Amatiyu 7:13 - Ohwihwim Olehe

¹³ Agimi e sõ ozhẽ la o fye kpate. Ozhẽ la o sõ o gre enzheovo o hwrẽ hwla-hwla. Moare nzenze nga a la a sõ lo.

Amatiyu 7:13 ပူးပေါင်းရင်းမြစ်များ

Amatiyu 23:13

A ba eshri bimi la e nye odaŋ ta la agimi Efarisi! Agimi la e bile moare! Agimi e la e so moare ayi ozhẽ la o yi Oreŋ Ongyeŋ. Agimi a mbo e klo e yi mbo. Moa la a klo a yi a mbo, agimi e nyom mo o gre o yi. [

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 25:46

Moahi lo, moa á shri mo á gre ewu la e vu olo gbagbuamo. Moa la a bmi ba adlidzi, moa á hwiŋ esõ ba gbagbuamo.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Amatiyu 7:14

Ozhẽ la o sõ o gre okro ba esõ, o fye kpate, nga o wo ewu o sosõ. Moare fi sha a la a sõ lo.

Oluka 14:33

Eyesu a sa a lu mi le, Ekakahelo angyiŋ, akyeŋ eshki bimi a kpo a gbu baŋ a dzu anwyeotum me mbo o wo le a dzu ekployaŋ a mbo baŋ a wo la alo ma a zga ayga dne.

Oluka 9:33

Omba moare he a la a zhiŋ ogbu a dzu Eyesu a zga nga, Ebitru a nyuŋ ŋa a lu mi le, Andakʼpo, o wo odzi o gre eshri ba agi e wo ahe. Agi é kpo abro atra, akyeŋ okyku ŋo, akyeŋ okyku Omusa, nga akyeŋ okyku Eliya. Omba he lo Ebitru a yi eka ekplo baŋ a la a lu mbo.

Eyohana 10:9

Ame angyiŋ e wo ayizhẽ lo. Areyaŋ a mbo la a sõ okro me angyiŋ a gre oso lo eshyẽ le, á hwiŋ eso. Aŋa nga á hwiŋ opyapyaŋ nga á hwiŋ algo.

Eyohana 14:6

Eyesu a tno ŋa ma a lu mi le, Ame angyiŋ e wo ozhẽ, ame angyiŋ e wo adlidzi, nga ame angyiŋ e wo eso. Arekyeŋ a sõ okrokyeŋ a yi okro Ada a gbu mbo, o wo le a sõ okro me dne.

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,

MoaOroma 9:22

Ekplo ba Ahogbrẽ a kpo e wo ekakahelo angyiŋ. A klo o tsa olom baŋ nga o da moare a yi ekʼpo baŋ. Okyku eka he nga, aŋa a kpo ble-ble okyku baŋ a la a kpo heheŋ pa la moa ba eso e tpi ŋa ayi pa la mo. E mbi ekplo la e ra, e ra ba moa a jygi mo sha a mo.

2 MoaOkorinti 4:4

Moa a la a bmi ba adlidzi mbo okyku eshi ahogbrẽ abi ba obiŋ hi a sheŋ a shri oso-ayi a zga egi ayi mo. A nyom mo o ka ayimom la a la a shka ayi eshri mo. Oshpaodzadzi ba ayimom ba esesla ba Ekristi angyiŋ, o la o shri ayimom he lo o ba. Ekristi angyiŋ, a wo emle ba adlidzi ba Ahogbrẽ.

2 MoaOkorinti 6:17

Nga Adigi-odne a lu mi le, O dzu omgbybi ba agimi e dzu mo e zga, nga e ngʼba eshri bimi e sku mo. Agimi e tka ekplokyeŋ ba eshre mbo, Nga ame é yga gimi.

MoaEgalasiya 5:24

Moare la a wo a ba Eyesu, moa a sheŋ a bga edgu odzudzu mo ba egʼba ta la ogroayi ba egʼba, ta la okoklo ba egʼba lo.

MoaEfilibi 3:19

Eygi mo e wo enzhe ba ovo angyiŋ. Okyku eshi ahogbrẽ mo angyiŋ a dzu okoklo ba egʼba. Moa a la a nyom egʼba ta la ayakplo e mbi ba alo o raŋ o gre ba moa a kpo anzi okyku lo. Nga moa a tne aga ayakplo ba obiŋ hi sha.

1 Eyohana 5:19

Agi e yi ba agi e wo moanwye ba Ahogbrẽ angyiŋ. Nga obiŋ hi pyeŋ o wo abgo ba ekʼpo ba Areabi.

Otsotsa 12:9

Moa a se anyuŋ emabi lo a sku Ongyeŋ! Aŋa angyiŋ a wo atsoŋ emabi egagre. Moa a bzi ŋa ma Areabi o mbo le Eshitaŋ, aŋa angyiŋ a la a bile obiŋ hi pyeŋ. Moa a shri ŋa pa la moanwyeadga baŋ pyeŋ a shri a ndba a ta obiŋ.

Otsotsa 13:8

Nga moarehwĩ pyeŋ ba obiŋ hi ba moa a ta eshko mo akpa ba esõ mbo omba ba moa a ka a kpo obiŋ hi a mbo a wo mbo, moa á hlu ŋa eshko. Akpa ba esõ he lo a wo akpa ba Anwye Ekylu ba moa a bga ŋa.

Otsotsa 20:15

Areyaŋ a mbo ba moa a ta eshko baŋ akpa ba esõ mbo le, moa a shri ŋa a ta enzheovo.

Otsotsa 20:3

Anwyeadga he lo a shri ŋa a ndba a ta enzhe la e gyuŋ mgbyimgbyimgbyiŋ. A klu lo a khwo nga a reŋ lo, okyku o daŋ a bile moarehwĩ ba obiŋ hi ku-ku nga mbo ma-me eyi ezbi. Ambla he nga moa á ngla ŋa okyku omba fi sha.