Amatiyu 5:22 - Ohwihwim Olehe

²² Ambo ohuhuhi ame e lu e da gimi, areyaŋ a mbo la a kpo olom ta la anáŋ, moa á sõ ŋa ombgu, nga areyaŋ a mbo la a bzi anáŋ ma Arehwĩ ba ototno, moa á shri ŋa á yi egi ayi moandakʼpo. Nga areyaŋ a mbo la a bzi anáŋ ma Adro ba ototno, a wo oyla baŋ á yi enzheovo.

Amatiyu 5:22 ပူးပေါင်းရင်းမြစ်များ

Amatiyu 10:17

Agimi e nyuŋ e ka, moare la á ba a ba á vu gimi nga á shri gimi á yi akuombgu á yi á ba. Moa á taŋ gimi andzu aku ba moa a la a shki eshki ma.

Amatiyu 10:28

Moarehwĩ la a bga egʼba agimi e kpo eyli mo mbo, okyku eshi moa a wo ekʼpo ma ba moa a bga esõ arehwĩ mbo. Ambo agimi e kpo eyli Ahogbrẽ la a kpo a gbu baŋ a bga egʼba pyeŋ, ta la esõ a mbo enzheovo.

Amatiyu 12:24

Omba ba moaEyahuda a gno eka he nga, moa a tno ma a lu mi le, Aŋa a la a se egbgabi okyku eshi areŋ mo, Ebilazabuba angyiŋ a shri ekʼpo a shri a daŋ okyku o daŋ a kpo eka he.

Amatiyu 17:5

Omba baŋ a kpla egba eka he lo nga, etabro la e shka ayi leleleŋ e gile eshri mo, nga enzi e zgi ma e lu mi le, Anwye ba esesla ba ame a gno oraŋ ka la ŋa e gre eshri angyiŋ, a wo ahi lo. Agimi e ngli atuŋ e gno odlo baŋ!

Amatiyu 18:21

Ebitru a ba okro Eyesu nga a zhĩ a lu mi le, Adigi-odne, engyi ehrẽ ame é kyu anime abgo o wo baŋ a ta akpu egi ayi me? Ame é kyu ŋa abgo engyi efoha?

Amatiyu 18:35

Eyesu a sa a lu mi le, Adugu a mbo á kpo gimi pyeŋ eka he lo angyiŋ, o wo bimi e kyu moanigimi la a ta akpu egi ayi bimi abgo la esõ ekyekyeŋ mbo le.

Amatiyu 23:15

A ba eshri bimi la e nye odaŋ, ta la agimi Efarisi! Agimi la e bile moare! Agimi e la e dzi okyku o nyum oshpa nzenze ebiŋ endandandim, ambo are akyekyeŋ sha agimi e hwiŋ. Nga agimi e zhiŋ are he lo a zga are la á yi enzheovo ma-me a gre gimi engyi eha.

Amatiyu 23:33

Amabi, pa la moanwye ba amabi! Agimi é kpo anyu e la e ka ayi ozhẽ okyku o gro ombgu ba enzheovo?

Amatiyu 25:41

Areŋ á nyuŋ moa la a wo obgoehre baŋ a lu mi le, Agimi e kyoŋ e sku me. Ahogbrẽ a sheŋ a ta anyuabi a ygi gimi bgu. Moa á shri gimi á ygi ovo ba gbagbu-amo moa a kpo a zga Eshitaŋ, pa la moanwyeadga baŋ.

Amatiyu 26:59

Moandakʼpo olu, pa la moa la a sõ ombgu mvye a klo moaegŋe akpro eshri Eyesu, okyku o da mo a sheŋ ombgu eku eshri baŋ.

Amatiyu 3:17

Ambla he nga, enzi e zgi Ongyeŋ e ba e lu mi le, Anwye me ba esesla angyiŋ a wo ahi. Esõ me e la e gno oraŋ ka la ŋa e gre eshri.

Amatiyu 5:34

Ambo ame e lu e da gimi, agimi e kʼpi ashum omba bimi e hwim mbo. Agimi e kʼpi ashum la Ongyeŋ mbo, okyku eshi alo o wo emgbakyiŋ oreŋ ba Ahogbrẽ angyiŋ.

Amatiyu 5:44

Ambo, ohuhuhi ame e lu e da gimi, agimi e klo moafpu gimi, nga e fa olu e tne aga moare la a la a kpo gimi efye,

Amarku 14:55

Moandakʼpo olu ba Ahogbrẽ, pa la moa la a sõ ombgu a klo egŋe akprokpro eshri Eyesu, okyku o da ombgu o bga ŋa nga o da mo a vu ŋa a bga. Ambo, moa a hwiŋ ekplokyeŋ eshri Eyesu mbo.

Amarku 15:1

Endigigiŋ onda oha nga, moandakʼpo olu ba Ahogbrẽ pa la moandakʼpo, pa la moa la a nye odaŋ, pa la moandakʼpo la a sheŋ ombgu, moa a kpo shoshoŋ nga a shki nga a hwim odlo eshri ombgu Eyesu. Ambla he nga moa a da mo a ta Eyesu aslika nga moa shri ŋa a gre aku ombgu ba Ebilatu.

Oluka 12:5

Ame é tsa gimi are ba alo o raŋ o gre bimi e kpo eyli baŋ. Agimi e kpo eyli Ahogbrẽ okyku eshi aŋa a wo la ekʼpo ma baŋ a bga nga a shri lo a ta enzheovo. Adlidzi ame e lu e da gimi, agimi e kpo eyli baŋ!

Oluka 22:66

La endigiŋ nga, moandakʼpo moaEyahuda, pa la moandakʼpo olu ba Ahogbrẽ, pa la moa la a nye odaŋ, moa a pla emo a shki a khwo nga moa a shri Eyesu a gre okro mo.

Eyohana 11:47

MoaEfarisi pa la moandakʼpo olu ba Ahogbrẽ a gre a yi a ka moandakʼpo la a sõ ombgu nga a zhĩ mo a lu mi le, Agi é kpo eshi eshri ayakplo egbregbre ba alom hi a la a kpo he?

Eyohana 15:25

Ohe lo o kpo okyku o bli ekplo ba odlo odaŋ mo o lu mi le, Moa a tla me okyku ekplokyeŋ angyiŋ mbo.

Eyohana 7:20

Eshki e tno ŋa ma e lu mi le, Ogbgabi o la o kpo otum ka la ŋo tli! Ayi angyiŋ a klo o bga ŋo?

Eyohana 8:48

MoaEyahuda a tno Eyesu ma, nga a nyuŋ ŋa a lu mi le, Agi e ta akpu angyiŋ bi e lu mi ma aŋo o wo arehwĩ ba Asamariya, nga ma ogbgabi o kpo otum ka la ŋo?

Otum 17:18

MoaEpekuriya, ta la moaOsotoki moa la a nye mo egu eha he lo, moa a kla odlo ta la Oblus. Moakyeŋ a lu mi le, Alom hi la evbu eshri, a la a klo o lu eshi? Moakyeŋ a lu mi le, Aŋa a la a lu odlo eshri ahogbrẽ moazhẽ. Moa a lu eka he okyku eshi Oblus a lu odlo eshri Eyesu ta la oksongybi baŋ.

Otum 22:30

Anyuŋ-andakʼpo moanwyeakyuŋ a klo a ka eshyẽ ekplo la e da moaEyahuda a la a kpo Oblus ewu okyku lo. Okyku eka he a da mo a ngla aslika lo a sku Oblus, nga a da mo a bzi moandakʼpo olu ba Ahogbrẽ pa la moandakʼpo ba akuombgu, okyku o da mo a shki eshki. Anyuŋ-andakʼpo moanwyeakyuŋ a da Oblus a kso a tspi egi ayi mo.

Otum 23:1

Oblus a ka moa la a sõ ombgu nga a lu mi le, Agimi anáŋ! Eso me e wo zhezheŋ odzudzu me egi ayi Ahogbrẽ ma-me e bli olum anye he.

Otum 24:20

O mbo le, aŋo o da moare he lo a lu akpu ba ame e ta e da akuombgu a gno, omba ba ame e tspi egi ayi mo he.

Otum 4:15

Okyku eka he moa a nyuŋ moanwyeotum lo ma moa a zgi a sku akuombgu, nga moa a hwim odlo ta la emo.

Otum 5:21

Moa la a nyum oshpa a bmi, nga endigigiŋ moa a gre Anyuŋ-akulu nga moa a zga esĩ a nyum oshpa lo. Anyuŋ-andakʼpo olu ba Ahogbrẽ, pa la moandakʼpo la a kpo otum ka la ŋa, pa la moandakʼpo moaEyahuda moa a gre a yi a yi a shki eshki. Ambla moa a shki a khwo pga, moa a hom otum a gre aku lo a lu ma moa a shri moa la a nyum oshpa lo a shri a ba a da mo a sõ mo ombgu.

Otum 5:27

Moa a shri moa la a nyum oshpa lo a ba nga moa a da mo a tspi egi ayi moandakʼpo la a sõ ombgu, nga anyuŋ-andakʼpo olu ba Ahogbrẽ a zhĩ mo a lu mi le,

Otum 6:12

Odlo he lo o tpi moare ta la moandakʼpo, ta la moa la a nye odaŋ eso ayi o gre eshri. Moa a ba a vu Estifanu a shri a gre okro moandakʼpo la a sõ ombgu.

Otum 6:15

Moadakʼpo la a sõ ombgu mvye nga, moa a nyom ayi a ka Estifanu, nga moa a ka ayi baŋ a shka ayi leleleŋ eka ayi ba anwyeadga ba Ahogbrẽ.

Otum 7:37

Omusa lo angyiŋ a nyuŋ moarehwi ba Esrayila a lu mi le, Ahogbrẽ á hom arekyeŋ otum á daŋ a ba, eka baŋ a da me e ba. Aŋa a wo a ba ogu moarehwi bimi.

MoaOroma 12:10

Agimi e klo egimi adzadzi okyku eshi agimi e wo moanáŋ angyiŋ eshko ba Ekristi, nga agimi e la e fa olbi e da egimi la oklo.

1 MoaOkorinti 6:10

nga a la a kpo ogʼga, nga a gro ayi anzho, nga a wa ajige a la a dro, nga a la a klo odlo nga a la a pre odaŋ, akyeŋ a mbo eshki moahi lo á hwiŋ Oreŋ ba Ahogbrẽ mbo.

1 MoaOkorinti 6:6

Ambo agimi e la e shri egimi e yi akuombgu e sku nga e la e da moaevbu a sõ gimi ombgu!

1 MoaEtasolonika 4:6

Okyku odlo he lo o raŋ o gre ba arekyeŋ a kpo anáŋ akplokyeŋ abi o mbo le a ka a kpgo ŋa mbo ku-ku. Agi e sheŋ e lu odlo he lo ka la gimi, nga agi e shĩ gimi osheshye eka ba Adigi-odne á ba a da ewu e hwiŋ moa la a la a kpo edgu ayakplo ba akpu he lo.

Etitu 3:2

O shĩ mo okyku o da mo a tsi etku arekyeŋ la onjygu mbo. O lu o da mo a dzu opyapyaŋ, nga a ri ekpom nga a ka areyaŋ a mbo la esõ ble-ble.

MoaIbrani 12:25

Agimi e nyuŋ e kpo-kpo nga e tla o ngli atuŋ o gno odlo baŋ a la a lu mbo. Okyku eshi moarehwĩ la a tla o ngli atuŋ o gno odlo ba Ahogbrẽ ba arekyeŋ a la a lu obiŋ hi, moa a gro mbo ku-ku. Nga o wo ba agi e tla odlo ba are la a dzu Ongyeŋ a la a lu he, agi e ka é ra abgo é gro mbo ku-ku!

MoaIbrani 5:9

Omba ba moa a bli ŋa a khwo, a dzu esĩ ba oshla ba gbagbu-amo, okyku moare pyeŋ la a la a kpaŋ odlo baŋ.

Eyakubu 2:20

Adro arehwĩ! Aŋo o klo moa a tsa ŋo obmi ba adlidzi la o wo ta la otum mbo, ba alo o wo otum ototno angyiŋ?

Eyakubu 3:6

Olom o wo eka ovo angyiŋ. O wo ekplokyeŋ la e tpi obiŋ ayi pyeŋ. Alo nga o hwiŋ odzudzu baŋ egʼba bi, alo o da ekpre e la e tpi egʼba bi ayi pyeŋ. Alo o la o ta egʼba bi pyeŋ ovo. Ovo he lo o zgi enzheovo angyiŋ o ba.

1 Ebitru 2:23

Omba ba moa a hre ŋa anyu, aŋa a bla a hre mo anyu mbo. Nga omba baŋ a kpo ewu, aŋa a suŋ mo egʼba mbo ku-ku. Ambo a shri okayiozhẽ baŋ a zga okro ba Ahogbrẽ la a wo are la a sõ ombgu la odlodzi sha.

1 Ebitru 3:9

Ambo o wo ba arekyeŋ a tra ŋo ezhim le, aŋo o tra ŋa ambgu. Nga agimi e ta anyuabi angyiŋ e ygi are la a ta anyuabi a ygi gimi mbo, ambo e fa anyuadzi angyiŋ, okyku eshi Ahogbrẽ, omba baŋ a bzi gimi, a hwim baŋ á ba a fa anyuadzi angyiŋ á ygi.

1 Eyohana 2:9

Are la a lu mi ma aŋa a wo ayimom lo, ambo o wo baŋ a tla anáŋ le, aŋa a yi a wo evbu angyiŋ a gbu omba he lo.

1 Eyohana 3:10

Agimi e ka ondundum la o wo zhezheŋ okro ba odzudzu ba moanwye ba Ahogbrẽ pa la moanwye ba Eshitaŋ. Areyaŋ a mbo la a kpo ayakplo la a wo shasha mbo, o mbo le a klo anáŋ mbo le, a wo anwye ba Ahogbrẽ angyiŋ mbo.

1 Eyohana 5:16

O wo ba arekyeŋ a ka ba anáŋ a kpo odlobi la o yi okro ba eku mbo le, o raŋ o gre baŋ a fa olu a vẽ Ahogbrẽ, Ahogbrẽ nga á shri esõ á shri á daŋ. Ohe lo o wo okyku moarehwĩ ba odlobi mo o tse ma ba moa á kpu mbo sha angyiŋ. Ambo odlobi ba eku o wo ma, ambo ame e lu ba agimi e fa olu e vẽ Ahogbrẽ okyku ohe lo angyiŋ ko mbo.

Eyahuda 1:9

Amakle la a wo anyuŋ-andakʼpo ba moanwyeadga ba Ahogbrẽ a mbo a kpo eka he lo mbo. Omba baŋ a la a kla okom ba Omusa ta la Eshitaŋ, okyku o da mo a yi are la á ba a sko lo, Amakle a dzĩ Eshitaŋ mbo. Ambo aŋa a lu ta la Eshitaŋ a lu mi le, Adigi-odne á tsa ŋo ewu!

Otsotsa 20:14

Ambla he nga, moa a shri eku ta la obiŋ ba moarehwĩ la a kpu, a shri a ygi enzheovo. Eku ba oha lo angyiŋ e wo enzheovo he lo.