Amatiyu 7:15 - Ohwihwim Olehe

¹⁵ Agimi e nyuŋ e kpo-kpo pa la moarehwĩ la a la a sheŋ akpro, ma Ahogbrẽ angyiŋ a hom mo otum. Moa á ba okro bimi la akpa ba ekylu egi edzi, ambo moa a wo ebuakam angyiŋ egi eshyẽ.

Amatiyu 7:15 ပူးပေါင်းရင်းမြစ်များ

Amatiyu 10:17

Agimi e nyuŋ e ka, moare la á ba a ba á vu gimi nga á shri gimi á yi akuombgu á yi á ba. Moa á taŋ gimi andzu aku ba moa a la a shki eshki ma.

Amatiyu 16:11

Okyku eshi angyiŋ agimi e sko odlo ba ame e lu ka la gimi hi, e shri e zga eshri agbrotsa? Agimi e nyuŋ e kpo-kpo ta la eyist moaEfarisi, pa la moaEsaduki!

Amatiyu 16:6

Eyesu a nyuŋ mo a lu mi le, Agimi e nyuŋ e kpo-kpo ta la eyist moaEfarisi, pa la moaEsaduki.

Amatiyu 24:11

Moare nzenze la á ba a sheŋ akpro ma Ahogbrẽ angyiŋ a hom mo otum, moa á zgi, nga moa á bile moare nzenze.

Amatiyu 7:14

Ozhẽ la o sõ o gre okro ba esõ, o fye kpate, nga o wo ewu o sosõ. Moare fi sha a la a sõ lo.

Oluka 12:15

Ambla he nga Eyesu a nyuŋ mo pyeŋ a lu mi le, Agimi e kʼpu, nga e da ogroayikyeŋ o bile gimi mbo, okyku eshi odzudzu ba eso ba adlidzi ba arehwĩ, oshye lo o wo anzho baŋ a wo la alo ma angyiŋ mbo, o wo baŋ a wo angyiŋ egyagi a mbo o wo a ba ototno angyiŋ.

Oluka 6:26

Ekplo ayiekŋe, omba ba moare a la a tsom gimi, okyku eshi moadimo a mbo a kpo ekakahelo angyiŋ pa la moarehwi la a sheŋ akpro ma Ahogbrẽ angyiŋ a hom mo otum.

Eyohana 10:12

Are la a kpaŋ okyku ohre nga ba ékylu e wo e baŋ mbo, omba baŋ a ka ebuakam a ba le, a la a knye a dzu ékylu a zga. Abuakam a la a vu mo nga a som mo ayi.

Otum 13:40

Agimi e nyuŋ e kpo-kpo okyku o da ekplo moarehwi ba Ahogbrẽ a hom otum a lu e kpo ka la gimi mbo. Moa a lu mi le,

Otum 13:6

Moa a zgi ahe lo a gre osku ba Apafo. Ahe lo moa a ri a sheŋ alomakyeŋ la a la a kpo agum. Eshko baŋ e ri Ba-Eyesu. Aŋa a wo arehwĩ ba Eyahuda. Aŋa a lu ma Ahogbrẽ angyiŋ a hom ŋa otum.

MoaEgalasiya 2:4

Ambo moarekyeŋ la a ba la obile ma moa a wo moanáŋ angyiŋ, moa a gre a ba eshki lo. Moa a klo o sheŋ ŋa ongyum. Moare he lo a ba eka moare la a kpre okro a ka angyiŋ, moa a ba okyku o yi edgu odzudum ba agi e wo la alo ma okyku okŋeobga bi e wo la alo ma ta la Ekristi Eyesu. Moa a klo bi e dzu moawaghrẽ sha.

MoAfisu 4:14

Omba he lo nga agi é dzu eka moanwye ba ogbga ba onyenye ba moarehwĩ la a la a bile moare angyiŋ o la o kaŋ mo ayi wayawaya nga mbo. Onyenye he lo o la o da moare a la a ta akpu okyku edgu eda ebi ba obile ba moa a la a kpo.

MoAfisu 5:6

Agimi e da arekyeŋ a bile gimi la odlo adro mbo. Okyku edgu ayakplo he lo angyiŋ Ahogbrẽ á ba a kpo moare la a kpaŋ odlo baŋ mbo ewu.

MoaEfilibi 3:2

E nyuŋ e ka okyku moare la a la a kpo ayakplobi. Moa a wo ebu, moa angyiŋ a wo moare-hwĩ la a la a zga omgbybi okyku o tska egʼba.

MoaOkolosi 2:8

Agimi nga e la e nyuŋ e kpo-kpo okyku o da arekyeŋ a vu gimi a ghwo ewu okyku okaobmye ba arehwĩ ta la obile ba ototno mbo. Okũ ohe lo o wo ibu onyenye ba moarehwĩ a la a dzu o nyiŋ lo abgo ototno angyiŋ, ta la egbga ba obiŋ hi la e ri ekʼpo. Okũ lo o wo okro ba Ekristi angyiŋ mbo.

2 Etimoti 3:13

Ambo moarehwĩ ba odlobi pa la moarehwĩ la a la a bile moare, moa á tpi ayi á ta ma o ta-ta. Moa á bile moare, nga moare a mbo á sa á bile emo.

2 Etimoti 4:3

O ka, omba o yi ó ba, ba moare ba á bmi ta la onyenye ba adlidzi mbo, nga moa á kpo ayakplo ba esõ mo e klo sha, nga moa á pla moa la a nye moare á shki emo ombamba pyeŋ. Moare he lo a la á nye mo ayakplo moa a klo, la a raŋ mo esõ.

2 Ebitru 3:17

Ambo agimi akyemeazba, agimi e sheŋ e yi lo bgu. Agimi e kʼpu, okyku o da akpukyeŋ ba moarehwĩ la a yi odaŋ mbo a ngʼba gimi a sku ozhẽ mbo, nga okyku o da gimi e zgi okro ba odzudum ba agimi e tspi ma he e gbu obiŋ mbo.

1 Eyohana 4:1

Agimi akyemeazba, agimi e bmi e da arekyeŋ la a lu ma aŋa a wo la Ogbgaodzi ma mbo. Ambo agimi e mbga mo e ka okyku o da gimi e yi o wo ba ogbga lo o wo Ogbga ba Ahogbrẽ angyiŋ. Okyku eshi moarehwĩ la a la a sheŋ akpro ma Ahogbrẽ angyiŋ a hom mo otum moa a ngla a bli okro a gre eshri.

Eyahuda 1:4

Okyku eshi moarehwĩ la a wo a ba Ahogbrẽ mbo, moa a ta adga shu a ba a gre agʼbaha bi, nga arekyeŋ a yi mbo. Nga moa a la a zhiŋ odlo ba okpoghwo ba Ahogbrẽ la egégŋe, okyku o da mo a hwiŋ anvaŋ a kpo ayakplo ba eshre ba moa a la a kpo. Nga, moa a tla Eyesu Ekristi. Aŋa sha angyiŋ a wo Are ba agi e wo abgo baŋ, nga aŋa sha angyiŋ a wo Adigi-odne. Ogbyigbyi Akpa ba Ahogbrẽ a sheŋ a lu odlo eshri ba ombgu ba moa á sõ mo edgu moare he lo.

Otsotsa 16:13

Ambla he nga ame e ka egbga ba eshre etra. Moa a wo eka ba áwyle. Moa a zgi anyu ba anyuŋ emabi ta la anyu ba ebyi la e wo ebi, ta la anyu ba arehwĩ la a sheŋ akpro ma Ahogbrẽ a hom ŋa otum.

Otsotsa 17:6

Ame e ka e bmye ba ashe he lo a wa amanzhli ba moarehwĩ ba Ahogbrẽ ta la amanzhli ba moarehwĩ ba moa a bga mo okyku ba moa a kpaŋ odlo ba Eyesu. Amanzhli he lo a kpo ŋa ayi. Omba ba ame e ka ŋa, ame e ka egbregbre e gre eshri.

Otsotsa 19:20

Moa a vu ebyi la e wo ebi lo, ta la arehwĩ la a sheŋ akpro ma Ahogbrẽ angyiŋ a hom ŋa otum, eka moa-oprusuna. Arehwĩ he lo angyiŋ a kpo ayakplo ba egbregbre egi ayi ba ebyi lo. La ayakplo ba egbregbre angyiŋ aŋa a bile moare la a wo la egŋe ba ebyi la e wo ebi he lo ma, pa la moare la a hlu ambgu ba ebyi lo eshko. Ebyi he lo nga ta la arehwĩ la a sheŋ akpro ma Ahogbrẽ angyiŋ a hom ŋa otum, moa a shri mo pyeŋ a shri a ndba a ygi enzheovo la e shum la ovo ma nzenze.

Otsotsa 20:10

Ambla he nga Areabi la a bile mo, moa a vu ŋa a shri a ta enzheovo la e shum la ovo ma nzenze. Moa a sheŋ a shri ebyi la e wo ebi lo ta la arehwĩ la a sheŋ akpro ma Ahogbrẽ angyiŋ a hom ŋa otum a shri a ndba a ygi enzheovo he lo. Nga ahe lo moa á kpo mo ewu la olulum ta la okyukyku gbagbu gbagbu-amo.