Amatiyu 5:48 - Ohwihwim Olehe

⁴⁸ Agimi e bli shasha, eka ba Adigimi la a wo Ongyeŋ a bli shasha.

Amatiyu 5:48 ပူးပေါင်းရင်းမြစ်များ

Amatiyu 5:16

Ekakahelo, o raŋ o gre ba agimi e da ayimom bimi a tra egi ayi moarehwĩ, okyku o da mo a ka otum adlidzi bimi e la e kpo, nga okyku o da mo a hlu Adigi la a wo Ongyeŋ eshko.

Amatiyu 5:45

okyku o da gimi e dzu moanwye ba Adigi la a wo Ongyeŋ. Okyku eshi aŋa a la a da olum o la o tra moareabi, pa la moareadzi a mbo pyeŋ. Nga aŋa a la a da ogbu o ba okyku moareabi, pa la moareadzi a mbo pyeŋ.

Amatiyu 5:47

O wo boŋ o la o lu odlo pa la moakyeŋoazba sha le, aŋo o kpo ekplokyeŋ la e wo ondundum pa la moahwõ? Moaevbu a mbo a la a kpo eka he lo!

Oluka 6:36

O ka ayiekŋe, eka ba Adoŋ a mbo a ka ayiekŋe.

Oluka 6:40

Anwye-engla a wo anyuanyuŋ a gre are la a nye ŋa mbo. Ambla baŋ a nye a khwo bgu le, á dzu eka are la a nye ŋa.

2 MoaOkorinti 13:11

Ohuhuhi, agimi anáŋ, ondanda dne a mo! E zga ngre okyku ebdzu okyku o da gimi e dzu moarehwi la a bli. E ngli e gno odlo ba ame e lu. E bmi ta la egimi, nga e dzu pyapyaŋ ta la egimi. Nga Ahogbrẽ ba oklo ta la opyapyaŋ a mbo á dzu ka la gimi.

2 MoaOkorinti 13:9

Agi e wo la ovye ma omba bi e sheŋ e nye, ambo agimi e wo oshye. Okyku eka he agi a mbo e la e fa olu okyku o da gimi e bli.

2 MoaOkorinti 7:1

Agimi akyemeazba, moa a hwim ayakplo he lo pyeŋ okyku gi angyiŋ! Okyku eka he, e da gi e tspi kyekye, nga e ngʼba e sku ekployaŋ a mbo la e ta egʼba o mbo le eso bi eshre. Agi e zga gble okyku o da gi e dzu zhezheŋ la esesla ibu eyli ba Ahogbrẽ.

MoAfisu 3:1

Okyku okũ he lo, ame Oblus la e wo oprusuna ba Ekristi Eyesu okyku gimi la e wo moaEyahuda mbo, ame e la e vẽ Ahogbrẽ.

MoaOkolosi 1:28

Okyku eka he agi e la e nyum oshpa ba Ekristi e ygi moare pyeŋ. Agi e la e shĩ nga e nye areyaŋ a mbo la edgu okaobmye mvye ba agi e wo la alo ma, okyku o shri areyaŋ a mbo a ba egi ayi ba Ahogbrẽ, eka ba are la a bmye ayi a klu okro ba okŋeobga ta la Ekristi.

MoaOkolosi 4:12

Ebafara a mbo a shko gimi. Aŋa a mbo a wo arehwĩ ba eshki bimi angyiŋ. Aŋa a mbo a wo awaghrẽ ba Ekristi Eyesu angyiŋ. A la a fa olu osheshye okyku gimi ombamba pyeŋ. Aŋa a la a vẽ Ahogbrẽ okyku o da gimi e tspi la osheshye la esõ la e bmye ayi e klu, la obmi ba adlidzi nga la obibmi la esõ ekyekyeŋ ta la okoklo ba Ahogbrẽ.

Eyakubu 1:4

Ambo agimi e zga gble okyku o da oghwo-esõ he lo o shri gimi o yi o fu ta la osheŋonye mbo, okyku o da gimi e bli nga e dzu shasha, nga okyku o da gimi e gbaŋ la emakyeŋ mbo.

1 Eyohana 3:3

Areyaŋ a mbo la a wo edgu okayiozhẽ he lo okro ba Ekristi a la a nyuŋ eshri baŋ a zga kye, eka ba Ekristi a mbo a wo kye.