Amatiyu 7:21 - Ohwihwim Olehe

²¹ Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Amatiyu 7:21 ပူးပေါင်းရင်းမြစ်များ

Amatiyu 12:50

Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.

Amatiyu 16:17

Eyesu a nyuŋ Ebitru a lu mi le, Aŋo Esima, anwye Eyohana, oraŋ o wo ma okyku ŋo nzenze. O ka, arehwĩ angyiŋ a tsa ŋo adlidzi hi lo mbo, ambo Adugu la a wo Ongyeŋ angyiŋ a tsa ŋo alo.

Amatiyu 18:10

O raŋ o gre bimi e dzĩ akyeŋ eshki moanwye afifi hi lo mbo. Moanwyeadga ba Ahogbrẽ la a kʼpu mo moa a wo egi ayi Adugu la a wo Ongyeŋ ombamba pyeŋ. [

Amatiyu 18:19

Nga ame e lu e da gimi e ta ma-ma, o wo ba moare aha obiŋ hi a bmi ta la ekplokyeŋ nga a la a fa olu okyku lo, Adugu la a wo Ongyeŋ, á kpo mo alo.

Amatiyu 18:3

nga a nyuŋ mo a lu mi le, Agimi e ka! O wo bimi e zhiŋ e dzu eka moanwye afifi mbo le, agimi é yi Oreŋ Ongyeŋ mbo ku-ku.

Amatiyu 18:35

Eyesu a sa a lu mi le, Adugu a mbo á kpo gimi pyeŋ eka he lo angyiŋ, o wo bimi e kyu moanigimi la a ta akpu egi ayi bimi abgo la esõ ekyekyeŋ mbo le.

Amatiyu 19:24

Ame e lu ekplokyeŋ é da gimi nganga. O wo ohli o gre ba arakumi a gre ewyle adne o gre, ba are angyiŋ á ba a yi Oreŋ Ongyeŋ.

Amatiyu 25:10

Moanwyeshe la a wo eda mbo a gre o yi o gbmo awargi. Omba he lo angyiŋ anwyealom lo a gbu. Moanwyeshe atno la a nyuŋ a kpo a kʼpu okyku oba-ba ba anwyealom á ba, moa a gre okro o ri abgo ka la ŋa, nga moa a klu ayizhẽ.

Amatiyu 25:21

Adaŋ-odne a lu mi le, Ame e vye la ŋo, aŋo o wo anwye-odne adzadzi. Aŋo o tsa me adlidzi ekplo etsitsi, okyku eka he, ame é shri ekplo la é gre eka he é shri é doŋ. O ba nga o dzu o gno oraŋ pa la me otsotse.

Amatiyu 26:39

Eyesu a kye a gre fi nga, a dzu obiŋ, nga a ghwo eshri obiŋ nga, a fa olu a lu mi le, Adugu, o wo ba alo o kpo o gbu e mbi, o sko ewu he lo o sku me! O kpo ekplo ba ame e klo angyiŋ mbo, ambo o kpo ekplo boŋ o klo.

Amatiyu 26:42

Eyesu a bla a gre okro lo odgo oha, nga a fa olu a lu mi le, Adugu, o wo boŋ o ka ba alo o raŋ o gre ba ame e kpo ewu he lo, o kpo ekplo la e raŋ ŋo esõ.

Amarku 3:35

Are la a la a kpo ekplo ba Ahogbrẽ a klo angyiŋ a wo anime-alalom, ta la anime-alashle, ta la anungu.

Amarku 9:47

O wo ba eyi boŋ e doŋ o tsu o gbu le, o gʼbu lo. O raŋ o gre boŋ o hwiŋ esõ la eyi ekyekyeŋ o sku boŋ o yi enzheovo la ayi ahaha.

Oluka 11:28

Eyesu a tno ma a lu mi le, Moare la a gno odlo me nga a kpaŋ lo, moa a wo la oraŋ nzenze e ma!

Oluka 13:25

Are-odne lo á kso á shki ayizhẽ ba odne baŋ. O wo bimi e tspi ayizhẽ lo egi edzi, e ta enzi e lu mi le, Andakʼpo, o hwile gi ayizhẽ! Á tno gimi ma á lu mi le, Agimi e zgĩ ayaŋ e ba? Ame e yi gimi mbo!

Oluka 18:25

O wo ewu ba are angyiŋ a gre Oreŋ Ahogbrẽ o gre ba arakumi a gre ewyle adne.

Oluka 6:46

Okyku eshi agimi e la e bzi me ma Adigi-odne, Adigi-odne, ambo agimi e kpo ekplo ba ame e klo bimi e kpo mbo?

Eyohana 14:7

A nyuŋ mo a lu mi le, Agimi e yi me e mbi, agimi e yi Adugu a mbo. A zga omba hi a yi nga, agimi e yi ŋa ma-me nga agimi e ka ŋa.

Eyohana 15:23

Areyaŋ a mbo la a tla me, a tla Adugu.

Eyohana 3:5

Eyesu a tno ŋa ma a lu mi le, Ame e lu adlidzi e da gimi, arekyeŋ a kpo a gbu baŋ a yi Oreŋ Ahogbrẽ mbo, o wo le moa a mbre ŋa okro amihĩ ta la Ogbgaodzi ayga dne.

Eyohana 5:17

Eyesu nga a nyuŋ mo a lu mi le, Adugu a kpo otum ma-me o ta anye, okyku eka he o dzu omgbybi ba ame a mbo e kpo otum.

Eyohana 6:40

Eka he angyiŋ Adugu a klo, okyku o da moare mvye la a ka Anwye lo nga a bmi ka la ŋa a hwiŋ eso ba gbagbu-amo, nga ame é shri eso é da mo olum mi lo.

Eyohana 7:17

Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ.

Otum 14:22

Moa a shĩ moa la a bmi ba adlidzi nga, moa a nyuŋ mo ma moa a tspi osheshye ta la obmi ba adlidzi mo. Moa a nye moare a lu mi le, O dzu omgbybi ba agi e kpo ewu okyku o gre o yi Oreŋ ba Ahogbrẽ.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoaOroma 2:13

Moa a shri opyapyaŋ a zga agʼbaha moarehwi ta la Ahogbrẽ okyku moa a gŋo odaŋ angyiŋ mbo, mbo, ambo okyku o kpo ekplo ba odaŋ o lu.

MoAfisu 6:6

E kpo ohe lo omba ba moadigimi-odne a wo ka la gimi sha angyiŋ okyku o da mo a tsom gimi mbo. Ambo o raŋ o gre ba agimi e kpo ekployaŋ a mbo ba Ahogbrẽ a klo la esõ ekyekyeŋ. E kpo ekployaŋ a mbo eka moawaghrẽ ba Ekristi.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

1 MoaEtasolonika 4:3

Ahogbrẽ a klo ba agimi e dzu la esesla, nga e dzu la eshre tsitsi a mbo mbo.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

Etitu 1:16

Moa a la a lu ma moa a yi Ahogbrẽ, ambo odzudzu mo lo o kpo evom odlo mo. Moa a bli la efpu esõ mo pa la moare, nga moa a la a tsi Ahogbrẽ a ghwo ayi mbo. Moa a ka a kpo ekplokyeŋ la e wo edzi a gbu mbo.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

MoaIbrani 4:6

Moa la a gno Oshpaodzadzi ori moa a gre a yi a dzu a dum ta la Ahogbrẽ mbo okyku eshi moa a bmi ba adlidzi mbo. Ambo moakyeŋ ba moa a bmi pa la mo a wo ma, á yi á dzu á dum ta la Ahogbrẽ.

Eyakubu 1:22

E bile egimi mbo, nga e ngli atuŋ e gno odlo ba Ahogbrẽ lo o gno sha mbo. Ambo e kpo otum ta la alo a mbo ko-ko.

1 Ebitru 2:15

Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

Otsotsa 22:14

Moa la a ndza áriga mo a da lo a dzu akyle, moa á gno oraŋ, okyku eshi moa á wo ozhẽ ma ba o ri agbro ba esĩ aki ba esõ, nga moa á wo ozhẽ ba o sõ ayizhẽ otsko lo o yi osku he lo eshyẽ.

Otsotsa 3:5

Ekakahelo angyiŋ, moare la a hwiŋ okpogre lo pyeŋ, moa á ygi mo ariga akyle. Nga ame é bga ashko mo akpa ba esõ ku-ku mbo. Nga egi ayi ba Adugu pa la moanwyeadga baŋ, ame é lu ka la ŋa zhezheŋ ba moa a wo moarehwĩ me angyiŋ.