Amatiyu 5:12 - Ohwihwim Olehe

¹² Agimi e kpo ovye, nga e gno oraŋ, okyku eshi egbre egagre e wo ma Ongyeŋ okyku gimi. Moare a kpo pa la moarehwĩ ba Ahogbrẽ a hom mo otum a mbo ekakahelo angyiŋ omba la o sheŋ o gre mi.

Amatiyu 5:12 ပူးပေါင်းရင်းမြစ်များ

Amatiyu 16:27

Omba o wo osusku a mo ba Anwye Arehwĩ á ba a ba la ayimom ba esesla ba Adaŋ, ta la moanwyeadga ba Adaŋ. Omba he lo angyiŋ, á ba a shri egbre areyaŋ a mbo á ba a shri á daŋ eka otum ba are a kpo obiŋ hi.

Amatiyu 6:16

Omba bimi e la e nyom eshri algo le, agimi e kpu eyayi rba-rba eka moa la a la a nyom egʼba a kpo mbo. Moa a la a dzi la eyayi ba embyle okyku o da areyaŋ a mbo a yi ba moa a la a nyom eshri algo. Agimi e ka! Moa a sheŋ a hwiŋ egbre mo a bli bgu.

Oluka 13:34

Orushalima, Orushalima! Aŋo o bga moarehwi ba Ahogbrẽ a hom mo otum. Nga aŋo o bga moanwyeadga ba Ahogbrẽ a hom mo otum okro boŋ la ézhim. Engyi oshushku ame e klo o ngla abgo me e shki moarehwi boŋ mvye eka ba enu e la e ngla angʼbo baŋ e shki moanwye baŋ. Ambo aŋo o tla me o ta!

Oluka 6:23

Agimi e vye ovye angyiŋ omba ba edgu ayakplo he lo a kpo, okyku eshi anyuŋ egbre angyiŋ e wo ma Ongyeŋ okyku gimi. Moadimo a kpo ekakahelo angyiŋ pa la moarehwi ba Ahogbrẽ a hom mo otum.

Oluka 6:35

O klo moafpu ŋo, nga o kpo mo odlodzi. O kʼpo mo anzho, la aga moa á ba a bla alo á doŋ mbo. O wo boŋ o kpo eka he le, aŋo ó hwiŋ anyuŋ egbre. Nga ó dzu anwye Ahogbrẽ la a wo Esesla a gre pyeŋ, okyku eshi Ahogbrẽ a la a ka moa la a vye la ŋa mbo, pa la moa ba odlobi pyeŋ angyiŋ ayiekŋe.

Otum 16:25

Ekpatspe okyukyku nga, Oblus ta la Esila moa a la a fa olu nga moa a fu abmo a la a hlu Ahogbrẽ eshko. Moahwõ moa a shri mo a ygi aku pa la mo nga, moa a la a ngli a gno.

Otum 5:41

Moa la a nyum oshpa lo a zhiŋ ogbu a gre la ovyevye okyku ba Ahogbrẽ a sla mo okyku o da mo a kpo ewu okyku eshko Eyesu.

MoaOroma 5:3

O raŋ o gre ba agi e kpo ovye angyiŋ omba ba agi e kpo ewu, okyku eshi ewu angyiŋ e la e shri oghwo-esõ e shri e ba.

1 MoaOkorinti 3:8

Are la a fu, ta la are la a ygi ami, moa a wo ondundum mbo. Ahogbrẽ á shri egbre ba areyaŋ a mbo á daŋ eka ba otum baŋ a kpo angyiŋ.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

MoaEfilibi 1:29

E ka, moa a hwile gimi ozhẽ okyku o kpo otum okyku Ekristi, ohi lo o wo okro obmi ba adlidzi ka la ŋa sha mbo, o wo okro ba okpoewu okyku Ekristi bubgu.

MoaEfilibi 2:17

O dzu mbo amanzhli ba esõ me moa á zhiŋ lo á ygi eka oshriondba ba obmi ba adlidzi bimi e shri e da Ahogbrẽ. O wo ba alo o wo eka he lo angyiŋ le, ame e wo la ovye ma nga ame e pu ovye he lo ka la gimi pyeŋ.

MoaOkolosi 1:24

Ohuhuhi nga, ame e wo la ovye ma okyku ewu ba ame e la e kpo okyku gimi. Okyku eshi okro ewu ba egʼba ba ame e la e kpo he lo, ame e kpo e ghwo okyku o mom o bli ekplo ba moa a kpo a ra okro ba ewu ba Ekristi a kpo, okyku egʼba baŋ la e wo Eklisiya.

MoaOkolosi 3:24

E tne aga eka ba Adigi-odne á ba a hre gimi. Agimi nga é hwiŋ ekplo baŋ a hwim a zga ma okyku moarehwĩ baŋ. Okyku eshi Ekristi angyiŋ a wo Adaŋ-odne ba agimi e la e kpo otum okyku ŋa.

1 MoaEtasolonika 2:15

MoaEyahuda he lo angyiŋ a bga Adigi-odne Eyesu pa la moarehwĩ ba Ahogbrẽ a hom mo otum, nga moa a kpo gi ewu. Ahogbrẽ a la a gno oraŋ pa la mo ku-ku mbo! Moa a wo la ofpu pa la moare pyeŋ!

MoaIbrani 10:34

Agimi e kpo ewu eka moa-oprusuna. Nga omba ba moa a ngʼga gimi anzho a mbo agimi e ghwo egimi esõ nga e dzu la esõ ekyle. Okyku eshi agimi e yi e wo la ayakplo la a wo owlama a gre mi ma. Ayakplo he lo á dzu ma gbagbu-amo.

MoaIbrani 11:26

A ka tki, alo o wo owlama o gre nzenze baŋ a kpo ewu okyku Emisiya o sku baŋ a dzu a gno edgu oraŋyaŋ a mbo la o wo obiŋ ba Amasla, okyku eshi a sko aga baŋ a zga egbre la e wo egi ayi angyiŋ.

MoaIbrani 11:33

Okro ba obmi ba adlidzi angyiŋ moa a ta eko a ri ebiŋ lo pyeŋ. Moa a kpo ayakplo la a wo shasha okyku eka he moa a hwiŋ ekplo ba Ahogbrẽ a hwim a zga ma okyku mo. Moa a bʼbu anyu ba émbdze a mbo.

MoaIbrani 11:6

Are la a wo la obmi ba adlidzi ma mbo a kpo a gbu baŋ a raŋ Ahogbrẽ esõ mbo. Okyku eshi, are la a la a ba okro ba Ahogbrẽ, o dzu omgbybi baŋ a bmi ba adlidzi ba Ahogbrẽ a wo ma, nga baŋ a la a shri egbre a shri a da moare la a klo ŋa.

Eyakubu 1:2

Agimi anáŋ! Agimi e ka eka ba agimi e raŋ eshri angyiŋ, okyku omba ba moa a mbga gimi la edgu ombambga anda-ndandim.

Eyakubu 5:10

Agimi anáŋ, agimi e tne aga ba moarehwĩ ba Ahogbrẽ a hom mo otum, moa a la a lu odlo la eshko ba Adigi-odne. Agimi e da mo angyiŋ a dzu egŋe bimi, okyku eshi moa a kpo oheheŋ nga a ghwo esõ omba ba moarehwĩ a la a kpo mo ewu.

1 Ebitru 4:13

Ambo o raŋ o gre ba agimi e kpo ovye angyiŋ okyku ba agimi e pu ta la Ekristi ewu baŋ a la a kpo, okyku o da gimi e bli la ovye angyiŋ omba ba moa a tsa gi esesla baŋ.