Amatiyu 5:7 - Ohwihwim Olehe

⁷ Oraŋ o wo ma okyku moa la a ka moahwõ ayiekŋe, okyku eshi Ahogbrẽ á ka mo a mbo ayiekŋe!

Amatiyu 5:7 ပူးပေါင်းရင်းမြစ်များ

Amarku 11:25

E kyu areyaŋ a mbo la a ta akpu egi ayi bimi abgo okyku omba bimi e vẽ Ahogbrẽ le, okyku o daŋ a mbo a kyu gimi abgo. [

Oluka 6:35

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

MoaOroma 11:30

Ambo agimi la e wo moaEyahuda mbo, agimi e tla Ahogbrẽ ayga, ambo okyku moaEyahuda a tla Ahogbrẽ, agimi e sa e hwiŋ okayiekŋe ba Ahogbrẽ.

1 MoaOkorinti 7:25

Ohuhuhi, odlo eshri moaekpla. Odaŋ he lo o wo o ba Adigi-odne angyiŋ mbo, ambo ame e lu eka ba ame e ka angyiŋ, eka ba are ba Adigi-odne a bmi ka la ŋa okyku oka-yiekŋe baŋ.

2 MoaOkorinti 4:1

La okayiekŋe ba Ahogbrẽ angyiŋ, aŋa a shri otum he a shri a da gi. Okyku eka he, agi e da egʼba e shki gi ami mbo.

MoAfisu 4:32

Ambo agimi e la e kpo e ghwo la egimi la esõ ble-ble angyiŋ. Nga agimi e la e kyu egimi abgo akpu eka ba Ahogbrẽ a mbo a kyu gimi abgo okro ba Ekristi.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

1 Etimoti 1:13

Ambo ayga ame e lu odlo ba ototno eshri baŋ, nga ame e kpo ŋa ewu, nga ame e dzĩ ŋa. Ambo Ahogbrẽ a ka me ayiekŋe okyku eshi ame e bmi ba adlidzi mbo, nga ame e ka e yi ekplo ba ame e kpo mbo ku-ku.

1 Etimoti 1:16

Ambo okyku ekplo he lo sha angyiŋ, Ahogbrẽ a ka me ayiekŋe, okyku o da moare a ka ota esõ akpyli ba Ekristi Eyesu okyku me la e wo la odlobi e gre moahwõ pyeŋ, okyku o da me e dzu egŋe egi ayi moarehwĩ pyeŋ la á ba a bmi ba adlidzi ka la ŋa, okyku o da mo a hwiŋ esõ ba gbagbu-amo.

MoaIbrani 4:16

O raŋ o gre ba agi e tspi la osheshye nga e gbga e ba egi ayi ba emgbakyiŋ ba Ahogbrẽ. Okro he lo okpoghwo o wo ma. Ahe lo agi é hwiŋ okayiekŋe ta la okpoghwo la ó ba o kpo ó ghwo la gi omba ba agi e klo lo.

MoaIbrani 6:10

Ahogbrẽ a wo are odlodzi mbo angyiŋ mbo. Aŋa á gre esõ otum bimi e kpo á ghre mbo, ta la oklo bimi e tsa okyku ŋa ibu okpoghwo bimi e tsa moanigi ba Ekristi, nga ba agimi e kpo lo ma-me o tsa anye he.

Eyakubu 2:13

Okyku eshi Ahogbrẽ á ka are la a wo la okayiekŋe mbo ayiekŋe mbo omba baŋ á sõ ŋa ombgu. Ambo okayiekŋe angyiŋ o kpo o gre osõmgbu.

Eyakubu 3:17

Ambo akplo ba ori, okaobmye la o zgi ongyeŋ angyiŋ o wo kye. Okaobmye lo o wo la opyapyaŋ ma, nga o wo ble-ble ta la ekpom, nga o wo la okayiekŋe nzenze, nga okaobmye lo o fu agbro ba otum la o wo odzi. Nga alo o wo la aga la a wo la evevom ma mbo, nga alo o kpo ayakplo la a wo abibli mbo.

1 Ebitru 2:10

Ayga agimi e wo moarehwĩ ba Ahogbrẽ angyiŋ mbo, ambo ohuhuhi agimi e wo moarehwĩ baŋ. Ayga agimi e ka e yi okayiekŋe ba Ahogbrẽ mbo ku-ku. Ambo ohuhuhi agimi e hwiŋ okayiekŋe baŋ he lo.