Amatiyu 5:20 - Ohwihwim Olehe

²⁰ Ame e lu e da gimi, agimi é kpo é gbu bimi e yi Oreŋ Ongyeŋ, o wo ba odzudzu bimi o wo odzadzi o gre moa la a nye odaŋ, ta la odzudzu moaEfarisi.

Amatiyu 5:20 ပူးပေါင်းရင်းမြစ်များ

Amatiyu 16:12

Omba he lo, moanwyeotum baŋ a ka a bmye baŋ a ta egŋe eshri eyist ba moa a shri a ygi agbrotsa angyiŋ mbo, ambo moa a ka a tspi baŋ a ta egŋe eshri onyenye moaEfarisi, pa la moaEsaduki.

Amatiyu 18:5

Okyku eka he, areyaŋ a mbo la a yga akyeŋ eshki moanwye afifi he lo eshko me le, a yga me angyiŋ.

Amatiyu 3:10

Ogyu o wo okyku o kplu akiki emgbʼbo. Akiyaŋ a mbo la a fu agbro la a wo adzi mbo, moa á kplu lo okukũ nga, moa á shri lo á ygi ovo.

Amatiyu 7:21

Areyaŋ a mbo la a la a bzi a lu mi le, Adigi-odne, Adigi-odne, angyiŋ, á ba a yi Oreŋ Ongyeŋ mbo, o wo le moa la a kpo ayakplo ba Adugu la a wo Ongyeŋ a klo dne.

Amarku 10:15

E gno, areyaŋ a mbo la a yga Oreŋ Ahogbrẽ eka moanwye afifi he lo mbo, á yi Oreŋ Ahogbrẽ mbo ku-ku.

Amarku 10:25

O wo ohli ba ebyikyeŋ moa a bzi lo ma arakumi e gre ewyle adne o gre ba are angyiŋ a yi Oreŋ Ahogbrẽ.

Oluka 11:44

A ba eshri bimi! Agimi e wo eka ba engybi moare a ka lo mbo, nga moa a la a dzi ma la efifĩ.

Oluka 12:1

Omba moare ezbi nzenze a tspi otsotse nga a la a pre emo adga, Eyesu a nyuŋ moanwyeotum baŋ a lu mi le, Agimi e nyuŋ e kpo-kpo ta la eyist moaEfarisi. Ame e lu odlo eshri obile mo angyiŋ.

Oluka 18:17

Agimi e ngli atuŋ e gno! Areyaŋ a mbo la a yga Oreŋ Ahogbrẽ eka ba anwye afifi mbo le, á kpo á gbu baŋ a yi Oreŋ Ahogbrẽ mbo.

2 MoaOkorinti 3:9

Ombgu ba moa á sõ moare okro otum he lo o wo la ekekʼpo o gre eshri. Nga ombgu ba moa á sõ moare nga ba moa á ba a gro okro ba otum he lo o sa o wo la ekʼpo e gre pyeŋ!

2 MoaOkorinti 5:17

Omba ba moa a kŋe are a bga ta la Ekristi, a zhiŋ a dzu are alahe angyiŋ. A kyu ayakplo agbyi abgo nga a vu ayakplo ahe.

MoaEfilibi 3:9

nga okyku o da me e kŋe eshri me e bga ka la ŋa la esõ ekyekyeŋ. Nga ohuhuhi odlodzi ba eshri me ame e wo la alo ma mbo. Edgu odlodzi he lo moa a la a hwiŋ lo ozhẽ ba okpaŋodaŋ angyiŋ. Ambo ohuhuhi ame e wo la odlodzi ba moa a shri lo a di ozhẽ ba obmi ba adlidzi ta la Ekristi. Odlodzi he lo o zgi okro ba Ahogbrẽ angyiŋ o ba, nga okũ lo o wo okro ba obmi ba adlidzi angyiŋ.

MoaIbrani 12:14

E zga ngre okyku o da opyapyaŋ o dzu agʼbaha bimi pa la moarehwĩ pyeŋ. Nga e zga ngre okyku o da gimi e dzu la odzudzu la o wo la esesla, okyku eshi arekyeŋ la a wo la odzudzu esesla he lo mbo, á ka Adigi-odne mbo ku-ku.

Otsotsa 21:27

Ambo ekplo-kyeŋ ba eshre é gre é yi osku he lo eshyẽ mbo ku-ku. Are la a la a kpo ayakplo ba anzi ta la are la a sheŋ akpro, á yi osku he lo mbo. O wo le moarehwĩ ba moa a ta ashko mo akpa ba esõ, ba Anwye Ekylu lo dne á ba a yi osku he lo.