Amatiyu 5:5 - Ohwihwim Olehe

⁵ Oraŋ o wo ma okyku moa la a wo la esõ ble-ble, okyku eshi moa á hwiŋ ekplo ba Ahogbrẽ a hwim okyku mo!

Amatiyu 5:5 ပူးပေါင်းရင်းမြစ်များ

Amatiyu 11:29

Agimi e da me e ri ekʼpo eshri bimi, nga e nye ibu me, okyku eshi ame e wo la esõ ble-ble pa la opresõ-obiŋ, nga agimi é hwiŋ odzudum.

Amatiyu 21:5

Aŋo o lu o da osku ba Ezayoŋ, Ohuhuhi, Anyuŋ-areŋ boŋ a la a ba okro boŋ. Aŋa a wo la esõ ble, nga a vre ashrishri. Aŋa a vre anwye ashrishri.

MoaOroma 4:13

Ahogbrẽ a hwim ta la Ebrahim, pa la moanwye baŋ, baŋ á ba a shri obiŋ hi mvye á shri á daŋ. Ohwihwim he lo, moa a kpo lo okyku ba Ebrahim a kpaŋ odaŋ angyiŋ mbo, ambo okyku baŋ a bmi ba adlidzi angyiŋ. Okyku eka he nga Ahogbrẽ a yga ŋa eka ba arehwĩ ba odlodzi.

MoaEgalasiya 5:23

ta la opresõ-obiŋ, ta la ovueŋoghwo. Odaŋ-okyeŋ la o tla ayakplo edgu ahe o wo ma mbo.

MoAfisu 4:2

E pre esõ obiŋ, nga e kpo ble-ble, nga e ta esõ akpyli ombamba pyeŋ. Nga e tsa oklo ozhẽ ba o kpo o ghwo la egimi.

MoaOkolosi 3:12

Agimi e wo moarehwĩ ba Ahogbrẽ. Aŋa a klo gimi nga a sla gimi okyku o da gimi e dzu moarehwĩ baŋ. Okyku eka he o raŋ o gre ba agimi e sko okayiekŋe ta la okpoghwo, ta la opresõ-obiŋ, ta la esõ ble-ble, ta la oghwo-esõ, e ygi egʼba.

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

2 Etimoti 2:25

Nga a dzu are la a kpo ble-ble omba baŋ a nye moare la a tla ŋa. O dzu mbo, Ahogbrẽ á da mo anvaŋ okyku o ghwo obiŋ, okyku o da mo a yi adlidzi lo.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

Eyakubu 1:21

Okyku okũ he lo, agimi e kyu edgu ayakplo bimi e la e kpo la a wo eshre, ta la edgu eda ebi abgo. Agimi e shri eshri bimi e shri e da Ahogbrẽ, nga e yga odlo a yle lo esõ bimi. O kpo o gbu ba alo o shri oshla o shri o da gimi.

Eyakubu 3:13

Arekyeŋ la a wo la okaobmye nga baŋ a yi ayakplo a wo eshki bimi? O raŋ o gre baŋ a tsa oyioyi baŋ ozhẽ ba odzudzu baŋ la o wo odzadzi, ta la otum odzadzi baŋ a la a kpo la opresõ-obiŋ ta la okaobmye.

1 Ebitru 3:15

Ambo o raŋ o gre ba agimi e fa olbi e da Ekristi esõ bimi. Nga agimi e daŋ a dzu Adigi-odne. Nga agimi e dzu la aga ombamba pyeŋ okyku o wre ayakplo o da areyaŋ a mbo la a zhĩ gimi ekplokyeŋ eshri okayiozhẽ ba agimi e wo la alo ma.

1 Ebitru 3:4

Ambo o raŋ o gre ba agimi e da odzudzu bimi ba egi eshyẽ ba adlidzi angyiŋ o dzu ozba bimi. Ozba he lo ó khwo ku-ku nga mbo. Alo o dzu ble, nga o dzu la esõ la e wo shu. O wo owlama okro ba Ahogbrẽ o gre eshri.