Amatiyu 8:6 - Ohwihwim Olehe

⁶ Aŋa a nyuŋ Eyesu a lu mi le, Andakʼpo, anwye-odne me a lom odne la ololo. Aŋa a kpo esku a mbo a gbu mbo. Olo o vu ŋa o gre eshri.

Amatiyu 8:6 ပူးပေါင်းရင်းမြစ်များ

Amatiyu 4:24

Oshpa baŋ lo o ngla obiŋ ba Esiriya pyeŋ. Okyku eka he, moa a shri moare la a no elolo andandandim, pa la moare la a kpo edgu ewu andandandim, moa ba egbgabi e kpo otum pa la mo, moa la a gbu andom, pa la moa la a shla egʼba, Eyesu a shaŋ mo edgu ahe lo mvye.

Amatiyu 8:7

Eyesu a tno alom lo ma a lu mi le, Ame é yi é shaŋ ŋa.

Amatiyu 9:2

Moarekyeŋ a shri alomakyeŋ la a mom egʼba, moa a shri ŋa akpakpa nga a shri a ba okro Eyesu. Eyesu a ka ba obmi ba adlidzi mo o wo la osheshye. Okyku eka he a nyuŋ alom la a mom egʼba lo a lu mi le, Anwye me, o da esõ boŋ e gbu obiŋ! Ame e kyu ŋo abgo odlobi boŋ.

Otum 10:7

Ambla ba anwyeadga ba Ahogbrẽ a zhiŋ ogbu a gre a khwo nga, Okoniliyu a bzi moanwye odne baŋ aha, ta la anwyeakyuŋ akyeŋ, la a kpo eyli Ahogbrẽ. A wo eshki moa la a kpo a ghwo a ŋa.

Otum 8:7

Egbgabi e zgi e sku moare nzenze nga e la e wu okũ, moare la a shla adga pa la moa la a buŋ adga, moa a shaŋ.

Otum 9:33

Osku he lo a ri a sheŋ alomakyeŋ moa a bzi ŋa ma Eniya. Aŋa a mom egʼba. Aŋa a kpo eyi efote a kso obiŋ a gbu mbo.

MoaOkolosi 3:11

Okyku ohe lo, egʼba eka ba egʼba moaEyahuda pa la moa la a wo moaEyahuda mbo, ta la are la a sheŋ ongyum, ta la are la a sheŋ ongyum mbo, ta la are la a wo evbu, ta la are la a hwile ayi mbo, ta la awaghrẽ, ta la are la a wo awaghrẽ mbo, e wo ma mbo. Ambo Ekristi angyiŋ a wo ekployaŋ a mbo. Ekristi nga a wo ékployaŋ a mbo!

MoaOkolosi 4:1

Agimi adaŋ-odne, e nyuŋ e kpo-kpo, nga e kpo adlidzi okpo-kpo bimi e kpo pa la moawaghrẽ bimi. Agimi e tne aga e ka, okyku eshi agimi a mbo e wo la Adaŋ-odne ma Ongyeŋ.

1 Etimoti 6:2

Moawaghrẽ ba moadimo-odne la a lu Ahogbrẽ ma, o raŋ o gre ba moa a dzĩ mo mbo, okyku eshi moa a wo eka ba moanimo angyiŋ. Ambo o raŋ o gre ba moa a zga ayi gble a kpo mo odlodzi a ta ma-ma, okyku eshi moare ba moa a kpo otum okyku mo he lo moa a wo moa la a lu Ahogbrẽ ma, nga moa a wo moare-hwĩ ba moa a wo la oklo ma okyku mo angyiŋ. O raŋ o gre boŋ o nye moare, nga o nyum oshpa eshri he lo.

Efilimo 1:16

Okyku eshi, ohuhuhi aŋa a wo awaghrẽ sha angyiŋ mbo, ambo aŋa a gre awaghrẽ. A wo anigi angyiŋ okŋeobga ba Ekristi. Ame e ka ŋa la owlama nzenze! Aŋa á wo la owlama ka la ŋo á gre me a mbo nganga. A wo awaghrẽ nga a sa a wo anigi okŋeobga ba Adigi-odne!