Amatiyu 6:2 - Ohwihwim Olehe

² Okyku eka he, omba boŋ o la o shri ekplokyeŋ o da are la a wo ekŋe le, aŋo o shri lo o tsa eyayi moare mbo. Moa la a la a nyom egʼba, a kpo ekakahelo angyiŋ anwyeakulu, ta la anyuŋ-ezhẽ. Moa a la a kpo eka he lo okyku o da moare a hlu mo eshko. Agimi e nyuŋ e ka! Edgu moahi lo, moa a sheŋ a hwiŋ egbre mo a bli bgu.

Amatiyu 6:2 ပူးပေါင်းရင်းမြစ်များ

Amatiyu 15:7

Agimi abibli moarehwĩ! Eshaya a ta akpu ku-ku omba baŋ a ka a lu eshri bimi mbo! Aŋa a lu ma Ahogbrẽ a lu mi le,

Amatiyu 16:3

Nga endigigiŋ agimi e la e lu mi le, Ogbu ó ba okyku ba ogbu o hwĩ. Agimi e kpo e gbu bimi e ka e bmye eka ba ahrẽ a wo omba bimi e ka lo, ambo agimi e kpo e gbu bimi e lu akplo-kyeŋ eshri egbregbre ayakplo la a kpo omba he mbo!

Amatiyu 22:18

Eyesu a ka a bmye ba moa a ba okyku o kpyi ŋa okpyi angyiŋ. Okyku eka he aŋa a nyuŋ mo a lu mi le, Agimi abibli moarehwĩ! Okyku eshi agimi e klo e kpyi me?

Amatiyu 23:5

Moa a kpo ekployaŋ a mbo okyku o da moare a ka mo sha angyiŋ. Moa a la a dze ashye ama ba moa a ta odlo ba Ahogbrẽ ma, ondaŋ mo, ta la avye abgo mo. Ashye ama he lo a wo agagre. Nga moa a la a shri ashye aknye la a dzõ a la a sum akaŋ ariga mo!

Amatiyu 23:6

Moa a la a klo ekro ba odzuma ba moandakʼpo angyiŋ ekro moa a la a ri abgo, pa la ekro moa a la a shki eshki.

Amatiyu 24:51

Adaŋ-odne lo á kplu ŋa agbu. Nga á daŋ a hwiŋ egbre baŋ pa la moa la a bile moare. A mi lo aŋa á wu okũ nga á taŋ azhga anyu.

Amatiyu 5:18

Agimi e tne aga e ka! Odzudzu ba Ongyeŋ, ta la obiŋ hi pyeŋ, moa á nyiŋ ekplokyeŋ ku-ku eshri ba Odaŋ he lo mbo. Amom-abgo ba ayakplo pyeŋ a mbo, moa á nyiŋ mbo.

Amatiyu 6:16

Omba bimi e la e nyom eshri algo le, agimi e kpu eyayi rba-rba eka moa la a la a nyom egʼba a kpo mbo. Moa a la a dzi la eyayi ba embyle okyku o da areyaŋ a mbo a yi ba moa a la a nyom eshri algo. Agimi e ka! Moa a sheŋ a hwiŋ egbre mo a bli bgu.

Amatiyu 6:3

Okyku eka he omba boŋ o la o kpo o ghwo are la a wo ekŋe le, aŋo o kpo lo ozhẽ ba akyeŋoazba la a wo kpate a mbo a kpo a gbu baŋ a yi lo mbo.

Amatiyu 6:5

Nga omba boŋ o la o fa olu le, aŋo o kpo eka moa la a la a nyom egʼba a kpo mbo! Edgu moahi lo, moa a la a gno oraŋ o tspi anwyeakulu, ta la anyuŋ-ezhẽ a la a fa olu, okyku o da areyaŋ a mbo a ka mo. Agimi e ka! Moa edgu ahi lo, a sheŋ a hwiŋ egbre mo a bli bgu.

Amatiyu 7:5

Aŋo are la a la a bile ŋo! Aŋo o se ogbuokõ la o wo eyi boŋ ayga, okyku o doŋ o kpo o gbu o se aso la a wo eyi ba anóŋ.

Amarku 12:39

Moa a la a sla ekro moandakʼpo a dzu ma anwyeakulu, ta la okro moa a kpo abgo ma, okyku o da mo a ka mo la anyuanyuŋ.

Amarku 7:6

Eyesu a tno mo ma a lu mi le, Okaolu ba Eshaya a ka a lu eshri bimi o wo adlidzi angyiŋ! Agimi e wo abibli moarehwi eka baŋ a ta akpa a lu mi le, Ahogbrẽ a lu mi le, Moare a la a hlu me eshko la anyu mo, Ambo esõ mo e wo ogyugyuŋ pa la me.

Oluka 11:41

Agimi e shri ekployaŋ a mbo la e wo etku ta la akplékpka e shri e da moaekŋe. Agimi é kpo eka he lo le, ekployaŋ a mbo e wo tsetsetseŋ ka la gimi.

Oluka 11:43

A ba eshri bimi Efarisi! Agimi e la e klo emgbakyiŋ ba moandakʼpo angyiŋ anwyeakulu, nga agimi e klo e da mo a ka gimi la anyuanyuŋ ekyku.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 12:56

Agimi abibli moarehwi! Agimi e la e ka obiŋ hi ta la ahrẽ nga e la e lu eka ekplo la e wo ma e gbu. O wo eka he angyiŋ bgu le, okyku eshi agimi e ka eshyẽ ba omba he lo e bmye mbo?

Oluka 13:15

Adigi-odne a tno ma a lu mi le, Agimi arehwĩ la e bile moare! Agimi e la e ngla andu o mbo le ashrishri okyku o da lo a yi a wa ami ehwlo onda ba Asabat.

Oluka 20:46

E nyuŋ e kpo-kpo pa la moa la a nye odaŋ. Moa a la a klo o dzi la anyuŋ ariga mo, nga a klo o da moare a shko mo la anyuanyuŋ ekyku. Nga a la a sla ekro moandakʼpo a dzu ma anwyea-kulu, ta la okro moa a kpo abgo ma.

Oluka 6:24

Ekplo ayiekŋe angyiŋ ka la gimi arehwĩ la e wo la angyiŋ ma ohuhuhi, agimi e sheŋ e hwiŋ oraŋ bimi obiŋ hi bgu!

Oluka 6:42

Aŋo ó kpo ekayaŋ ó ba o lut a la anóŋ o lu mi le, O da me e se ŋo aso eyi, ambo aŋo o dzu ogbuokõ la o wo eyi boŋ o zga? Aŋo are la o kpo abibli. O se ogbuokõ la o wo eyi boŋ ayga okyku o doŋ o kpo o gbu o ka nga o se aso la o wo eyi anóŋ.

Eyohana 13:29

Abre amgbaŋ a wo abgo ba Eyahuda he lo angyiŋ. Moanwyeotum a ka ma o dzu mbo le, ma Eyesu a hom ŋa otum okyku o daŋ a yi a gbmo ayakplo ba moa a klo okyku oriabgo lo, o mbo le ma o dzu mbo ma Eyesu a daŋ a shri ekplokyeŋ a shri a kom moaekŋe angyiŋ.

Eyohana 5:41

Ame e klo ohlueshko moarehwi a la a hlu angyiŋ mbo.

Eyohana 5:44

Agimi e la e klo e hlu egimi eshko, ambo agimi e klo baŋ akyakyeŋ la a wo Ahogbrẽ angyiŋ a tsom gimi mbo. Agimi é kpo anyu é ba e bmi ba adlidzi?

Eyohana 7:18

Are la a lu odlo ekyku eshri baŋ, a klo o gbu eshko angyiŋ. Are la a klo o da are la a hom ŋa otum angyiŋ a gbu eshko, are he lo a la a kpo adlidzi, nga a la a kpo ekplokyeŋ bli-bli mbo.

Otum 10:2

Aŋa a wo are la a kpo eyli Ahogbrẽ. Aŋa pa la moa-odne baŋ mvye, moa a la a hlu Ahogbrẽ eshko. Aŋa a la a zga gble nzenze okyku o kpo o ghwo moaEyahuda la a kpo ekŋe, nga a fa olu ombamba mvye.

Otum 10:31

A nyuŋ me a lu mi le, Okoniliyu! Ahogbrẽ a gno olu boŋ, nga a gre eso a ghre eka boŋ o la o kpo o ghwo la moa-agrogro mbo.

Otum 10:4

A ka anwyeadga ba Ahogbrẽ lo dzo la eyiyli nga a zhĩ a lu mi le, Eshi angyiŋ, Andakʼpo? Anwyeadga ba Ahogbrẽ a tno ma a lu mi le, Ahogbrẽ a gno olu boŋ, a gre eso a ghre eka boŋ o la o kpo o ghwo la moa-agrogro mbo.

Otum 11:29

Moanwyeotum a hwim ma areyaŋ a mbo eshki mo a klo ekplo baŋ a kpo a gbu okyku o da mo a yi a kpo a ghwo la moanáŋ la a wo obiŋ ba Eyahuda.

Otum 24:17

Ame e zgi e sku Orushalima okyku eyi oshushku. Ame e bla e ba Orushalima okyku o shri amgbaŋ e shri e da moarehwi me, nga e shri oshriondba e shri e di.

Otum 9:36

Osku ba Ojopa nga, ashekyeŋ a wo ma, eshko baŋ e ri Atabita. Aŋa a bmi ba adlidzi. Eshko lo la alom Egrise e ri Odokas, o dzu, etba. Aŋa a kpo odlodzi ombamba mvye, nga a la a kpo a ghwo la moa la a wo ekŋe.

MoaOroma 12:8

O wo ba alo o wo okyku o shĩ moahwõ angyiŋ le, o raŋ bi e shĩ moahwõ eka he lo. Areyaŋ a mbo la a la a kpo a ghwo la moahwõ la ekplo baŋ a wo la alo ma le, o raŋ o gre baŋ a kpo lo la eso ekyle. Nga areyaŋ a mbo la moa a shri ekʼpo a daŋ okyku o daŋ a kpo otumokyeŋ le, o raŋ o gre baŋ a kpo lo la adlidzi, nga a kpo lo la osheshye. Areyaŋ a mbo la a kpo a ghwo la arekyeŋ le, o raŋ o gre baŋ a kpo lo la anyu eŋo-eŋo.

1 MoaOkorinti 13:3

O wo ba ame e shri ekployaŋ a mbo ba ame e wo la alo ma e shri e da moare, nga o wo ba ame e shri egʼba me e shri e di okyku o da mo a ta lo ovo a mbo, ambo o wo ba ame e wo la oklo ma mbo le, alo o wo akplokyeŋ ba owlama angyiŋ pa la me mbo.

MoaEgalasiya 2:10

Moa a zhĩ ekplokyekyeŋ sha, okyku o da gi e tne aga moaekŋe la a wo eshki mo. Alo angyiŋ o wo ekplo ba ame e la e zga ngre ta la alo.

MoAfisu 4:28

O raŋ o gre ba are la a la a kpo ogʼga a kyu ogʼga abgo, nga a kpo otum okyku o daŋ a dzu la odzudzu la o wo odzi. Nga okyku o daŋ a la a kpo a ghwo la moare la a wo la ekŋe.

1 MoaEtasolonika 2:6

Agi e zga ayi ngre okyku o hwiŋ otsotsom okro ba arekyeŋ o mbo le okro bimi, o mbo le okro moahwõ mbo.

1 Etimoti 6:18

Aŋo o shri odaŋ o da mo okyku o da mo a kpo otum odzi angyiŋ, nga okyku o da mo a kpo a ghwo la moahwõ.

Efilimo 1:7

Aŋo anime ba ame e klo ŋo, okyku oklo boŋ angyiŋ ame e hwiŋ ovye nzenze, nga ame e hwiŋ oshye-esõ e ta ma-ma! Okyku eshi aŋo angyiŋ o gbu moare pyeŋ la a lu Ahogbrẽ ma esõ obiŋ.

MoaIbrani 13:16

Agimi e dzu ayakplo la a wo adzi e zga mbo, nga e tla e la e kpo e ghwo egimi mbo. Ahe lo angyiŋ a wo oshriondba la o raŋ Ahogbrẽ esõ.

1 Ebitru 4:11

Areyaŋ a mbo la a nyum oshpa le, o raŋ o gre baŋ a nyum oshpa ba odlo Ahogbrẽ angyiŋ. Nga areyaŋ a mbo la a kpo otum ba Ahogbrẽ, o raŋ o gre baŋ a kpo lo ta la oshye ba Ahogbrẽ a shri a daŋ, okyku o da mo a hlu Ahogbrẽ eshko ekployaŋ a mbo ibu ba Eyesu Ekristi la a wo la esesla ta la ekʼpo gbagbu gbagbu-amo! Amin.