Amatiyu 5:19 - Ohwihwim Olehe

¹⁹ Okyku eka he, areyaŋ a mbo la a pre odaŋ otsitsi a mbo, nga a sa a nye moahwõ a da mo a pre lo le, aŋa á wo ekplokyeŋ angyiŋ Oreŋ Ongyeŋ mbo. Nga areyaŋ a mbo la a la a kpaŋ odaŋ lo, nga a nye moahwõ a da mo a kpaŋ lo, aŋa á dzu la ekʼpo Oreŋ Ongyeŋ.

Amatiyu 5:19 ပူးပေါင်းရင်းမြစ်များ

Amatiyu 11:11

Agimi e tne e ka, Eyohana hi lo, a wo anyuanyuŋ a gre areyaŋ a mbo eshki moare bimi e la e gno oshpa mo obiŋ hi. Ambo are la a ba Oreŋ Ongyeŋ amom-abgo, a sa a wo anyuanyuŋ a sa a gre Eyohana a mbo nganga.

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 20:26

Ambo edgu hi angyiŋ é ba e kpo ka la gimi mbo. O wo ba akyeŋ eshki bimi a klo o dzu andakʼpo le, aŋa á dzu awaghrẽ moahwõ pyeŋ.

Amatiyu 28:20

Nga e nye mo e da mo a kpaŋ ekployaŋ a mbo ba ame e lu e da gimi. Nga e tne aga e ka! Ame é dzu ka la gimi ombamba pyeŋ, ma-me o tsa onda amom-abgo.

Oluka 1:15

Okyku eshi, aŋa á dzu are ba esesla egi ayi ba Adigi-odne. Okyku eka he aŋa á wa ami anab la a no mbo, o mbo le a wa ami la a bza mbo ku-ku. Moa á bli ŋa la Ogbgaodzi o zgi omba ba moa a mbre ŋa.

Oluka 11:42

A ba eshri bimi Efarisi! Agimi e la e shri ogʼba okyeŋ eshki egʼba okʼpo ba enyiŋ-emgbo ta la afre, ta la anzho enyiŋ ehwõ a mbo e shri e da Ahogbrẽ, ambo agimi e dzu adlidzi e zga, nga agimi e klo Ahogbrẽ mbo. Ambo o dzu omgbybi ba agimi e kpo edgu ayakplo he lo, ta la ahwõ a mbo.

Oluka 9:48

Ambla he nga a nyuŋ mo a lu mi le, Areyaŋ a mbo la a yga akyeŋ eshki moanwye afifi he lo le, a yga me angyiŋ. Are la a yga me le, a yga are la a hom me otum. Nga areyaŋ a mbo ba moa a sko ŋa a zga akplokyeŋ eshki bimi mbo, moa á sko ŋa á zga anyuanyuŋ a gre pyeŋ.

Otum 1:1

Anime Etiyofolu, Akpa me ba oriori, ame e ta oshpa ba akplo mvye ba Eyesu a la a kpo nga a la a nye. Ohe lo o zga esi omba baŋ a zga esi otum baŋ

MoaOroma 3:8

Okyku eshi agi e la e lu mi le, Agimi e da gi e kpo odlobi okyku o da odlodzi o ba? Moarekyeŋ a ba a klo odlo pa la me nga moa a zhĩ me eka he lo. Moa á sõ mo ombgu eka ba alo o raŋ o gre!

MoaOroma 6:1

Agi nga e lu la eshi? Agi e dzu e la e kpo odlobi okyku o da odlodzi ba Ahogbrẽ o ta ma-ma nzenze?

MoaOroma 6:15

Eshi angyiŋ? O wo odzi bi e la e kpo odlobi, okyku ba agi e wo okyku okpoghwo ba Ahogbrẽ? O wo eka he angyiŋ mbo!

1 Etimoti 6:11

Ambo aŋo, arehwĩ ba Ahogbrẽ, o ngʼba o sku edgu ayakplo he lo pyeŋ. O zga ayi ngre okyku o kpo odlodzi, nga o tspi ozhẽ ba Ahogbrẽ la adlidzi ta la obmi ba adlidzi, ta la oklo, nga o kpo oheheŋ, nga o dzu la esõ ble ekployaŋ a mbo.

Etitu 3:8

Odlo he lo o wo adlidzi angyiŋ. Ame e klo boŋ o bla ayakplo he lo o shĩ adzadzi, okyku o da moa la a bmi ba adlidzi ta la Ahogbrẽ a shri aga mo a zga okyku o kpo ayakplo la a wo adzadzi. Ayakplo he lo a wo adzi nga á kpo á ghwo la moare.

1 Ebitru 5:4

Nga omba ba Andakʼpo ba moa la a kpaŋ ékylu he lo a ba le, agimi é yga egbre ba ekla-eshri ba esesla. Alo é shraŋ nga mbo ku-ku gbagbu-amo.

1 Eyohana 3:4

Areyaŋ a mbo la a kpo odlobi, a wo la ombgu ma okyku baŋ a pre odaŋ ba Ahogbrẽ, okyku eshi opreodaŋ angyiŋ o wo odlobi.

Otsotsa 2:20

Ambo ame e gno oraŋ ka la ŋo mbo okyku eshi aŋo o bmi ta la ashe ba moa a bzi ŋa ma Ejezeble. Aŋa a lu ma aŋa a wo anwyeadga ba Ahogbrẽ angyiŋ. Ashe he lo a la a nye moawaghrẽ me nga a la a bile mo, nga a la a da mo a kpo ayakplo ba eshre, nga a la a da mo a ri algo ba moa a shri a ndba okpko.