Amatiyu 5:9 - Ohwihwim Olehe

⁹ Oraŋ o wo ma okyku moa la a shri onyuŋokpo a shri a zga agʼbaha moarehwĩ, okyku eshi Ahogbrẽ á bzi moahi lo moanwye baŋ!

Amatiyu 5:9 ပူးပေါင်းရင်းမြစ်များ

Amatiyu 5:45

okyku o da gimi e dzu moanwye ba Adigi la a wo Ongyeŋ. Okyku eshi aŋa a la a da olum o la o tra moareabi, pa la moareadzi a mbo pyeŋ. Nga aŋa a la a da ogbu o ba okyku moareabi, pa la moareadzi a mbo pyeŋ.

Amatiyu 5:48

Agimi e bli shasha, eka ba Adigimi la a wo Ongyeŋ a bli shasha.

Oluka 20:36

Moa á dzu eka moanwyeadga ba Ahogbrẽ, moa á kpu mbo. Moa á dzu moanwye Ahogbrẽ a mo, okyku eshi moa a sheŋ a kso mo ongybi.

Oluka 6:35

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

Otum 7:26

Onda oha nga, Omusa a ka moanáŋ aha a kpo ambgu, aŋa a klo o shla mo, nga a gre a yi a nyuŋ mo a lu mi le, Agimi e wo moanáŋ angyiŋ, ambo okyku eshi agimi e la e kpo ambgu ta la egimi?

MoaOroma 12:18

E kpo ekployaŋ a mbo bimi e kpo e gbu, okyku o da gimi e dzu opyapyaŋ ta la areyaŋ a mbo.

MoaOroma 8:14

Moare ba Ogbgaodzi ba Ahogbrẽ o la o kpo otum pa la mo, moa a wo moanwye Ahogbrẽ angyiŋ.

MoaOroma 8:16

Ogbgaodzi ba Ahogbrẽ o kŋe ayaŋ ba eso bi o bga ta la eŋa okyku o tsa bi e wo moanwye ba Ahogbrẽ.

MoaOroma 8:19

Ekployaŋ a mbo ba Ahogbrẽ a kpo obiŋ hi, moa a la a ka ayi ozhẽ okyku o da Ahogbrẽ a tsa moanwye la a wo a baŋ.

1 MoaOkorinti 6:6

Ambo agimi e la e shri egimi e yi akuombgu e sku nga e la e da moaevbu a sõ gimi ombgu!

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

2 MoaOkorinti 5:20

Ohuhuhi agi e la e lu odlo okyku Ekristi. O wo eka ba Ahogbrẽ ababgo baŋ angyiŋ a la a vẽ gimi ozhẽ bi. Okyku Ekristi agi e vẽ gimi okyku o da Ahogbrẽ a zhiŋ gimi la e wo moafpu ŋa a da gimi e dzu moakyeŋazba!

MoaEgalasiya 5:22

Ambo Ogbgaodzi o la o shri oklo o ba ta la eso ekyle, ta la opyapyaŋ, ta la ota eso akpyli, ta la okpoghwo, ta la oshasha, ta la adlidzi,

MoAfisu 4:1

Ame la e wo oprusuna okyku ba ame e kpo otum okyku Adigi-odne angyiŋ e la e shĩ gimi, okyku o da gimi e dzu la odzudzu ba Ahogbrẽ a shri a zga omba baŋ a bzi gimi.

MoaEfilibi 4:2

Eyodiya ta la Esintike, ame e vẽ gimi okyku o da gimi e nyuŋ odlo e kpo eka moanáŋ-alashle angyiŋ okro ba Adigi-odne.

MoaOkolosi 3:13

Agimi e kpo e ghwo la egimi, nga e kyu egimi abgo ombgu, omba ba akyeŋ a wo odlo ta la akyeŋ. O raŋ o gre ba agimi e kyu egimi abgo ombgu eka ba Adigi-odne a mbo a kyu gimi abgo.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.