Amatiyu 7:6 - Ohwihwim Olehe

⁶ Aŋo o shri ekplo la e wo esesla o shri o da ebu mbo. Moa á zhiŋ nga á klo ambgu sha angyiŋ ka la ŋo. Aŋo o shri ézhim la e wo egbmo nzenze o shri o ta okóko mbo. Moa á dzi odzi sha e ma.

Amatiyu 7:6 ပူးပေါင်းရင်းမြစ်များ

Amatiyu 15:26

Eyesu a tno ŋa ma a lu mi le, O wo odzi ba moa a shri algo moanwye a shri a ygi ebu mbo.

Amatiyu 24:10

Omba he lo nga moare nzenze, moa á tla obmi ba adlidzi mo. Moa á njygu emo, nga moa á kpo efpu ta la emo.

Amatiyu 7:5

Aŋo are la a la a bile ŋo! Aŋo o se ogbuokõ la o wo eyi boŋ ayga, okyku o doŋ o kpo o gbu o se aso la a wo eyi ba anóŋ.

2 MoaOkorinti 11:26

Engyi oshushku omba ba ame e dzi odzi, ami la a bli a ba a shri me a yi, nga ame e gre abgo moasi, pa la moanime moaEyahuda, pa la moa la a wo moaEyahuda mbo. Oyla nga o la o kso esku lo ta la akakla, ta la anyuŋ-ondzu nzenze, ta la moakyemeazba ba akpro.

MoaEfilibi 3:2

E nyuŋ e ka okyku moare la a la a kpo ayakplobi. Moa a wo ebu, moa angyiŋ a wo moare-hwĩ la a la a zga omgbybi okyku o tska egʼba.

MoaIbrani 10:29

Moa á kpo eshi ta la are la a dzĩ Anwye Ahogbrẽ? Moa á kpo eshi ta la are la a sko amanzhli ba ohwihwim ba Ahogbrẽ a zga akplokyeŋ ba esesla mbo? O ka, amanzhli he lo angyiŋ a ndza ŋa a daŋ a dzu pse. Are la a dzĩ Ogbgaodzi la o kpo o ghwo, moa á kpo ŋa eshi? Agimi e tne aga edgu anyuŋ ewu baŋ á kpo e ka!

MoaIbrani 6:6

Nga ambla fi nga moa a sheŋ a nye! Alo o kpo o gbu ba moa a tsa mo edgu he lo a da mo a ba a bla a ghwo obiŋ nga mbo, okyku eshi o dzu eka ba moa a bla a la a gŋe Anwye ba Ahogbrẽ egŋe aki angyiŋ, nga moa a sa a ta ŋa anzi egi ayi moarehwĩ.

2 Ebitru 2:22

Ekplo la e kpo pa la mo e tsa ba egŋe lo e wo adlidzi angyiŋ. Egŋe lo e lu mi le, Abu a sa a bla a gre ogzo baŋ a gzo lo, nga okoko ba moa a sheŋ lo a nglo, o bla o gre o yi o byiŋ amwre.

Otsotsa 22:15

Moa la a tpi ayi pa la moa la a kpo ololo, pa la moa la a kpo ayakplo ba eshre, pa la moa la a bga ebga, pa la moa la a hlu okpko eshko, pa la moa la a la a gno oraŋ ta la osheŋ akpro nga ba moa a la a sheŋ akpro, moa á tspi egi edzi ba osku he lo.