Amatiyu 7:11 - Ohwihwim Olehe

¹¹ Agimi e wo abi egyagi a mbo, agimi e yi eheŋ ba o shri anzho adzadzi e shri e da moanwye bimi. Adigimi la a wo Ongyeŋ a mbo la a gre gimi, á shri ayakplo adzadzi á shri á da moa la a vẽ ŋa.

Amatiyu 7:11 ပူးပေါင်းရင်းမြစ်များ

Amatiyu 23:9

Agimi e bzi arekyeŋ obiŋ hi ma Ada mbo ku-ku, okyku eshi agimi e wo la Ada akyekyeŋ sha, la a wo Ongyeŋ.

Amatiyu 7:10

Aŋo ó shri emabi ó shri ó daŋ, o wo baŋ a vẽ ŋo atsa?

Eyohana 3:16

Ahogbrẽ a klo moarehwi ba obiŋ hi ma-me, nga a shri Anwye baŋ akyakyeŋ a shri a di, okyku o da areyaŋ a mbo la a bmi ba adlidzi ka la ŋa a yla mbo, ambo a hwiŋ eso ba gbagbu-amo.

MoaOroma 3:19

Ohuhuhi agi e yi ba ekployaŋ a mbo la e wo odaŋ, e wo okyku moa la a la a kpaŋ odaŋ, nga e wo okyku o da areyaŋ a mbo a bʼbi anyu baŋ okyku o da gi mvye e yi ba Ahogbrẽ á ba a sõ moarehwi obiŋ hi pyeŋ ombgu.

MoaOroma 3:9

Agi Eyahuda e gno oraŋ e gre moa la a wo moaEyahuda mbo? Otsitsi a mbo mbo! Ame e sheŋ e tsa gimi bgu, moaEyahuda, ta la moahwõ mvye, moa a wo moawaghrẽ ba odlobi angyiŋ.

MoaOroma 8:32

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

MoaEgalasiya 3:22

Ambo odlo ba Ahogbrẽ o lu mi ma obiŋ hi pyeŋ o wo abgo ba ekʼpo ba odlobi angyiŋ, okyku o da moa la a bmi ba adlidzi, a hwiŋ egbre ba moa a hwim lo ozhẽ ba obmi ba adlidzi ta la Eyesu Ekristi.

Eyakubu 1:17

Okpogbu odzadzi pyeŋ, ta la ototno la o bli pyeŋ, moa a zgi Ongyeŋ okro ba Ahogbrẽ angyiŋ o ba. Aŋa angyiŋ a kpo ayimom pyeŋ la a wo ongyeŋ. Ahogbrẽ a wo eka ba ayimom ta la amu la e nyiŋ ombamba mbo. Aŋa a la a nyiŋ mbo ku-ku.

1 Eyohana 3:1

Agimi e ka, Ahogbrẽ a klo gi a gre eshri! Oklo baŋ lo o gre eshri. Okyku oklo baŋ angyiŋ, moa a bzi gi ma moanwye Ahogbrẽ. Nga agi e wo moanwye baŋ la adlidzi angyiŋ. Okyku okũ he lo angyiŋ obiŋ hi o yi gi mbo, okyku eshi alo o yi Ahogbrẽ mbo.

1 Eyohana 4:10

Agi angyiŋ a klo Ahogbrẽ mbo, ambo aŋa angyiŋ a klo gi nga a da Anwye baŋ a ba a dzu ozhẽ la o da gi e hwiŋ okyuabgo odlobi bi. Oklo o wo eka he angyiŋ.