Amatiyu 6:25 - Ohwihwim Olehe

²⁵ Okyku eka he angyiŋ ame e lu e da gimi, e lu mi le, Agimi e da esõ e ngʼba gimi okyku ekplo bimi é ba e ri nga é wa okyku o da gimi e dzu ma mbo. Agimi e ngʼba esõ eshri aknye bimi é ba e ygi egʼba mbo. E ka, esõ e wo anyuanyuŋ e gre aknye mbo? Egʼba e wo anyuanyuŋ e gre algori mbo?

Amatiyu 6:25 ပူးပေါင်းရင်းမြစ်များ

Amatiyu 10:19

Omba ba moa a shri gimi a gre okro ombgu le, agimi e da esõ e ngʼba gimi okyku ekplo bimi é ba e lu mbo. Omba mi lo, moa á tsa gimi ekplo bimi é ba e lu.

Amatiyu 13:22

Eyi la e gro e gbu okũ asĩ afpu e dzu eka ba moare la a gno oshpa lo ambo moa a da aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

Amatiyu 6:31

Okyku eka he agimi e da esõ e ngʼba gimi mbo, nga e zhĩ e lu mi le, Algori me, ta la owa-wa me, ta la aknye me, ahi lo á zgi ayaŋ?

Amatiyu 6:34

Okyku eka he, agimi e ngʼba esõ ekplokyeŋ la e wo ba akyi mbo. Ewu ba akyi e tse ŋa ma. Okyku eka he, o raŋ o gre ba agimi e shri ewu ekyeŋ e ta ewu ba olum ondayaŋ a mbo e la e kpo ma mbo.

Amarku 13:11

Omba moa a vu gimi a shri a gre aku ombgu le, e kpo esõ bimi ewu e tne aga ekplo bimi é lu mbo. Omba bimi e gre, ekployaŋ a mbo bimi é ba e lu, Ogbgaodzi angyiŋ ó tsa gimi.

Amarku 4:19

Ambo ewu obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi o nyom odlo lo o kpo ashri.

Oluka 12:11

Omba ba moa a shri gimi a gre anwyeakulu okyku o sõ gimi ombgu le, o mbo le omba ba moa a shri gimi a gre egi ayi moa-ogomna, o mbo le egi ayi moare la a ri ekʼpo, agimi e da eso e kpla gimi e gbu okyku ekplo bimi é ba e lu okyku o kpaŋ eshri bimi mbo.

Oluka 8:14

Eyi la e gro e gbu okũ asi afpu, e dzu eka moare la a yga odlo ba Ahogbrẽ, ambo aga ba obiŋ hi, ta la oklo angyiŋ ba obiŋ hi, ta la okayiogro ba anzho obiŋ hi, ahi lo a nyom mo o yga odlo lo. Okyku eka he moa a kpo owlamakyeŋ nzenze mbo.

MoaOroma 8:32

Aŋa a nyom gi Anwye baŋ mbo, ambo a shri Anwye baŋ a di okyku gi mvye! A shri Anwye baŋ a da gi, okyku eka he á shri ekployaŋ a mbo á da gi mbo?

1 MoaOkorinti 7:32

Okyku eka he ame e klo bimi e ghwo eso. Are la a kyu ashe mbo, a sko eshri baŋ a zga okyku otum ba Adigi-odne lo, okyku eshi aŋa a la a kpo lo okyku o raŋ Adigi-odne eso angyiŋ.

MoaEfilibi 4:6

Agimi e da esõ e ngʼba gimi okyku akplokyeŋ mbo, ambo e vẽ Ahogbrẽ okyku ekployaŋ a mbo ba agimi e klo. Ombayaŋ a mbo e vẽ ŋa la esõ ba ovye.

2 Etimoti 2:4

Anwyeakyuŋ la a wo okro ba eko a la a kpo edgu otum moahwõ a la a kpo mbo, okyku eshi aŋa a klo ba andakʼpo mo a gno oraŋ ka la ŋa.

1 Ebitru 5:7

Agimi e shri ekployaŋ a mbo la e kpo gimi ewu e shri e ta egi ayi baŋ okyku eshi aŋa angyiŋ a wo are la a wo la oklo ma okyku o kpo o ghwo la gimi ombamba pyeŋ.