Amatiyu 6:13 - Ohwihwim Olehe

¹³ O da ombambga la o gre gi eshri o hwiŋ gi mbo. O shla gi abgo Eshitaŋ.

Amatiyu 6:13 ပူးပေါင်းရင်းမြစ်များ

Amatiyu 26:41

Agimi e kʼpu nga e fa olu, okyku o da gimi e tsu e gbu ombambga mbo. Ame e ka, agimi e bmi la esõ bimi, ambo, agimi e da egʼba e shki gimi ami.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Amatiyu 5:37

Agimi e bmi, o mbo le e tla, nga o khwo. O wo bimi e klo elomkyeŋ nga le, Areabi lo angyiŋ a da gimi e la e lu a mo.

Amatiyu 6:10

O da Oreŋ boŋ o ba. O da gi e kpo ayakplo boŋ o klo obiŋ hi, Eka ba moa a la a kpo la a wo Ongyeŋ.

Eyohana 17:15

O ka, ame e klo boŋ o ngʼba mo o sku obiŋ hi angyiŋ mbo, ambo ame e klo boŋ o kpaŋ mo nga o ngʼba mo o sku abgo Areabi.

1 MoaOkorinti 10:13

Edgu ombambga la o hwiŋ moahwõ angyiŋ o la o hwiŋ gimi. Okyku eshi Ahogbrẽ a la a bli ohwihwim baŋ. Okyku eka he, á da ombambga la o gre gimi eshri o hwiŋ gimi mbo. Nga ombayaŋ a mbo ba moa a mbga gimi a ka, Ahogbrẽ nga á shri oshye á da gimi, okyku o da gimi e tspi gaŋ. Nga á shri ozhẽ ba ozizgi á shri á da gimi.

1 MoaOkorinti 14:16

O wo boŋ o vye la Ahogbrẽ la eso sha le, moahwõ la a wo ma á kpo anyu á ba a ka odlo boŋ á bmye eshki nga á ba a tno ma a lu ma Amin? Aŋa á kpo á gbu baŋ á ka odlo boŋ o lu a bmye mbo.

2 MoaOkorinti 1:20

Okyku eshi aŋa angyiŋ a wo obibmi ba ohwihwim pyeŋ ba Ahogbrẽ a hwim. Okyku eka he lo angyiŋ agi e lu ma Amin okyku ekekʼpo ba Ahogbrẽ ozhẽ ba Eyesu Ekristi.

MoaEgalasiya 1:4

Ekristi a shri eshri baŋ a di okyku odlobi bi, nga okyku o da gi e hwiŋ odzudum ayakplobi ba omba he, eka ba Ahogbrẽ la a wo Adigi a klo baŋ a kpo.

1 MoaEtasolonika 1:10

nga okyku o dzu o bli oba-ba ba Anwye baŋ á zgi Ongyeŋ á ba. Anwye baŋ lo angyiŋ a wo Eyesu baŋ a kso ŋa a sku eku. Eyesu angyiŋ aŋa á shla gi abgo olom ba Ahogbrẽ la ó ba o ba.

2 MoaEtasolonika 3:3

Ambo Adigi-odne a wo are ba adlidzi angyiŋ. Aŋa nga á shri oshye á shri á da gimi, nga á kpaŋ gimi a sku abgo ba Areabi lo.

1 Etimoti 1:17

Ahogbrẽ a wo Anyuŋ-areŋ ba gbagbu-amo, a wo la a kpu ku-ku mbo, nga moa a ka ŋa a gbu mbo, aŋa sha a wo Ahogbrẽ gbagbu-amo. Nga ekʼpo, ta la esesla moa a wo a baŋ pyeŋ! Amin.

MoaIbrani 11:36

Moa a lu ega a ygi moabze nga moa a taŋ mo andzu. Nga moa a ta moabze aslika nga moa a shri mo a ta aku.

1 Ebitru 5:8

Agimi e nyuŋ e dzu, nga e nyuŋ e kʼpu! Okyku eshi afpu gimi la a wo Eshitaŋ, a la a ngla agŋe eka ba embdze la e gbre, e la e klo are baŋ á ba a vu á taŋ.

2 Ebitru 2:9

Okyku eka he, Adigi-odne a yi eka baŋ a se moarehwĩ ba Ahogbrẽ a sku ewu ba moa a wo ma. Nga a sa a yi eka baŋ á shri ewu á zga ma okyku moarehwĩ ba odlobi Olum onda ba Ombgu lo.

1 Eyohana 3:8

Areyaŋ a mbo la a shri eshri baŋ a zga okyku o kpo odlobi le, a wo arehwĩ ba Eshitaŋ angyiŋ. Okyku eshi a zga okũ oriori, odlobi o dzu atsoŋ eda la e gbyi angyiŋ ta la Eshitaŋ. Anwye Ahogbrẽ a ba okyku o jygi etum ba Eshitaŋ angyiŋ.

Otsotsa 1:18

Ame angyiŋ e wo are la a wo la esõ ma! Ame e mbi e kpu, ambo aŋo o ka, ambo ame e wo la esõ gbagbu gbagbu-amo ma. Ame e wo la ekʼpo eshri ba eku, ta la obiŋ ba moarehwĩ la a sheŋ a kpu a wo ma.

Otsotsa 19:1

Ambla he nga ame e gno ekplokyeŋ la e kpo akyuŋ eka ba enzi egagre ba anyuŋ eshki moarehwĩ la a wo Ongyeŋ. Moa a lu mi le, E hlu Ahogbrẽ eshko! Oshla ta la esesla ta la ekʼpo moa a wo a ba Ahogbrẽ bi angyiŋ!

Otsotsa 19:4

Moandakʼpo ekʼpoeha la anyi ta la ébyi enyi, moa a kŋe a shki obiŋ nga moa a hlu Ahogbrẽ la a dzu emgbakyiŋ ba oreŋ eshko, nga a lu mi le, Amin! E hlu Ahogbrẽ eshko!

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.

Otsotsa 21:4

Nga aŋa á khwa amanyi pyeŋ á sku mo ayi. Eku nga é wo ma ku-ku nga mbo, nga esõ-ongʼba ta la owuokũ ta la avuolo moa á wo ma ku-ku nga mbo. Ayakplo agbyi pyeŋ a sheŋ a bre a gre bgu.

Otsotsa 3:10

Okyku eshi aŋo o kpaŋ odaŋ me nga aŋo o ghwo esõ, ame é kpaŋ ŋo é sku ewu la é ba e reŋ obiŋ hi pyeŋ, okyku o da me e mbga moarehwĩ ba obiŋ hi pyeŋ e ka.

Otsotsa 3:14

Ogbgaodzi o sa o lu mi le, Aŋo o ta anwyeadga ba Eklisiya ba Eladosiya akpa o lu mi le, Oshpa lo o wo oshpa la o zgi abgo ba Amin angyiŋ. Aŋa a wo are la a zgi egŋe ba adlidzi. Aŋa angyiŋ a wo esĩ ba ekployaŋ a mbo ba Ahogbrẽ a kpo.

Otsotsa 5:13

Nga ame e gno ba areyaŋ a mbo la a wo Ongyeŋ ta la obiŋ hi, ta la obiŋ ba egi eshyẽ, ta la emayaŋ a mbo la e wo ami, ta la emayaŋ a mbo la e wo obiŋ hi lo pyeŋ, moa a la a fu abmo a lu mi le, Aŋa la a la a dzu emgbakyiŋ ba oreŋ ta la Anwye Ekylu lo, Ohlueshko ta la esesla, ta la ekʼpo, Moa a dzu a mo gbagbu gbagbu-amo!