Amatiyu 8:22 - Ohwihwim Olehe

²² Eyesu a tno ŋa ma a lu mi le, Aŋo o ba o lu me ma, o da moa la a kpu a ngybi emo ababgo mo.

Amatiyu 8:22 ပူးပေါင်းရင်းမြစ်များ

Amatiyu 8:21

Are-kyeŋ la a wo anwyeotum a sa a lu mi le, Andakʼpo, o wo boŋ o bmi le, o da me e yi e ngybi adugu ayga.

Amatiyu 9:9

Eyesu a kso a sku okro he lo. Omba baŋ a la a bre a yi nga, aŋa a ka alomakyeŋ la a yga ewaŋ, aŋa a ri Amatiyu. A wo aku ba oyga ewaŋ. Eyesu a nyuŋ Amatiyu a lu mi le, Aŋo o lu me ma. Amatiyu a kso nga, a lu Eyesu ma.

Amarku 2:14

Omba baŋ a yi nga, a ka alom la a yga ewaŋ ba eshko baŋ e ri Eliwu, a wo anwye Alafus, a dzu aku moa a yga ewaŋ. Eyesu a nyuŋ ŋa a lu mi le, O lu me ma. Eliwu a kso nga a lu ŋa ma.

Oluka 15:24

okyku ba anwye me a bla a ba odne! Anwye me he a tpi ayi ambo a sa a ka a bmye ohuhuhi. O dzu eka baŋ a blu ambo agi e sa e hwiŋ ŋa. Nga moa a zga esĩ o kpo abgo.

Oluka 15:32

Ambo o wo odzi angyiŋ bi e kpo abgo nga e kpo ovye, okyku eshi anóŋ a tpi ayi ambo ohuhuhi a sa a ka a bmye. O dzu eka baŋ a blu ambo agi e sa e hwiŋ ŋa.

Oluka 9:59

Eyesu a nyuŋ alomakyeŋ a lu mi le, O lu me ma. Ambo alom lo a lu mi le, Andakʼpo, o wo boŋ o bmi, o da me e yi e ngybi okom ba adugu ayga.

Oluka 9:60

Eyesu a tno ŋa ma a lu mi le, O da moa la a kpu a ngybi ekom mo. Okyku eka he aŋo o yi o nyum oshpa ba Oreŋ Ahogbrẽ o ygi moare.

Eyohana 1:43

Onda ba otra nga, Eyesu a zga eso ba o yi obiŋ ba Egalili. A ka Efilibu nga a nyuŋ ŋa a lu mi le, O ba o lu me ma!

Eyohana 21:19

Omba ba Eyesu a lu odlo hi, a ta egŋe eshri edgu eku ba Ebitru á ba a kpu angyiŋ, nga okyku o da mo a hlu Ahogbrẽ eshko. Ambla he nga Eyesu a nyuŋ Ebitru a lu mi le, O lu me ma!

Eyohana 21:22

Eyesu a tno ŋa ma a lu mi le, O wo ba ame e klo baŋ a dzu ma ma-me o tsa onda ba ame é ba le, aŋo o wo eshi eshri lo? Aŋo o lu me ma.

MoAfisu 2:1

Ayga, agimi e wo la Ogbgaodzi ma mbo, okyku o fa olbi o di mbo ta la odlobi bimi.

MoAfisu 2:5

Omba ba agi e kpo odlobi nga e dzu eka ba agi e kpu, nga, Ahogbrẽ a shri gi a kŋe a bga ta la Ekristi okyku o da gi e hwiŋ esõ. Agimi e hwiŋ oshla he lo okyku okpoghwo ba Ahogbrẽ angyiŋ.

MoAfisu 5:14

Okyku eshi ekployaŋ a mbo ba moa a se lo a ta edzi pendeŋ é dzu ayimom angyiŋ a mo. Okyku eka he angyiŋ moa a lu mi le, Aŋo la o ndze enu, O kso eku! Nga Ekristi á shka ayi eshri boŋ.

MoaOkolosi 2:13

Ombakyeŋ agimi e wo eka ba agimi e kpu eku okyku eshi Ogbgaodzi o wo esõ bimi mbo. Okyku odlobi bimi e la e kpo angyiŋ, ohe lo o kpo ka la gimi okyku ba agimi e wo moa la a wo moaEyahuda mbo la a yi odaŋ mbo angyiŋ. Ambo ohuhuhi Ahogbrẽ a kso gimi ibu eku nga a da gimi e wo la esõ ma ta la Ekristi! Ahogbrẽ nga a kyu gi abgo odlobi bi pyeŋ.

1 Etimoti 5:6

Ambo ashe-eshaku la a shri eshri baŋ a zga okyku ognoraŋ ba obiŋ hi le, a sheŋ a kpu bgu. O wo baŋ a wo ayi a mbo, o dzu eka baŋ a sheŋ a kpu angyiŋ.