Amatiyu 5:37 - Ohwihwim Olehe

³⁷ Agimi e bmi, o mbo le e tla, nga o khwo. O wo bimi e klo elomkyeŋ nga le, Areabi lo angyiŋ a da gimi e la e lu a mo.

Amatiyu 5:37 ပူးပေါင်းရင်းမြစ်များ

Amatiyu 13:19

Moare la a gno oshpa eshri ba Oreŋ Ongyeŋ, nga a ka a bmye mbo, moa a wo eka eyi la e gbu akaŋ ozhẽ nga ba Areabi a ba a tslo eyi ba moa a ta esõ mo.

Amatiyu 13:38

Agbi nga a dzu eka ba obiŋ hi. Eyi edzi nga e dzu eka moare la a wo a ba Oreŋ Ongyeŋ. Eyi ebi nga e dzu eka moare la a wo a ba Eshitaŋ.

Amatiyu 15:19

Esõ arehwĩ eshyẽ nga, aga ba o kpo ayakplobi eka o bga ebga, ta la o ri eshra, ta la o kpo ayakplo ba eshre, ta la o kpo ogʼga, ta la o sheŋ akpro, ta la o tpi eshko moare ayi, a wo ma.

Amatiyu 5:36

Agimi e ka e kʼpi ashum la eshri bimi mbo, okyku eshi agimi e wo ekʼpo ma bimi e da amasẽ eshri bimi akyakyeŋ a zhiŋ a dzu akyle o mbo le ahwĩ mbo.

Amatiyu 6:13

O da ombambga la o gre gi eshri o hwiŋ gi mbo. O shla gi abgo Eshitaŋ.

Eyohana 17:15

O ka, ame e klo boŋ o ngʼba mo o sku obiŋ hi angyiŋ mbo, ambo ame e klo boŋ o kpaŋ mo nga o ngʼba mo o sku abgo Areabi.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

MoAfisu 4:25

E sheŋ akpro nga mbo! O raŋ o gre ba areyaŋ a mbo a la a lu adlidzi angyiŋ ta la anáŋ. Okyku eshi agi e wo ekplu ekyekyeŋ angyiŋ egʼba ba Ekristi.

MoAfisu 6:16

Ombayaŋ a mbo e shri obmi ba adlidzi eka ba ombyli. La alo angyiŋ agimi é ba e kpo é gbu é gro abyi ba ovo ba Eshitaŋ e la e ta gimi.

MoaOkolosi 3:9

E sheŋ akpro e ghwo egimi mbo, okyku eshi agimi e sheŋ e nyiŋ are agbyi lo ta la edgu odzudzu mi lo bgu,

MoaOkolosi 4:6

nga e lu odlo la o wo ble nga o wo odzi angyiŋ pa la moare. Nga o raŋ o gre ba agimi e yi eka ba o shri otnoma la o wo odzi angyiŋ o shri o da areyaŋ a mbo.

2 MoaEtasolonika 3:3

Ambo Adigi-odne a wo are ba adlidzi angyiŋ. Aŋa nga á shri oshye á shri á da gimi, nga á kpaŋ gimi a sku abgo ba Areabi lo.

Eyakubu 5:12

Ekplo la e gre ahwõ pyeŋ, agimi anáŋ, e kʼpi ashum omba ba agimi e la e hwim okyku akploltyeŋ mbo. E kʼpi ashum la Ongyeŋ mbo, o mbo le la obiŋ hi, o mbo le la akplokyeŋ mbo ku-ku. O wo ba agimi e bmi le, e bmi, nga o wo ba agimi e tla le, e tla nga o khwo, okyku o da Ahogbrẽ a sõ gimi ombgu mbo.

1 Eyohana 2:13

Ame e ta gimi adugu akpa, okyku eshi agimi e yi ŋa baŋ a wo arehwĩ la a zgi okũ oriori. Ame e ta gimi ola anwye akpa okyku ba agimi e kpo e gre Areabi.

1 Eyohana 3:12

O raŋ o gre ba agi e dzu eka ba Akayinu mbo, okyku eshi aŋa a wo a ba Eshitaŋ angyiŋ, nga a bga anáŋ. Okyku eshi Akayinu a bga anáŋ he lo? A bga ŋa okyku ba ayakplo baŋ a kpo a wo abi, ambo ayakplo ba anáŋ a kpo a wo adzi.

1 Eyohana 5:18

Agi e yi ba arekyeŋ ba moa a mbre ŋa okro ba Ahogbrẽ a la a shri eshri baŋ a zga okyku o kpo odlobi mbo, okyku eshi Anwye ba Ahogbrẽ a la a kpaŋ ŋa, nga Areabi a kpo a gbu baŋ a ta ŋa etsa mbo.