Amatiyu 6:19 - Ohwihwim Olehe

¹⁹ Agimi e kpaŋ angyiŋ-akyeŋ e zga ma obiŋ hi mbo, okyku eshi omle, ta la akpadzidzi a la a tpi lo ayi, nga moasi a la a gom okro moa a shri lo a zga ma nga a la a si lo.

Amatiyu 6:19 ပူးပေါင်းရင်းမြစ်များ

Amatiyu 19:21

Eyesu a tno ŋa ma a lu mi le, O wo boŋ o klo o bli angyiŋ le, aŋo o yi o shri angyiŋ boŋ o shri o gbmo nga, o shri amgbaŋ lo o shri o gʼba moaekŋe, okyku eshi aŋo ó hwiŋ angyiŋ Ongyeŋ. Aŋo o kpo eka he o khwo bgu le, o ba o lu me ma.

Amatiyu 6:20

Ambo o raŋ o gre bimi e kpaŋ angyiŋ e shri e zga Ongyeŋ angyiŋ. Ahe lo nga, omle, ta la akpadzidzi, moa á tpi lo ayi á gbu mbo, nga moasi á gom á yi á si lo á gbu mbo.

Oluka 12:21

Eyesu a sa a lu mi le, O wo eka he angyiŋ pa la moarehwi la a la a pla angyiŋ a shki emo. Moa a wo ekplokyeŋ angyiŋ egi ayi ba Ahogbrẽ mbo.

Oluka 12:33

Agimi e shri anzho bimi e gbmo nga e shri amgbaŋ lo e gʼba moaekŋe. Agimi e klo abre amgbaŋ la a la a tsoŋ mbo e shri e zga ma, nga e shri angyiŋ bimi e shri e zga ma Ongyeŋ. Ahe nga, moa á fa á ra mbo, nga asi o mbo le edne, é yi é tpi lo ayi é gbu mbo.

Oluka 12:39

Agimi e tne aga ekplo he lo e ka! O wo ba are-odne a yi omba ba asi á ba a ba á fu odne baŋ le, aŋa á da asi a ba a gom odne baŋ tsitsi a mbo mbo.

Oluka 18:22

Ambla ba Eyesu a gno eka he nga, a nyuŋ ŋa a lu mi le, Ekplo ekyeŋ e yi e ra boŋ o kpo. O yi o shri ekployaŋ a mbo boŋ o wo la alo ma o shri o gbmo nga o shri amgbaŋ lo o gʼba moaekŋe, aŋo ó hwiŋ angyiŋ Ongyeŋ, nga o ba o lu me ma.

Oluka 18:24

Eyesu a ka a tspi ba eso e bili alom he lo, okyku eka he nga a lu mi le, O wo ewu nzenze ba moa la a wo angyiŋ ma á ba a gre a yi Oreŋ Ahogbrẽ!

1 Etimoti 6:17

Aŋo o shri odaŋ o da moanáŋ la a wo la angyiŋ ba obiŋ hi, okyku o da mo a nyom egʼba ta la alo mbo, nga okyku o da mo a shri okayiozhẽ mo pyeŋ a zga angyiŋ mbo, okyku eshi alo a wo ekplokyeŋ la e tspi mbo. Ambo moa a shri okayiozhẽ mo pyeŋ a shri a zga Ahogbrẽ angyiŋ. Aŋa sha a la a shri ekployaŋ a mbo nzenze a shri a di okyku o da gi e gno oraŋ.

MoaIbrani 13:5

Agimi e da oklo ba amgbaŋ o kpo ekʼpo ka la gimi mbo. Ambo agimi e la e kpo oheheŋ ta la ekplo ba agimi e wo la alo ma. Okyku eshi Ahogbrẽ a lu mi le, Ame é dzu gimi é zga ku-ku mbo nga ame é ndba gimi é ta ku-ku mbo.