Amatiyu 4:24 - Ohwihwim Olehe

²⁴ Oshpa baŋ lo o ngla obiŋ ba Esiriya pyeŋ. Okyku eka he, moa a shri moare la a no elolo andandandim, pa la moare la a kpo edgu ewu andandandim, moa ba egbgabi e kpo otum pa la mo, moa la a gbu andom, pa la moa la a shla egʼba, Eyesu a shaŋ mo edgu ahe lo mvye.

Amatiyu 4:24 ပူးပေါင်းရင်းမြစ်များ

Amatiyu 12:22

Ambla he nga, moa a shri avgayi alomakyeŋ, la a sa a buŋ olum, alo o kpo eka he okyku ba ogbgabi o kpo otum ka la ŋa. Eyesu a shaŋ alom he lo nga a kpla egba a gbu, nga a sa a ka okro a mbo a gbu.

Amatiyu 14:1

Omba he lo angyiŋ Ehirudu la a ri oreŋ Egalili a gno oshpa ba Eyesu.

Amatiyu 15:22

Ashekyeŋ a wo ahe lo. A wo a ba Akana. A ba okro Eyesu nga a lu mi le, Aŋo Anwye Adawuda, Andakʼpo! Aŋo o ka me ayiekŋe! Ogbgabi o la o kpo anwye-alashle me ewu nzenze.

Amatiyu 17:15

A lu mi le, Andakʼpo, aŋo o ka anwye me ayiekŋe! Aŋa a gbu andom. Ombamba alo o la o vu ŋa. A kpo nga a tsu a gbu ovo, ta la ami.

Amatiyu 17:18

Eyesu a shrom ogbgabi lo, nga o zgi anwye lo nga aŋa a shaŋ omba he lo.

Amatiyu 4:23

Eyesu a dzi obiŋ da Egalili pyeŋ nga, a la a nye moare anwyeakulu. Nga a nyum Oshpaodzadzi ba Oreŋ lo, nga a shaŋ moare la a wo edgu elolo andandandim.

Amatiyu 8:28

Eyesu a ba ogʼba obiŋ ba Egadarani. Alo o wo akaŋ atam la ongre ohwõ. Ahe lo aŋa a ka moare aha la a la a dzu engybi. Egbgabi e la e kpo otum pa la mo, okyku eka he, moa a la a ka moare ŋa-ŋa-ŋa sha. Moa a wo eyli a gre eshri, okyku eka he, moare a kpo eyli o sõ ozhẽ he lo.

Amatiyu 8:33

Moare la a la a kpaŋ okóko lo a knye a gre osku eshyẽ nga moa a lu oshpa ayakplo la a kpo a da moare, eka ekplo la e kpo pa la moare ba egbgabi e kpo otum pa la mo.

Amatiyu 8:6

Aŋa a nyuŋ Eyesu a lu mi le, Andakʼpo, anwye-odne me a lom odne la ololo. Aŋa a kpo esku a mbo a gbu mbo. Olo o vu ŋa o gre eshri.

Amatiyu 9:26

Oshpa ekplo la e kpo he lo o ngla o tsu o gre egi obiŋ lo pyeŋ.

Amatiyu 9:35

Eyesu a la a gre esku andandandim, ta la anwye esku andandandim. Aŋa a nye moare anwyeakulu mo. A nyum Oshpaodzadzi ba Oreŋ Ahogbrẽ, nga a shaŋ moare la a no elolo endandandim ta la ewu egʼba endandandim.

Amarku 1:28

Nga oshpa ba Eyesu o ngla o tsi o gre obiŋ ba Egalili.

Amarku 1:32

Olum-ore, omba ba olum o gbu nga, moare a shri moa la a no olo, pa la moa ba egbgabi e kpo mo ewu, a ba okro Eyesu.

Amarku 2:3

Omba he nga, moarehwi anyi a shri alomakyeŋ la a no olo o mom egʼba a ba.

Amarku 2:4

Moa a klo o shri ŋa o yi okro Eyesu aku eshyẽ. Eshki e shki nzenze, okyku eka he moa a kpo a gbu mbo. Moa a lom ŋa akpakpa nga a vre eshri aku nga moa a bʼba ewyle eshri aku ongyeŋ, nga moa a sko alom lo akpakpa a shri a sõ ewyle lo a gile a gre aku eshyẽ.

Amarku 2:9

Oyaŋ o wo ohli o gre, moa a lu ta la alom lo ma, Ame e kyu ŋo abgo odlobi boŋ le, moa a lu ma, O kso o sko akpakpa boŋ o yi eŋo la oshye egʼba.

Oluka 2:2

Omba ba moa a kpo otsutsi he lo, Ekwarinu angyiŋ a wo ogomna ba Esiriya.

Oluka 4:14

Omba he lo nga Eyesu a bla a gre obiŋ ba Egalili. Ekʼpo Ogbgaodzi e wo ka la ŋa. Oshpa baŋ a ba ogʼba obiŋ hi lo o ngla o tsu o gre ogʼba ba obiŋ hi mvye.

Oluka 4:38

Eyesu a kso okro ba eshki a gre odne ba Esima. Anaŋ ashe Esima a no olo. Ogbga o bʼbu ŋa egʼba nzenze. Moa a lu oshpa a da Eyesu.

Oluka 5:15

Ekakahelo a mbo, oshpa otum Eyesu o ngla o tsu o gre. Moare nzenze a ba okyku o da mo a gno onyenye baŋ, nga okyku o daŋ a shaŋ mo edgu elolo moa a la a no.

Oluka 5:24

Okyku eka he ame é tsa gimi ba Anwye Arehwĩ a wo la ekʼpo ma obiŋ hi okyku o kyu moare abgo odlobi. Ambla he nga a nyuŋ alom la a mom egʼba a lu mi le, Ame e lu e doŋ, o kso o sko akpakpa boŋ o yi eŋo odne!

Oluka 7:17

Oshpa ba Eyesu o gom o ngla obiŋ ba Eyahuda pyeŋ ta la akekaŋ ba obiŋ hi lo.

Eyohana 10:21

Ambo moakyeŋ a la a lu mi le, Are ba ogbgabi o kpo otum ka la ŋa, a kpo a gbu baŋ a lu odlo eka he mbo! Ogbgabi o kpo anyu o hwile ayi ba avgayi?

Otum 10:38

Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.

Otum 15:23

Moa a hom moahi lo otum la akpa he lo. Moa a ta ma a lu mi le, Agi la e nyum oshpa, ta la moandakʼpo, agi e wo moanigimi. Agimi e shko moanáŋ, moa la a wo moaEyahuda mbo la a wo osku ba Antakiya, ta la Esiriya, ta la Esilisiya.

Otum 15:41

A sõ Esiriya ta la Esilisiya okyku o shĩ moanáŋ ba Eshki ba Ekristi andandandim.

Otum 28:9

Ambla ba ohi lo o kpo nga, moare la a no olo anwye-obiŋ lo mvye, moa a ba nga aŋa a shaŋ mo.

Otum 8:7

Egbgabi e zgi e sku moare nzenze nga e la e wu okũ, moare la a shla adga pa la moa la a buŋ adga, moa a shaŋ.