Amatiyu 4:17 - Ohwihwim Olehe

¹⁷ A zga omba he lo angyiŋ, Eyesu a zga esĩ ba o nyum oshpa baŋ. Aŋa a la a nyum oshpa a lu mi le, Agimi e ngʼba e sku odlobi bimi, okyku eshi, Oreŋ Ongyeŋ o wo osusku a mo!

Amatiyu 4:17 ပူးပေါင်းရင်းမြစ်များ

Amatiyu 10:7

Agimi e yi e nyum oshpa ba Oreŋ Ongyeŋ o wo osusku a mo, e ygi mo!

Amatiyu 11:12

A zga omba ba Eyohana a nyum oshpa ma-me a ta anye he, Oreŋ Ahogbrẽ o kpo ewu o gre eshri. Moareabi a la a klo ezhẽ okyku o jygi lo.

Amatiyu 13:11

Eyesu a tno mo ma a lu mi le, Ahogbrẽ a sheŋ a hwile gimi eshyẽ ba Oreŋ Ongyeŋ, ambo a hwile mo alo o ko mbo.

Amatiyu 13:24

Eyesu a sa a ta egŋekyeŋ nganga, a lu mi le, Oreŋ Ongyeŋ o wo eka ba are la a yi a fu edgo edzi agbi baŋ.

Amatiyu 13:47

Oreŋ Ongyeŋ o sa o wo eka ekyeŋ ba moa a ngla lo a shri a ta ami atam, nga e vu edgu atsa andandandim.

Amatiyu 13:9

Eyesu a sa a lu mi le, Agimi e ngli atuŋ e gno o wo bimi e wo la atuŋ ba o gno odlo ma!

Amatiyu 25:1

Onda mi lo, Oreŋ Ongyeŋ ó dzu eka moanwyeshe okʼpo la a bli émgbuovo mo la awargi, nga a kso a gre okyku o tsa anwyealom ozhẽ.

Amatiyu 3:2

Aŋa a nyum oshpa a lu mi le, Agimi e nyiŋ odzudzu bimi, okyku eshi Oreŋ ba Ongyeŋ o wo osusku a mo!

Amatiyu 6:10

O da Oreŋ boŋ o ba. O da gi e kpo ayakplo boŋ o klo obiŋ hi, Eka ba moa a la a kpo la a wo Ongyeŋ.

Amatiyu 9:13

Agimi e yi e mbli ekplo ba Odlo Ahogbrẽ o lu e ka. Odlo Ahogbrẽ o lu mi le, Ame e klo oshriondba ba ebyi angyiŋ mbo, ambo ame e klo okpoghwo angyiŋ. Okyku eshi ame e ba okyku moaedlodzi angyiŋ mbo, ambo okyku moaedlobi.

Oluka 15:10

Ekakahelo angyiŋ, ame e lu e da gimi, moanwyeadga ba Ahogbrẽ a la a kpo ovye Ongyeŋ, o wo ba arekyeŋ la a tsu a bgu, a ba a ghwo obiŋ odlobi baŋ.

Oluka 15:7

Okyku eka he ame e lu e da gimi, moa á kpo ovye nzenze Ongyeŋ okyku are la a tsu a gbu, ambo a sa a ka a bmye, nga a ghwo obiŋ odlobi baŋ, á gre ovye moa á kpo okyku moare ekʼpoetronyi la atronyi la a ka a bmye mbo okyku o ghwo obiŋ.

Oluka 24:47

Nga la eshko baŋ moa á nyum oshpa okyku oghwobiŋ, ta la okyuabgombgu okyku moarehwi ba obiŋ hi pyeŋ. Moa a zga esĩ Orushalima.

Oluka 3:23

Omba ba Eyesu a zga esi otum baŋ, a wo eka eyi ekʼpoetra. Moare a la a ka eka baŋ a wo anwye ba Oyusufu. Oyusufu a wo anwye Eheli.

Oluka 5:32

Ame e ba okyku o klo moare odlodzi angyiŋ okyku o da mo a ghwo obiŋ mbo, ambo ame e ba okyku o klo moare odlobi angyiŋ okyku o da mo a ghwo obiŋ.

Oluka 9:2

Ambla he nga, a da mo a zgi okyku o nyum oshpa ba Oreŋ Ahogbrẽ, nga o shaŋ moare la a no olo.

Otum 11:18

Ambla ba Ebitru a lu eka he nga, moa a kyu abgo o shrom ŋa nga moa a hlu Ahogbrẽ eshko a lu mi le, Ahogbrẽ a hwile ozhẽ okyku o da moa la a wo moaEyahuda mbo a mbo a ghwo obiŋ nga a hwiŋ oshla!

Otum 17:30

Ahogbrẽ a dzu moare a zga omba moa a yi mbo. Ambo ohuhuhi aŋa a shĩ moare ayaŋ a mbo ma moa a zhiŋ ogbu a sku ayakplobi.

Otum 2:38

Ebitru nga a tno mo ma a lu mi le, Areyaŋ a mbo eshki bimi a ghwo obiŋ odlobi baŋ, nga a da mo a kpo ŋa abaptisma eshko ba Eyesu Ekristi okyku o da mo a kyu ŋa abgo odlobi. Nga Ahogbrẽ á shri Ogbgaodzi á shri lo á daŋ ototno.

Otum 20:21

MoaEyahuda, pa la moa-Egrise, ame e shĩ mo osheshye ma moa a zhiŋ ogbu a dzu odlobi mo a zga nga a lu Ahogbrẽ ma, nga a bmi ba adlidzi ta la Adigi Eyesu.

Otum 26:20

Ame e zga esi otum lo Adamasku nga e sa e gbu Orushalima, nga ame e sa e gbu obiŋ ba Eyahuda, nga ame e sa e gbu pa la moa la a wo moaEyahuda mbo. Ame e la e nyum oshpa e lu mi ma moa a nyiŋ ozhẽ mo nga a zhiŋ a lu Ahogbrẽ ma. Nga a kpo ayakplo la á ba a tsa ba moa a zhiŋ adlidzi.

Otum 3:19

Agimi e ghwo obiŋ nga e ba egi ayi Ahogbrẽ, okyku o daŋ a kyu gimi abgo odlobi bimi,

MoaIbrani 6:1

Agimi e da gi e zga ayi e yi egi ayi ta la onyenye la o wo okyku moare la a bmye ayi a klu, nga e dzu edgu onyenye ba odlo ba Ekristi ba moa a zga esĩ ta la alo e zga. O raŋ o gre ba agi e bla e zga esĩ la onyenye la o nyom gi okyku o kpo otum ba ototno mbo, nga okyku o da gi e bmi ba adlidzi ta la Ahogbrẽ,