrẽ ba Ebrahim pa la ba Eshaku, pa la ba Eyakubu.

Amarku 12:33

Okyku eka he o dzu omgbybi ba are a klo Ahogbrẽ la esõ baŋ mvye, la aga baŋ mvye, la oshye baŋ mvye, nga baŋ a klo a ba ekpazhi baŋ eka eshri baŋ. O wo odzi o gre moa a kpaŋ odaŋ aha he o sku moa a shri oshriondba ba abyi a shri a da Ahogbrẽ.

Amarku 2:17

Eyesu a gno eka he nga a tno mo ma a lu mi le, Are la a wo oshye a la a yi aku agum mbo, o wo le are la a no dne. Ame e ba okyku o bzĩ moaedlodzi angyiŋ mbo, ambo okyku moaedlobi.

Oluka 10:26

Eyesu a tno ŋa ma a lu mi le, Akpa ba Ahogbrẽ a lu eshi? Okaobmye boŋ o wo ekayaŋ odlo lo?

Oluka 19:10

Eyesu a tno ma a lu mi le, Anwye Arehwĩ a ba okyku o klo nga o shla moaedlobi.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Oluka 5:31

Ambo Eyesu a tno mo ma a lu mi le, Moare la a wo oshye a yi aku agum mbo, o wo le moa la a no dne.

Oluka 5:32

Ame e ba okyku o klo moare odlodzi angyiŋ okyku o da mo a ghwo obiŋ mbo, ambo ame e ba okyku o klo moare odlobi angyiŋ okyku o da mo a ghwo obiŋ.

Eyohana 10:34

Eyesu a tno mo ma a lu mi le, Moa a ta odaŋ bimi a lu mi le, Ahogbrẽ a lu ma agimi e wo moahogbrẽ angyiŋ.

Otum 11:18

Ambla ba Ebitru a lu eka he nga, moa a kyu abgo o shrom ŋa nga moa a hlu Ahogbrẽ eshko a lu mi le, Ahogbrẽ a hwile ozhẽ okyku o da moa la a wo moaEyahuda mbo a mbo a ghwo obiŋ nga a hwiŋ oshla!

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,

Otum 5:31

Ahogbrẽ nga a daŋ a dzu obgori eka Andakʼpo, ta la Areoshla. Okyku o da moarehwi ba Esrayila a hwiŋ anvaŋ a ghwo obiŋ nga a hwiŋ okyuabgo odlobi mo.

2 Ebitru 3:9

Ahogbrẽ a la a ngingli angyiŋ ta la ekplo baŋ a sheŋ a hwim baŋ á ba a kpo mbo. Moakyeŋ a la a tne aga eka he. Ambo a la a kpo heheŋ ka la gimi okyku eshi a klo ba arekyeŋ a jygi mbo. Ambo a klo ba moare pyeŋ a zhiŋ ogbu á dzu odlobi ba moa a la a kpo á zga.