Amatiyu 5:18 - Ohwihwim Olehe

¹⁸ Agimi e tne aga e ka! Odzudzu ba Ongyeŋ, ta la obiŋ hi pyeŋ, moa á nyiŋ ekplokyeŋ ku-ku eshri ba Odaŋ he lo mbo. Amom-abgo ba ayakplo pyeŋ a mbo, moa á nyiŋ mbo.

Amatiyu 5:18 ပူးပေါင်းရင်းမြစ်များ

Amatiyu 10:15

Agimi e ka! Onda Osõmbgu le, Ahogbrẽ á ka moarehwĩ ba Osodom, ta la Ogomora a mbo ayiekŋe á gre osku mi lo!

Amatiyu 10:23

O wo ba moa a kpo gimi ewu oskukyeŋ le, agimi e knye e yi osku ohwõ. Ame e lu e da gimi, agimi é dzi anwye esku ba obiŋ Esrayila pyeŋ é khwo ayga, Anwye Arehwĩ á ba a ba mbo.

Amatiyu 10:42

Agimi e ka! Areyaŋ a mbo la a shri ami owa-wa sha a mbo, a shri a di akyeŋ eshki moarehwĩ la a lu me ma, okyku me le, are he lo á hwiŋ egbre baŋ.

Amatiyu 11:11

Agimi e tne e ka, Eyohana hi lo, a wo anyuanyuŋ a gre areyaŋ a mbo eshki moare bimi e la e gno oshpa mo obiŋ hi. Ambo are la a ba Oreŋ Ongyeŋ amom-abgo, a sa a wo anyuanyuŋ a sa a gre Eyohana a mbo nganga.

Amatiyu 13:17

Agimi e ka! Moare nzenze ba Ahogbrẽ a hom mo otum, pa la moarehwĩ ba Ahogbrẽ nzenze, moa a klo o ka edgu aya-kplo bimi e la e ka, nga o gno edgu odlo bimi e la e gno, ambo moa a hwiŋ ozhẽ mbo.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 17:20

Eyesu a tno ma a lu mi le, Alo o kpo eka he okyku bimi e bli la obmi ba adlidzi mbo angyiŋ. Agimi e ngli e gno, o wo bimi e wo la obmi ba adlidzi la o wo etsitsi eka eyi ba amastad sha a mbo, agimi e kpo e gbu bimi e lu ta la akũ hi e lu mi le, O gʼbu ahe o yi a mi. Alo á gʼbu. Nga agimi é kpo é gbu ba o kpo ekployaŋ a mbo! [

Amatiyu 18:18

Okyku eka he ame e lu e da gimi, ekplo bimi e nyom lo obiŋ hi, moa á nyom lo a mbo Ongyeŋ, nga ekplo bimi e bmi ta la alo obiŋ hi, moa á bmi ta la alo a mbo Ongyeŋ.

Amatiyu 18:3

nga a nyuŋ mo a lu mi le, Agimi e ka! O wo bimi e zhiŋ e dzu eka moanwye afifi mbo le, agimi é yi Oreŋ Ongyeŋ mbo ku-ku.

Amatiyu 19:23

Eyesu a nyuŋ moanwyeotum baŋ a lu mi le, Alo ó wo ewu nzenze ba are angyiŋ á ba a yi Oreŋ Ongyeŋ.

Amatiyu 19:28

Eyesu a nyuŋ mo a lu mi le, Ame e lu e da gimi, omba ba Anwye Arehwĩ á ba a dzu emgbakyiŋ oreŋ baŋ ba esesla, omba mi lo, agimi otsko la e lu me ma he lo, agimi a mbo é dzu emgbakyiŋ oreŋ me, nga é sõ egu otsko ba Esrayila ombgu.

Amatiyu 21:21

Eyesu a nyuŋ mo a lu mi le, Agimi e tne e ka! O wo bimi e bmi ba adlidzi nga e fu eha esõ bimi ku-ku mbo, agimi a mbo é kpo é gbu ba gimi é kpo edgu ekplo ba ame e kpo ta la esĩ ebro he. Nga agimi é kpo ekplo la e gre ehi a mbo. O wo bimi e bmi ba adlidzi le, agimi é kpo é gbu bimi e nyuŋ akũ e lu mi le, Akũ o gʼbu o yi o gre anyuŋ-ondzu, ó dzu eka he lo.

Amatiyu 21:31

Ayaŋ eshki moanwye aha he lo, a kpo ekplo ba adimo a klo? Moa a tno ma a lu mi le, Anwye andakʼpo angyiŋ a kpo ekplo ba Adimo a klo. Eyesu a nyuŋ mo a lu mi le, Ame e lu e da gimi, moa la a yga ewaŋ, pa la moashe la a la a ri eshra, moa á yi Oreŋ Ahogbrẽ á sku gimi.

Amatiyu 23:36

Ame e lu e da gimi, adlidzi angyiŋ, ewu ba ayakplo he lo pyeŋ, é dzu eshri moare ba ekplu he lo!

Amatiyu 24:2

A tno mo ma a lu mi le, Alo o wo eka he lo angyiŋ, ame e lu e da gimi, ézhim la e fki eŋa he pyeŋ, ekyeŋ a mbo é ra e dzu ahe mbo. Moa á kypi lo pyeŋ á ygi obiŋ.

Amatiyu 24:47

Adlidzi ame e lu e da gimi, Adaŋ-odne á shri anzho baŋ pyeŋ á shri á ghwo abgo ba anwye-odne he lo.

Amatiyu 25:12

Anwyealom a tno mo ma a lu mi le, Ame e yi gimi mbo ku-ku.

Amatiyu 25:40

Areŋ á tno mo ma á lu mi le, Omba bimi e la e kpo e ghwo la moanime la a wo ekplokyeŋ mbo, o dzu eka bimi e kpo e ghwo la me angyiŋ!

Amatiyu 25:45

Areŋ á tno mo ma á lu mi le, Ame e lu e da gimi, omba bimi e tla e kpo e ghwo la moa la a wo ekplokyeŋ mbo, o dzu eka bimi e tla e kpo e ghwo la me angyiŋ.

Amatiyu 5:26

Aŋo ó dzu ahe lo, o tsa boŋ o hre engre boŋ pyeŋ.

Amatiyu 6:16

Omba bimi e la e nyom eshri algo le, agimi e kpu eyayi rba-rba eka moa la a la a nyom egʼba a kpo mbo. Moa a la a dzi la eyayi ba embyle okyku o da areyaŋ a mbo a yi ba moa a la a nyom eshri algo. Agimi e ka! Moa a sheŋ a hwiŋ egbre mo a bli bgu.

Amatiyu 6:2

Okyku eka he, omba boŋ o la o shri ekplokyeŋ o da are la a wo ekŋe le, aŋo o shri lo o tsa eyayi moare mbo. Moa la a la a nyom egʼba, a kpo ekakahelo angyiŋ anwyeakulu, ta la anyuŋ-ezhẽ. Moa a la a kpo eka he lo okyku o da moare a hlu mo eshko. Agimi e nyuŋ e ka! Edgu moahi lo, moa a sheŋ a hwiŋ egbre mo a bli bgu.

Amatiyu 8:10

Eyesu a ka egbregbre a gre eshri omba baŋ a gno eka he. Nga aŋa a nyuŋ moare la a la a lu ŋa ma a lu mi le, Ame e ka arekyeŋ la a wo la obmi ba adlidzi eka ba alom hi obiŋ ba Esrayila ondakyeŋ mbo ku-ku.

Amarku 10:15

E gno, areyaŋ a mbo la a yga Oreŋ Ahogbrẽ eka moanwye afifi he lo mbo, á yi Oreŋ Ahogbrẽ mbo ku-ku.

Amarku 10:29

Eyesu a nyuŋ mo a lu mi le, Adlidzi, ame e lu e da gimi, areyaŋ a mbo la a dzu osku baŋ pa la moanáŋ-alalom, pa la moanáŋ-alashle, ta la anaŋ, ta la adaŋ, pa la moanwye, ta la agbi a zga okyku me, nga okyku o nyum oshpa me,

Amarku 11:23

agimi é kpo é gbu ba agimi e lu ta la akũ a mbo e lu mi le, O gʼbu o yi o gre anyuŋ-ondzu. O wo bimi e fu lo eha esõ bimi mbo, ambo agimi e bmi ba adlidzi ekplo ba agimi e lu lo é ba e kpo le, moa á kpo lo okyku gimi.

Amarku 12:43

Eyesu a bzi moanwyeotum baŋ a lu mi le, Adlidzi, ashe-eshaku la a shri amgbaŋ a ta angongo hi a gre areyaŋ a mbo ahe.

Amarku 13:30

E gno, moarehwi ba omba he lo á kpu mbo, o wo le akplo ahi lo á bli ayga dne.

Amarku 14:18

Omba moa a ri algo nga Eyesu a lu mi le, Ame a lu e da gimi, akyeŋ eshki bimi la a ri algo pa la me, á yla me.

Amarku 14:25

Ame e lu e da gimi, ame é wa etku ami hi nga mbo, o wo le onda ba ame é wa etku ami elehe Oreŋ ba Ahogbrẽ dne a mo.

Amarku 14:30

Eyesu a tno ŋa ma a lu mi le, Ebitru o tne o ka, engo é tko engyi eha ayga aŋo ó ba o kpo evom me engyi etra okyukyku o ba anye he mbo.

Amarku 14:9

Agimi e ngli e gno, okroyaŋ a mbo obiŋ hi moa á ba a nyum Oshpaodzadzi he lo ma, ekplo ashe he a kpo moa á tne aga alo.

Amarku 3:28

Agimi e tne aga e ka! Ahogbrẽ á kyu moare abgo ayakplobi moa a la a kpo pyeŋ, ta la ayakplobi la a zgi anyu mo la a wo nzenze ekayaŋ a mbo.

Amarku 6:11

Osku bimi e gbu ma, o wo moa a yga gimi mbo le, agimi e dzu mo e zga, nga e ndza abgo bimi nga e yi egimi. Alo ó tsa mo.

Amarku 8:12

Eyesu a ta agyim nga a zhĩ mo a lu mi le, Okyku eshi agimi arehwĩ ba ekplu hi, e klo o ka ayakplo egbregbre ba ekʼpo Ahogbrẽ? Ame e lu e da gimi, agimi é ka lo mbo.

Amarku 9:1

Eyesu a sa a lu mi le, E gno, moakyeŋ eshki hi á kpu mbo, o wo le moa á ka Oreŋ ba Ahogbrẽ la o ba la ekʼpo ayga dne.

Amarku 9:41

E ngli e gno, areyaŋ a mbo la a shri ami owa-wa a kom gimi okyku bimi e wo moarehwi ba Ekristi le, á hwiŋ egbre baŋ.

Oluka 11:51

A zga omba ba moa a bga Ahabila, a ba omba ba moa a bga Azakariya agʼbaha ambgu ta la okro ba esesla. Ame e lu e da gimi pyeŋ, moarehwi ba ogʼba hi, moa á kpo mo ewu okyku ohi lo.

Oluka 12:37

Moanwye-odne ba adimo-odne á ba a hwiŋ mo la ayi, moa á vu anzho abgo pyeŋ nga moa á dzu á bli ŋa, moa á gno oraŋ nzenze! Ame e lu e da gimi, aŋa á ta oknye baŋ a kpye gble nga á da mo a dzu obiŋ, nga á shri algo á da mo a ri.

Oluka 13:35

Okyku eka he, moa a dzu odne boŋ a zga aku. Ame e lu e doŋ, ó ka me ku-ku nga mbo, o wo le o lu mi le, Ahogbrẽ a shri owlama a da are la a ba eshko Adigi-odne ayga dne.

Oluka 16:17

Ambo o wo ohli ba ongyeŋ ta la obiŋ hi ó ba o bre ó yi, o gre ba ekplokyeŋ etsitsi sha a mbo odaŋ lo é ba e bre é yi.

Oluka 18:17

Agimi e ngli atuŋ e gno! Areyaŋ a mbo la a yga Oreŋ Ahogbrẽ eka ba anwye afifi mbo le, á kpo á gbu baŋ a yi Oreŋ Ahogbrẽ mbo.

Oluka 18:29

Eyesu a nyuŋ mo a lu mi le, O wo eka he lo angyiŋ. Ame e lu e da gimi, areyaŋ a mbo la a dzu odne, o mbo le ashe, o mbo le moanáŋ, o mbo le moadaŋ, o mbo le moanwye baŋ, a zga okyku Oreŋ Ahogbrẽ le,

Oluka 23:43

Eyesu a nyuŋ ŋa a lu mi le, Ame e lu e doŋ, olum anye hi, aŋo ó yi Aparades pa la me.

Oluka 4:24

Eyesu a lu odlo a ta ma-ma a lu mi le, Ame e lu e da gimi, Moarehwi ba osku ba are ba Ahogbrẽ a hom ŋa otum, moa a la a ka ŋ a la anyuanyuŋ mbo.

Eyohana 1:51

Nga Eyesu a nyuŋ mo a lu mi le, Ame e lu adlidzi e da gimi, agimi é ka Ongyeŋ ó hwile, nga moanwyeadga ba Ahogbrẽ a ta oya eshri Anwye Arehwĩ!

Eyohana 10:1

Eyesu a lu mi le, Ame e lu adlidzi angyiŋ e da gimi. Are la a sõ ayizhẽ angyiŋ a gre oso ba ékylu lo eshyẽ mbo le, ambo o wo baŋ a vre nga a ta egba eshyẽ angyiŋ le, a wo asi ta la are la a kpo ogʼga.

Eyohana 10:7

Eyesu a lu mi le, Ame e lu adlidzi angyiŋ e da gimi, ame angyiŋ e wo ayizhẽ okyku ékylu lo.

Eyohana 12:24

Ame e lu adlidzi e da gimi, eyi aglu-agbi e wo eyi aglu-agbi angyiŋ, o wo le moa a ta lo agbi ayga dne nga e la e kpu. Ambla ba alo e kpu angyiŋ, e la e fu eyi nzenze.

Eyohana 13:16

Ame e lu e da gimi, awaghrẽ-akyeŋ a wo la ekʼpo a gre adaŋ-odne mbo, nga anwyeadga a wo la ekʼpo a gre are la a hom ŋa otum mbo.

Eyohana 13:38

Eyesu a zhĩ ŋa a lu mi le, Aŋo ó shri eshri boŋ ó di okyku o kpu okyku me adlidzi angyiŋ? Ame e lu adlidzi e doŋ, engo é tko ayga aŋo ó kpo evom me engyi etra mbo.

Eyohana 14:12

Ame e lu adlidzi e da gimi, areyaŋ a mbo la a bmi ba adlidzi pa la me, á kpo etum ba ame e kpo á gbu. Aŋa á kpo á gbu baŋ a kpo etum la e gre ehi a mbo, okyku eshi ame é yi okro Ada.

Eyohana 16:20

Ame e lu adlidzi angyiŋ e da gimi, agimi é wu okũ ambo obiŋ hi ó gno oraŋ. Agimi é wo la esõ-etpiayi, ambo é zhiŋ é dzu ognoraŋ.

Eyohana 16:23

Omba mi lo o ba bgu le, agimi é vẽ me ekplokyeŋ mbo. Ame e lu adlidzi angyiŋ e da gimi, okyku eshi agimi e wo moanwyeotum me angyiŋ, Ada á shri ekployaŋ a mbo ba agimi e vẽ ŋa á da gimi.

Eyohana 21:18

Ame e lu adlidzi angyiŋ, omba boŋ o wo ola anwye aŋo o kpo ekployaŋ a mbo boŋ o klo, nga o gre ibuyaŋ a mbo boŋ o klo. Ambo omba boŋ ó tsoŋ le, aŋo ó ndba abgo boŋ nga arehwõ angyiŋ á ba a kpo lo okyku ŋo, nga moa á shri ŋo á yi okro boŋ o klo o yi lo mbo.

Eyohana 3:11

Ame e lu adlidzi angyiŋ e doŋ. Agi e lu ekplo bi e yi angyiŋ e doŋ, nga agi e lu ekplo bi e ka angyiŋ e doŋ. Ambo ekakahelo a mbo, arekyeŋ eshki bimi a bmi ba adlidzi ta la odlo bi mbo.

Eyohana 3:3

Eyesu a tno Enikodimo ma a lu mi le, Ame e lu e doŋ, arekyeŋ a kpo a gbu baŋ a ka Oreŋ Ahogbrẽ mbo, o wo le moa a bla ŋa a mbre ayga dne.

Eyohana 3:5

Eyesu a tno ŋa ma a lu mi le, Ame e lu adlidzi e da gimi, arekyeŋ a kpo a gbu baŋ a yi Oreŋ Ahogbrẽ mbo, o wo le moa a mbre ŋa okro amihĩ ta la Ogbgaodzi ayga dne.

Eyohana 5:19

Eyesu a tno mo ma a lu mi le, Ame e lu adlidzi e da gimi, Anwye a kpo ekplokyeŋ la eshrishri eŋa mbo, o wo le ekplo baŋ a ka ba Adaŋ a la a kpo.

Eyohana 6:26

Eyesu a tno mo ma a lu mi le, Ame e lu adlidzi angyiŋ e da gimi, agimi e klo me okyku bimi e taŋ agbrotsa, nga bimi e la e hwiŋ ekployaŋ a mbo bimi e la e klo okro me angyiŋ. Agimi e klo me okyku otum me ba ekʼpo angyiŋ mbo.

Eyohana 6:32

Eyesu a nyuŋ mo a lu mi le, Ame e lu adlidzi angyiŋ e da gimi, ekplo ba Omusa a shri a da gimi, alo angyiŋ e wo agbrotsa la a zgi Ongyeŋ a ba mbo, Adugu angyiŋ a wo la a shri agbrotsa ba adlidzi a zgi Ongyeŋ a ba.

Eyohana 6:47

Ame e lu adlidzi angyiŋ e da gimi, areyaŋ a mbo la a bmi ba adlidzi a wo la eso ba gbagbu-amo.

Eyohana 6:53

Eyesu a tno mo ma a lu mi le, Ame e lu adlidzi e da gimi, o wo ba agimi e taŋ ebyi egʼba nga e wa amanzhli ba Anwye Arehwi mbo le, agimi é hwiŋ eso mbo ku-ku.

Eyohana 8:34

Eyesu a nyuŋ mo a lu mi le, Ame e lu adlidzi angyiŋ e da gimi, areyaŋ a mbo la a kpo odlobi le, aŋa a wo awaghrẽ ba odlobi angyiŋ.

Eyohana 8:51

Ame e lu adlidzi angyiŋ e da gimi, areyaŋ a mbo la a bmi ta la odlo me le, aŋa á kpu ku-ku mbo.

Eyohana 8:58

Eyesu a tno mo ma a lu mi le, Adlidzi ame e lu e da gimi, ame e wo ma ayayga moa a mbre Ebrahim, Ame Angyiŋ La E Wo Ma.

1 Ebitru 1:25

Ambo odlo ba Adigi-odne ó ra ó dzu ma gbagbu-amo. Oshpaodzadzi angyiŋ o shri odlo he lo o shri o kom gimi.

Otsotsa 20:11

Ambla he nga ame e ka anyuŋ emgbakyiŋ ba oreŋ ekyle ta la are la a dzu ma. Obiŋ hi ta la ongyeŋ moa a knye a sku ŋa, nga moa a ka mo ku-ku nga mbo.