Amatiyu 5:8 - Ohwihwim Olehe

⁸ Oraŋ o wo ma okyku moa la a wo la esõ pse, okyku eshi moa á ka Ahogbrẽ!

Amatiyu 5:8 ပူးပေါင်းရင်းမြစ်များ

Otum 15:9

Aŋa a sko mo ka la gi a zga okyekyeŋ. A kyu mo abgo odlobi mo okyku moa a bmi ba adlidzi.

1 MoaOkorinti 13:12

Ayakplo ba agi e la e ka ohuhuhi a wo eka ba amu emakyeŋ a zgi a dzu akpaokayi. Omba mi lo nga agi é ka ekployaŋ a mbo la enmwre ayi. Ayakplo ba ame e yi ohuhuhi a wo ple sha ayga. Omba mi lo nga, ame é yi ekployaŋ a mbo pyeŋ, eka ba Ahogbrẽ a yi me pyeŋ.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

Etitu 1:15

Ekployaŋ a mbo e wo kye pa la moa la a wo kye. Ambo ekplokyeŋ e wo kye mbo pa la moa la a wo eshre nga moa a wo la obmi ba adlidzi mbo, okyku eshi aga mo ta la enzi ba esõ mo moa a sheŋ a tpi ayi.

MoaIbrani 10:22

Agimi e da gi e ba osusku ta la Ahogbrẽ la esõ ekyekyeŋ, la obmi ba adlidzi la ofueha mbo, nga la esõ moa a ndza lo ibu enzi eyi-esõ la o lbi ba odlobi, nga la egʼba ba moa a ndza lo la amihĩ la a wo leleleŋ.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

MoaIbrani 9:14

Okyku ozhẽ he lo o wo adlidzi angyiŋ, ozhẽ ba amanzhli ba Ekristi nga a kpo ekplo la e gre eka he nzenze! Ozhẽ ba Ogbgaodzi ba gbagbu-amo, Ekristi a shri eŋa a ndba Ahogbrẽ eka oshriondba la o bli angyiŋ. Amanzhli baŋ nga á sko enzi ba esõ bi á sku otum ba ototno, okyku o da gi e hlu Ahogbrẽ la a wo la esõ ma angyiŋ eshko.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

Eyakubu 4:8

Agimi e ba osusku ta la Ahogbrẽ, Ahogbrẽ a mbo á ba osusku ka la gimi. Agimi moarehwĩ ba odlobi, e ndza abgo bimi! Agimi abibli moarehwĩ, e ndza esõ bimi!

1 Ebitru 1:22

Nga ohuhuhi, agimi e sheŋ e nyuŋ eshri bimi e ndza ozhẽ ba okpaŋ adlidzi, nga agimi e dzu la oklo ba adlidzi okyku moanigimi la a bmi ba adlidzi a mbo. Okyku eka he nga agimi e la e klo egimi la esõ bimi pyeŋ.

Otsotsa 22:4

Nga moa á ka eyayi baŋ, nga moa á ta eshko baŋ á bre ondaŋ mo.