Amatiyu 4:23 - Ohwihwim Olehe

²³ Eyesu a dzi obiŋ da Egalili pyeŋ nga, a la a nye moare anwyeakulu. Nga a nyum Oshpaodzadzi ba Oreŋ lo, nga a shaŋ moare la a wo edgu elolo andandandim.

Amatiyu 4:23 ပူးပေါင်းရင်းမြစ်များ

Amatiyu 11:5

Agimi e lu e daŋ eka ba ame e hwile moavgayi ayi, nga e shaŋ moa la a buŋ adga, pa la moa la a gbu eshru, pa la moa la a som atuŋ, nga e vro moare la a kpu. Nga agimi e lu e daŋ eka ba ame e la e nyum oshpa e ygi moa la a wo ekŋe.

Amatiyu 12:9

Eyesu a kso ahe nga a gre anwyeakuluakyeŋ.

Amatiyu 13:19

Moare la a gno oshpa eshri ba Oreŋ Ongyeŋ, nga a ka a bmye mbo, moa a wo eka eyi la e gbu akaŋ ozhẽ nga ba Areabi a ba a tslo eyi ba moa a ta esõ mo.

Amatiyu 13:54

Aŋa a zgi ahe lo a gre osku ba Anazarata. A nye moare anwyeakulu mo, moare la a wo ma nga, moa a ka egbregbre eka baŋ a la a nye moare. Okyku eka he nga moa a zhĩ a lu mi le, Aŋa a hwiŋ edgu onyenye he ayaŋ eka he? Ayakplo egbregbre baŋ a la a kpo nga, a kpo anyu a kpo?

Amatiyu 14:14

Eyesu a zgi a sku amgblami, nga a ka moarehwĩ nzenze. A ka mo ayiekŋe, nga a shaŋ elolo mo.

Amatiyu 24:14

Nga Oshpaodzadzi la o wo eshri Oreŋ Ongyeŋ moa á nyum lo obiŋ hi pyeŋ, okyku o zgi egŋe alo okyku o da moare a gno. Ambla he nga, omba lo ó bli.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 9:35

Eyesu a la a gre esku andandandim, ta la anwye esku andandandim. Aŋa a nye moare anwyeakulu mo. A nyum Oshpaodzadzi ba Oreŋ Ahogbrẽ, nga a shaŋ moare la a no elolo endandandim ta la ewu egʼba endandandim.

Amarku 1:14

Ambla moa a vu Eyohana la a kpo abaptisma a ta aku, Eyesu a gre Egalili nga a nyum Oshpaodzadzi la o zgi okro Ahogbrẽ.

Amarku 1:21

Eyesu pa la moare la a lu ŋa ma a ba osku ba Akafanahum, onda Asabat nga a gre anwyeakulu nga a nye moare odlo Ahogbrẽ.

Amarku 1:39

Eyesu a gre esku andandandim obiŋ ba Egalili nga a nyum oshpa anwyeakulu, nga a se egbgabi nzenze.

Amarku 3:10

Eyesu a shaŋ moare nzenze, okyku eka he moare la a no olo a la a mu emo, okyku o da mo a tka ŋa.

Amarku 6:2

Onda Asabat Eyesu a gre anwyeakulu nga a nye moare odlo Ahogbrẽ. Moare nzenze a ba a gno onyenye baŋ nga moa a ka egbregbre nzenze. Moa a zhĩ ma, Eyesu a hwiŋ edgu onyenye he lo ayaŋ? Nga a kpo anyu a hwiŋ edgu okaobmye he lo? A kpo anyu a kpo ayakplo ba egbregbre eka he?

Amarku 6:6

Eyesu a ka egbregbre a gre eshri okyku moarehwi ba osku ba Anazarata a wo obmi ba adlidzi ma mbo. Eyesu a gre anwye esku pyeŋ la a wo akekaŋ ba obiŋ Egalili nga a nyum oshpa.

Oluka 10:9

Nga agimi e shaŋ moare osku lo, nga e lu e da moare e lu mi le, Oreŋ Ahogbrẽ o ba osusku ka la gimi.

Oluka 13:10

Onda ba Asabat nga, Eyesu a gre anwyeakulu nga a nyum oshpa ma.

Oluka 16:16

Odaŋ Omusa, ta la akpekpa ba moarehwi Ahogbrẽ a hom otum, moa a kpo otum ta la alo ma-me a gbu omba ba Eyohana la a kpo abaptisma. A zga omba he lo nga, moa a nyum Oshpaodzadzi la o wo eshri Oreŋ ba Ahogbrẽ, nga areyaŋ a mbo a kyku ebzu okyku o hwiŋ lo.

Oluka 20:1

Ondakyeŋ nga, omba ba Eyesu a wo Anyuŋ-akulu a la a nye moare nga a la a nyum oshpa, moadakʼpo olu ba Ahogbrẽ, pa la moa la a nye odaŋ pa la moandakʼpo moa a ba okro Eyesu.

Oluka 4:14

Omba he lo nga Eyesu a bla a gre obiŋ ba Egalili. Ekʼpo Ogbgaodzi e wo ka la ŋa. Oshpa baŋ a ba ogʼba obiŋ hi lo o ngla o tsu o gre ogʼba ba obiŋ hi mvye.

Oluka 5:17

Ondakyeŋ nga, omba ba Eyesu a nye moare, moa-Efarisikyeŋ, pa la moarekyeŋ la a nye odaŋ, moa a wo ma. Moa a zgi esku andandandim ba obiŋ ba Egalili, ta la esku obiŋ ba Eyahuda, ta la Orushalima a ba. Eyesu a bli la ekʼpo ba Adigi-odne omba he lo okyku o shaŋ moare la a no olo.

Oluka 6:17

Omba ba Eyesu a gile a zgi okũ aku a ba nga, a gbu asaŋ-akyeŋ nga a zhiŋ a tspi ma pa la moanwyeotum baŋ nzenze. Moare nzenze la a zgi obiŋ ba Eyahuda ta la osku ba Orushalima, ta la Ataya, ta la Esidoŋ, a ba. Esku eha he lo e wo akaŋ anyuŋ-ondzu.

Oluka 6:6

Onda Asabat ahwõ nga, Eyesu a gre a yi a nye moare anwyeakulu. Ahe lo, andeobgo alomakyeŋ a wo ma ba obgori baŋ o mom.

Oluka 7:21

Omba he lo nga Eyesu a shaŋ moare nzenze la a no olo pa la moa la a kpo ewu. A shaŋ moare ba egbgabi e la e kpo mo ewu, nga a shaŋ moavgayi nzenze.

Oluka 7:22

Eyesu a tno moanwyeotum ba Eyohana ma a lu mi le, Agimi e bla e yi nga e nyum ayakplo bimi e ka nga e gno, e daŋ. Agimi e lu e daŋ eka ba ame e shaŋ moavgayi, pa la moa la a buŋ adga, pa la moa la a gbu eshru, pa la moa la a som atuŋ, nga e kso moa la a kpu, nga e nyum oshpa e ygi moaekŋe.

Oluka 8:1

Ambla fi nga Eyesu a dzi a gre esku ta la anwye esku andandandim. Nga a la a nyum oshpa eshri ba Oreŋ Ahogbrẽ. Moanwyeotum otsko a gre ka la ŋa.

Oluka 9:11

Omba ba moare nzenze a gno eka he nga moa a lu ŋa ma a gre osku he lo. A yga mo la ovyevye, nga a nyum oshpa eshri Oreŋ ba Ahogbrẽ a da mo, nga a shaŋ moare la a no olo.

Oluka 9:60

Eyesu a tno ŋa ma a lu mi le, O da moa la a kpu a ngybi ekom mo. Okyku eka he aŋo o yi o nyum oshpa ba Oreŋ Ahogbrẽ o ygi moare.

Eyohana 18:20

Eyesu a tno ma a lu mi le, Ame e la e lu ekployaŋ a mbo zhezheŋ pa la moare pyeŋ. Ame e nye moare anwyeakulu ta la Anyuŋ-akulu. MoaEyahuda pyeŋ a ba a shki ahe lo. Ame e lu ekplokyeŋ esisi ondakyeŋ mbo.

Eyohana 6:59

Eyesu a lu odlo he lo omba baŋ a la a nye moare anwyeakulu osku ba Akafanahum.

Eyohana 7:1

Ambla he nga Eyesu a dzi obiŋ ba Egalili. A klo o dzi obiŋ ba Eyahuda mbo okyku eshi moaEyahuda a la a klo o bga ŋa.

Otum 10:38

Agimi e gno oshpa ba Eyesu Ekristi ba Anazarata eka ba Ahogbrẽ a bli ŋa la Ogbgaodzi, ta la ekʼpo. Aŋa a gre okroyaŋ a mbo nga a la a kpo odlodzi, nga a la a shaŋ moare ba ekʼpo ba egbgabi e kpo mo ewu, okyku Ahogbrẽ a wo ka la ŋa.

Otum 18:4

Oblus a la a kla odlo pa la moaEyahuda anwyeakulu moaEyahuda onda Asabatyaŋ a mbo, okyku o daŋ a zhiŋ moaEyahuda ta la moaEgrise.

Otum 20:25

Ame e gre okro bimi mvye e la e nyum oshpa ba Oreŋ Ahogbrẽ. Ame e sheŋ e yi, arekyeŋ eshki bimi á ka me ondakyeŋ nga mbo ku-ku.

Otum 28:31

A nyum oshpa ba Oreŋ Ahogbrẽ nga a nye moare eshri Adigi-odne Eyesu Ekristi. A lu odlo osheshye ta la esõ-egbubiŋ.

MoaOroma 10:15

Moa á nyum oshpa lo anyu, o wo ba moa a da moa la a nyum oshpa a gre mbo? Eka ba Odlo ba Ahogbrẽ o lu mi le, Oba-ba ba moa la a nyum oshpaodzadzi o wo ekplo ovye o gre eshri!