Amatiyu 4:10 - Ohwihwim Olehe

¹⁰ Omba he lo Eyesu a tno ŋa ma a lu mi le, Aŋo Eshitaŋ o ngʼba o sku me! Okyku eshi Odlo Ahogbrẽ o lu mi le, O hlu Adigi-odne Ahogbrẽ boŋ sha eshko, nga o lu ŋa ma!

Amatiyu 4:10 ပူးပေါင်းရင်းမြစ်များ

Amatiyu 16:23

Eyesu a zhiŋ ayi a ka Ebitru nga a nyuŋ ŋa a lu mi le, Aŋo Eshitaŋ! O kye o sku me! Aŋo o dzu oyla angyiŋ pa la me, okyku eshi aga boŋ hi a wo aga ba arehwĩ angyiŋ, a wo aga ba Aho-gbrẽ angyiŋ mbo!

Amarku 1:13

Eyesu a wo akla ta la ebyi akla elum ekʼpoenyi. Eshitaŋ e mbga ŋa e ka. Ambla he nga moanwyeadga ba Ahogbrẽ a ba a kpo a ghwo la ŋa.

Oluka 10:18

Eyesu a tno mo ma a lu mi le, Ame e ka Eshitaŋ a mbo e gile e zgi ongyeŋ e ba obiŋ hi eka ayimom ba angyum-ogbu.

Oluka 11:18

Okyku eka he o wo ba oreŋ ba Eshitaŋ o gʼba eŋa nga o kpo ambgu ta la eŋa le, o kpo anyu ó ba o tspi? Agimi e lu mi ma ame e se egbgabi okyku ba Ebilazabuba angyiŋ a shri ekʼpo a da me eshri mo.

Oluka 13:16

Agimi e ka are ba ogu ba Ebrahim hi, Eshitaŋ e vu ŋa e dze okyku eyi okʼpoefote a mo. O wo odzi angyiŋ ba moa a ngla ŋa ewu baŋ onda Asabat mbo?

Oluka 22:3

Ambla he nga Eshitaŋ e gre eso Eyahuda la a ri Eskariyoti. A wo akyeŋ eshki moanwyeotum otsko.

Oluka 22:31

Esima, Esima! O ngli atuŋ o gno! Eshitaŋ e yga ekʼpo okyku o mbga ŋo eka ba areagbi a la a sla eyi esekʼpa a la a sku asusku.

Oluka 4:8

Ambo Eyesu a tno Eshitaŋ ma a lu mi le, Odlo ba Ahogbrẽ o lu mi le, Aŋo o hlu Adigi-odne Ahogbrẽ boŋ sha eshko!

Eyohana 13:27

Ambla ba Eyahuda a sko agbrotsa lo nga, Eshitaŋ e kpo otum eso baŋ. Eyesu a nyuŋ ŋa a lu mi le, O kpo ekplo boŋ o klo shoshoŋ!

Otum 26:18

Aŋo angyiŋ ó ba o hwile ayi mo, nga ó ba o se mo o sku evbu, nga ó ba o shri mo ó ba ayimom, nga aŋo ó zhiŋ mo ekʼpo ba Eshitaŋ ó ba ekʼpo ba Ahogbrẽ. Okyku o wo moa a bmi ba adlidzi pa la me le, moa á kyu mo abgo odlobi mo, nga moa á hwiŋ okro odzuma eshki moarehwi ba Ahogbrẽ a sla mo.

Otum 5:3

Ebitru a nyuŋ ŋa a lu mi le, Ahananiya, okyku eshi aŋo o da Eshitaŋ anvaŋ o daŋ a la a kpo otum eso boŋ, nga aŋo o sheŋ Ogbgaodzi akpro angyiŋ omba boŋ o fa amgbaŋ lo o ra o ghre?

1 MoaOkorinti 5:5

O raŋ o gre bimi e se are he lo eshki, okyku o da Eshitaŋ e kpo ŋa ewu egʼba, okyku o da mo a shla eso baŋ olum Onda ba Adigi-odne.

1 MoaOkorinti 7:5

Okyku eka he agimi e nyom egimi ekplo he lo mbo, ambo o wo bimi e klo e tspi omba ple okyku o fa olu angyiŋ le, o wo akplokyeŋ mbo. Ambla he nga, agimi e nyom egimi ekplo he lo nga mbo, okyku o da obile ba Eshitaŋ o bile gimi omba ba agimi e ghwo eso e gbu mbo, mbo.

2 MoaOkorinti 11:14

E ka, alo o wo ekplo ba egbregbre mbo! Eshitaŋ a mbo e kpo e gbu baŋ a zhiŋ eshri baŋ a da lo e dzu eka ba anwyeadga ba ayimom!

2 MoaOkorinti 12:7

Moa a da ezga ba egʼba e hwiŋ me, ahe lo e la e kpo otum eka anwyeadga ba Eshitaŋ. Moa a da lo e hwiŋ me okyku o da me e nyom onyomegʼba okyku ayakplo ba egbregbre ba ame e ka lo mbo, nga okyku o yla me andzu nga o nyom me onyomegʼba.

2 MoaOkorinti 2:11

okyku o da Eshitaŋ e kpo e gre gi mbo, okyku eshi agi e yi edgu eda baŋ a la a kpo ka la gi.

Eyakubu 4:7

Okyku eka he, agimi e shri eshri bimi e shri e da Ahogbrẽ. E tla Eshitaŋ la osheshye, nga á knye á sku gimi.

1 Ebitru 5:9

Agimi e tspi osheshye ta la obmi ba adlidzi bimi, nga e tla ŋa la osheshye. Okyku eshi agimi a mbo e yi eka ba moahwõ la a bmi ba adlidzi eka bimi hi, obiŋ hi pyeŋ, ba moa a la a kpo edgu ewu he lo.