Amatiyu 6:10 - Ohwihwim Olehe

¹⁰ O da Oreŋ boŋ o ba. O da gi e kpo ayakplo boŋ o klo obiŋ hi, Eka ba moa a la a kpo la a wo Ongyeŋ.

Amatiyu 6:10 ပူးပေါင်းရင်းမြစ်များ

Amatiyu 12:50

Areyaŋ a mbo la a kpo ekployaŋ a mbo ba Adugu la a wo Ongyeŋ a gno oraŋ angyiŋ, a wo anime-alalom, ta la anime-alashle, ta la anungu.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 26:42

Eyesu a bla a gre okro lo odgo oha, nga a fa olu a lu mi le, Adugu, o wo boŋ o ka ba alo o raŋ o gre ba ame e kpo ewu he lo, o kpo ekplo la e raŋ ŋo esõ.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 4:17

A zga omba he lo angyiŋ, Eyesu a zga esĩ ba o nyum oshpa baŋ. Aŋa a la a nyum oshpa a lu mi le, Agimi e ngʼba e sku odlobi bimi, okyku eshi, Oreŋ Ongyeŋ o wo osusku a mo!

Amatiyu 7:21

Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Amarku 11:10

Ahogbrẽ a kpo a ghwo la oreŋ ba adigi Adawuda! E hlu Ahogbrẽ eshko!

Amarku 3:35

Are la a la a kpo ekplo ba Ahogbrẽ a klo angyiŋ a wo anime-alalom, ta la anime-alashle, ta la anungu.

Oluka 19:11

Omba ba Eyesu a wo osusku ta la osku Orushalima, a ta egŋe eshri Enaira, a da moare la a wo ka la ŋa. Moare a ka ma Oreŋ Ahogbrẽ o wo osusku a mo.

Oluka 19:38

Moa a hlu Ahogbrẽ eshko a lu mi le, Ahogbrẽ a kpo a ghwo la Areŋ la a ba eshko ba Adigi-odne! Opyapyaŋ o dzu Ongyeŋ, nga e da gi e hlu Ahogbrẽ eshko!

Oluka 22:42

A fa olu a lu mi le, Adugu, o wo boŋ o bmi le, o sko ewu he lo o sku me. O kpo ekplo ba ame e klo angyiŋ mbo, ambo ekplo boŋ o klo. [

Eyohana 4:34

Eyesu a tno mo ma a lu mi le, Algori me angyiŋ a wo o kpo otum eka ba are la a hom me otum a klo nga okyku o kpo otum baŋ o khwo.

Eyohana 6:40

Eka he angyiŋ Adugu a klo, okyku o da moare mvye la a ka Anwye lo nga a bmi ka la ŋa a hwiŋ eso ba gbagbu-amo, nga ame é shri eso é da mo olum mi lo.

Eyohana 7:17

Areyaŋ a mbo la a bmi nga a la a kpo ekplo ba Ahogbrẽ a klo, á kpo á gbu baŋ á ka á bmye ba onyenye me he o wo o ba Ahogbrẽ angyiŋ le, o wo o ba ekʼpo eshri me angyiŋ.

Otum 13:22

Ambla moa a kypi ŋa oreŋ, Ahogbrẽ a da Adawuda a dzu areŋ moaEyahuda. Ahogbrẽ a lu odlo eshri Adawuda a lu mi le, Ame e ka, Adawuda anwye Ejese angyiŋ a wo edgu are ba ame e la e gno oraŋ ka la ŋa. Aŋa á kpo ekployaŋ a mbo ba ame e klo baŋ a kpo.

Otum 21:14

Agi e kpo e gbu bi e nyom ŋa mbo. Okyku eka he agi e kyu ŋa abgo nga e nyuŋ ŋa e lu mi le, O kpo ekplo ba Ahogbrẽ a tsa ŋo.

Otum 22:14

A nyuŋ me a lu mi le, Ahogbrẽ moadigi angyiŋ a sla ŋo okyku o doŋ o ka eso baŋ o bmye, nga okyku o doŋ o ka Anwye baŋ la a wo odlodzi, nga okyku o doŋ o gno enzi baŋ.

MoaOroma 12:2

Agimi e kpo otum okyku o da obiŋ hi angyiŋ o gno oraŋ ka la gimi mbo, ambo agimi e da Ahogbrẽ angyiŋ a kpo otum eso bimi nga a zhiŋ gimi pyeŋ. O wo baŋ a zhiŋ gimi le, agimi é kpo é gbu bimi é ka okoklo ba Ahogbrẽ é bmye. Agimi é kpo é gbu bimi é yi aga baŋ la a wo adzadzi nga a raŋ ŋa eso nga a wo zhezheŋ.

MoAfisu 6:6

E kpo ohe lo omba ba moadigimi-odne a wo ka la gimi sha angyiŋ okyku o da mo a tsom gimi mbo. Ambo o raŋ o gre ba agimi e kpo ekployaŋ a mbo ba Ahogbrẽ a klo la esõ ekyekyeŋ. E kpo ekployaŋ a mbo eka moawaghrẽ ba Ekristi.

MoaOkolosi 1:13

Okyku eshi aŋa angyiŋ a se gimi a sku oreŋ ba evbu, nga a shri gimi a ba oreŋ ba Anwye baŋ ba esõ baŋ.

MoaOkolosi 1:9

Okyku eka he a zga omba ba agi e gno oshpa bimi, agi e fa olu okyku gimi. Agi e la e vẽ Ahogbrẽ okyku o daŋ a bli gimi la oyioyi eshri okoklo baŋ, nga a bli gimi la okaobmye pyeŋ ta la okoka ba Ogbgaodzi angyiŋ o la o shri o di.

1 MoaEtasolonika 4:3

Ahogbrẽ a klo ba agimi e dzu la esesla, nga e dzu la eshre tsitsi a mbo mbo.

1 MoaEtasolonika 5:18

E vye la Ahogbrẽ okyku ekployaŋ a mbo, okyku eshi Ahogbrẽ a klo eka he angyiŋ ka la gimi ibu odzudzu bimi okro ba Ekristi Eyesu.

MoaIbrani 1:14

Moanwyeadga lo a wo eshi angyiŋ? Moa pyeŋ, moa a wo egbga la e la e hlu Ahogbrẽ eshko angyiŋ. Ahogbrẽ nga a la a hom mo otum okro moarehwĩ la á ba a hwiŋ oshla, okyku o da mo a kpo a ghwo la mo.

MoaIbrani 10:36

O raŋ o gre ba agimi e kpo heheŋ okyku o da gimi e kpo ekplo ba Ahogbrẽ a klo, okyku o da gimi e hwiŋ ekplo baŋ a hwim ka la gimi.

MoaIbrani 10:7

Okyku okũ he lo nga ame e lu mi le, Ahogbrẽ, o ka, ame e wo ahe, Okyku o kpo ekplo boŋ o klo ba ame e kpo, Eka ba moa a ta odlo akpa ba odaŋ eshri me.

MoaIbrani 13:21

Aŋa nga la a wo Ahogbrẽ ba opyapyaŋ, o wo baŋ a bmi le, a shri ekployaŋ a mbo la e wo edzi ba agimi e wo la alo ma mbo a shri a da gimi, okyku o da gimi e kpo ayakplo baŋ a klo. Aŋa nga, okro ba Eyesu Ekristi, aŋa a kpo esõ bi ekplo la e raŋ ŋa esõ. Nga ekekʼpo e dzu e ba Ekristi gbagbu gbagbu-amo! Amin.

1 Ebitru 2:15

Okyku eshi ohe lo o wo okoklo ba Ahogbrẽ angyiŋ. A klo ba agimi e tspi la moare la a yi ekplokyeŋ mbo nga a la a lu odlo ba adro, ozhẽ ayakplo la a wo shasha ba agimi e la e kpo.

1 Ebitru 4:2

Okyku eka he, a zga ohuhuhi a yi, o raŋ o gre ba agimi e da Ahogbrẽ a kpo ekʼpo ta la odzudzu bimi la o ra obiŋ hi. Agimi e dzu la okoklo ba egʼba mbo.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 12:10

Ambla he nga ame e gno anyuŋ enzi e zgi Ongyeŋ e lu mi le, Ohuhuhi angyiŋ oshla ba Ahogbrẽ o ba! Nga ohuhuhi angyiŋ Ahogbrẽ la a wo Anyuŋ-areŋ a tsa ekʼpo baŋ! Ohuhuhi nga Emisiya baŋ a tsa moare ekʼpo baŋ! Okyku eshi are la a tspi egi ayi ba Ahogbrẽ olulum ta la okyukyku nga a klo odlo pa la moanigi, moa a se ŋa a sku Ongyeŋ bgu.

Otsotsa 19:6

Ambla he nga ame e gno enzi eka ba enzi ba eshki nzenze. E wo eka ba akyuŋ ba ami a dze awro ézhim la e wo egagre. E wo eka ba akyuŋ ba angyum-ogbu. Ame e gno ba moa a lu mi le, E hlu Ahogbrẽ eshko! Okyku eshi Adigi-odne la wo Ahogbrẽ bi ba ekʼpo pyeŋ angyiŋ a wo Anyuŋ-areŋ!

Otsotsa 20:4

Ambla he nga ame e ka émgbakyiŋ oreŋ, pa la moarehwĩ la a dzu ma. Moa a shri ekʼpo ba o sõ ombgu a shri a da mo. Nga ame e sa e ka ésõ moarehwĩ ba moa a bga moa a sheŋ a gre, okyku ba moa a su adlidzi ba Eyesu a tsa lo zhezheŋ, nga a sa a su odlo ba Ahogbrẽ. Moa a bmi a hlu ebyi la e wo ebi lo ta la ambgu ba ebyi he lo eshko mbo ku-ku. Nga moa a da mo a ta mo egŋe ba ebyi la e wo ebi he lo ondaŋ mo o mbo le abgo mo mbo. Moahi lo a dzu ta la Eyesu nga a ri ekʼpo ka la ŋa okyku eyi ezbi.