Amatiyu 5:6 - Ohwihwim Olehe

⁶ Oraŋ o wo ma okyku moa la a shri esõ mo a zga okyku o kpo ayakplo ba Ahogbrẽ a klo, okyku eshi Ahogbrẽ á shri ekployaŋ a mbo á shri á da mo!

Amatiyu 5:6 ပူးပေါင်းရင်းမြစ်များ

Oluka 1:53

A shri ayakplo la a wo adzi a da moare la a wo emakyeŋ ma mbo. Nga a kyku moangyiŋ la abgo ototno.

Oluka 6:21

Oraŋ o wo ma okyku gimi la e kpo ewu ohuhuhi, okyku eshi Ahogbrẽ á shri egbre bimi á da gimi! Oraŋ o wo ma okyku gimi la e wu okũ ohuhuhi, okyku eshi agimi é yi é ŋo eŋo!

Oluka 6:25

Ekplo ayiekŋe ka la gimi la e gno oraŋ ohuhuhi, okyku eshi agimi é hwiŋ egbrekyeŋ mbo! Ekplo ayiekŋe ka la gimi la e ŋo eŋo ohuhuhi, okyku eshi agimi é yi é wu okũ!

Eyohana 4:14

Ambo areyaŋ ambo la a wa ami ba ame angyiŋ é shri é daŋ, oŋo ó kpo ŋa ku-ku nga mbo. Okyku eshi ami ba ame é shri é daŋ he lo á dzu eyi-ami angyiŋ eso baŋ, nga á dzu ami la a wo la eso ma, nga á shri eso ba gbagbu á shri á daŋ.

Eyohana 6:27

O raŋ o gre ba agimi e kpo otum okyku algo la á vre mbo, ambo agimi e kpo otum okyku algo la a shri eso ba gbagbu-amo a shri a di. Anwye Arehwi á shri edgu algo he lo á shri á di. Okyku eshi Ahogbrẽ la a wo Ada a sheŋ a bmi ka la ŋa bgu.

Eyohana 7:37

Olum ba okpyemgbyeŋ ba oriabgo he lo o wo anyua-nyuŋ o gre mvye. Onda mi lo Eyesu a kso angyeŋ nga a lu odlo la enzi angyangyeŋ a lu mi le, Areyaŋ a mbo ba oŋo o kpo ŋa o raŋ o gre baŋ a ba a wa ami okro me.

Otsotsa 7:16

Embyle o mbo le oŋo, ó kpo mo ku-ku nga mbo. Olum ó bmye mo egʼba ovo ku-ku nga mbo, nga awludzi akplokyeŋ a mbo a ngylu mo egʼba ku-ku nga mbo.