Amatiyu 5:10 - Ohwihwim Olehe

¹⁰ Oraŋ o wo ma okyku moa la a la a kpo ewu okyku moa a kpo ayakplo ba Ahogbrẽ a klo, okyku eshi Oreŋ Ongyeŋ o sheŋ o wo o mo.

Amatiyu 5:10 ပူးပေါင်းရင်းမြစ်များ

Amatiyu 10:23

O wo ba moa a kpo gimi ewu oskukyeŋ le, agimi e knye e yi osku ohwõ. Ame e lu e da gimi, agimi é dzi anwye esku ba obiŋ Esrayila pyeŋ é khwo ayga, Anwye Arehwĩ á ba a ba mbo.

Amatiyu 19:14

Ambo Eyesu a nyuŋ moanwyeotum baŋ a lu mi le, Agimi e da moailwye afifi a ba okro me, e kyku mo mbo, okyku eshi, Oreŋ Ongyeŋ o wo okyku edgu moahi lo angyiŋ.

Amatiyu 25:34

Anyuŋ-areŋ nga á nyuŋ moare la a wo obgori baŋ á lu mi le, Agimi moarehwĩ owlama ba Adugu, e ba! Agimi e ba e yga oreŋ ba moa a kpo okyku gimi ombamba ba moa a zga esĩ a kpo obiŋ hi.

Amatiyu 5:3

Oraŋ o wo ma okyku moa la a yi ba moa a sheŋ anye, okyku eshi Oreŋ Ongyeŋ o wo o mo angyiŋ!

Amarku 10:14

Omba ba Eyesu a ka eka he nga a kpo olom pa la moanwyeotum baŋ nga a lu mi le, Agimi e da moanwye afifi a ba okro me, e kyku mo mbo, okyku eshi Oreŋ Ahogbrẽ o wo okyku moa la a wo eka moanwye he lo angyiŋ.

Amarku 10:30

á hwiŋ ayakplo la a gre ayakplo baŋ a dzu a zga ekplu hi engyi endgaekyeŋ. Á hwiŋ adne, pa la moanáŋ, pa la moanáŋ-alashle, pa la moanaŋ, pa la moanwye, ta la agbi nzenze la a gre a baŋ a dzu a zga. Ewu a mbo é hwiŋ ŋa. Ambo omba la ó ba mi, á hwiŋ esõ ba gbagbu-amo.

Oluka 21:12

Omba ba edgu ayakplo he lo a kpo a wo mbo, moa á vu gimi, nga á kpo gimi ewu, nga moa á shri gimi á di okyku o da mo a sõ gimi ombgu anwyeakulu, nga moa á shri gimi á ygi aku. Nga moa á vu gimi á shri á ba okro moareŋ okyku eshko me.

Oluka 22:29

Nga eka ba Adugu a shri ekʼpo a da me okyku o da me e ri ekʼpo, ekakahelo ame é ba e kpo ka la gimi.

Oluka 6:20

Eyesu a ka moanwyeotum baŋ tki nga a lu mi le, Oraŋ o wo ma okyku gimi la e yi bimi e sheŋ anye, okyku eshi Oreŋ Ahogbrẽ o wo okyku gimi!

Oluka 6:22

Oraŋ o wo ma okyku gimi ba moare a tla gimi, nga a la a tsa gimi atsa, nga a sko gimi a zga abi okyku eshko Anwye Arehwĩ!

Eyohana 15:20

Agimi e tne e ka, eka ba ame e lu ka la gimi ba awaghrẽ a wo anyuanyuŋ a gre adaŋ-odne mbo. O wo ba moa a kpo me ewu le, moa á kpo gimi a mbo ewu. O wo ba moa a bmi ta la odlo me le, moa á bmi ta la odlo bimi a mbo ko-ko.

Otum 5:40

Moa a bzi moa la a nyum oshpa nga, moa a yla mo andzu nga moa a shĩ mo ma moa a nyum oshpa eshko Eyesu ondakyeŋ ku-ku nga mbo, nga moa a kyu mo abgo a da mo a gre.

Otum 8:1

Eshawlu a la a bmi ta la ebga ba moa a la a kpo. Onda he lo angyiŋ moa la a lu Eyesu ma osku ba Orushalima a zga esi o kpo ewu nzenze. Moa la a bmi ba adlidzi a knye a gre ekro andandandim obiŋ ba Eyahuda, ta la Asamariya, o wo le moa la a nyum oshpa dne a ra a dzu.

2 MoaOkorinti 4:17

Nga ela ewu ba agi e la e kpo okyku omba fi sha hi, é shri anyuŋ owlama ba gbagbu-amo la e gre ewu nzenze angyiŋ é ba é shri é kom gi.

MoaEfilibi 1:28

E kpo eyli moafpu gimi ku-ku mbo. Ohe lo angyiŋ ó ba o tsa ba moa angyiŋ á ba a tsu á gbu nga ba agimi angyiŋ é ba e ri, okyku eshi Ahogbrẽ angyiŋ a wo la a shri okpogre a shri a da gimi!

2 Etimoti 2:12

O wo bi e bmi e ghwo esõ le, agi é ri ekʼpo ka la ŋa otsotse. Nga o wo bi e kpo evom baŋ le, aŋa a mbo á kpo evom bi.

2 Etimoti 3:11

Aŋo nga o ka eka ba ame e la e kpo avuolo nga e kpo ewu. Aŋo o yi edgu ayakplo pyeŋ la a la a kpo pa la me omba ba ame e wo osku ba Antakiya, ta la Ekoniyom, ta la Elistra. Aŋo o yi eka ba ame e kpo ekŋe e gre eshri! Ambo Ahogbrẽ a shla me abgo ewu he lo pyeŋ.

Eyakubu 1:12

Are la a tspi kye omba ba moa a mbga ŋa le, aŋa á wo la ovye ma. Okyku eshi moa á shri esõ angyiŋ á ba a shri á daŋ omba baŋ a kpo a gre ombambga he lo. Ahogbrẽ a hwim pa la moarehwĩ la a klo ŋa, baŋ á ba a shri egbre he lo angyiŋ á ba a shri á da mo.

Eyakubu 5:11

Moa a dzu gble, okyku eka he agi e la e bzi mo ma moarehwĩ la a gno oraŋ. Agimi e sheŋ e gno eka ba Ayuba a ta esõ akpyli, nga agimi e yi eka ba amom-abgo a hwiŋ owlama okro ba Adigi-odne. E ka, Adigi-odne a wo are la a wo la okayiekŋe ta la oklo ma.

1 Eyohana 3:12

O raŋ o gre ba agi e dzu eka ba Akayinu mbo, okyku eshi aŋa a wo a ba Eshitaŋ angyiŋ, nga a bga anáŋ. Okyku eshi Akayinu a bga anáŋ he lo? A bga ŋa okyku ba ayakplo baŋ a kpo a wo abi, ambo ayakplo ba anáŋ a kpo a wo adzi.

Otsotsa 2:10

Ambo o da ewu boŋ ó ba o kpo, e kpo ŋo eyli mbo ku-ku. O ngli atuŋ o gno! Eshitaŋ é shri moabze eshki bimi é ygi aku okyku o daŋ a mbga gimi a ka. Agimi é kpo ewu okyku elum okʼpo. Aŋo o kpo adlidzi ma-me o tsa onda boŋ o kpu. Ambla he nga, ame é shri anyuŋ egbre ba esõ é shri é doŋ.