Amatiyu 3:7 - Ohwihwim Olehe

⁷ Omba ba Eyohana a ka moaEfarisi, pa la moaEsaduki nzenze a ba okyku o daŋ a kpo mo abaptisma nga, aŋa a nyuŋ mo a lu mi le, Agimi emabi, ayi a lu a da gimi, bimi é kpo é gbu bimi é gro ombgu ba Ahogbrẽ la ó ba?

Amatiyu 3:7 ပူးပေါင်းရင်းမြစ်များ

Amatiyu 12:24

Omba ba moaEyahuda a gno eka he nga, moa a tno ma a lu mi le, Aŋa a la a se egbgabi okyku eshi areŋ mo, Ebilazabuba angyiŋ a shri ekʼpo a shri a daŋ okyku o daŋ a kpo eka he.

Amatiyu 12:34

Agimi emabi, agimi e kpo anyu é ba e lu odlodzi, okyku eshi agimi e wo moare ba odlobi angyiŋ? Okyku eshi anyu a la a lu ekplo la e wo esõ angyiŋ e ba edzi.

Amatiyu 15:12

Ambla he nga, moanwyeotum a ba okro Eyesu nga a nyuŋ ŋa a lu mi le, Aŋo o yi ba odlo boŋ o lu ohuhuhi o tpi moaEfarisi esõ ayi?

Amatiyu 16:1

MoaEfarisi, pa la moaEsaduki, moa a ba okro Eyesu. Moa a klo o kpyi ŋa. Okyku eka he nga moa a zhĩ ŋa okyku o daŋ a kpo ekplo egbregbre la é tsa baŋ a wo arehwĩ ba Ahogbrẽ a hom ŋa otum.

Amatiyu 16:6

Eyesu a nyuŋ mo a lu mi le, Agimi e nyuŋ e kpo-kpo ta la eyist moaEfarisi, pa la moaEsaduki.

Amatiyu 22:15

MoaEfarisi a klo ozhẽ okyku o da mo a kpyi Eyesu la ozhiozhĩ.

Amatiyu 22:23

Onda he lo nga, moaEsaduki a ba okro Eyesu. MoaEsaduki, moa a bmi ba adlidzi ba moare á ba a kso eku mbo.

Amatiyu 22:34

Omba ba moaEyahuda a gno ba Eyesu a lu odlo a so moaEsaduki ayi nga, moa a pla emo a shki.

Amatiyu 23:33

Amabi, pa la moanwye ba amabi! Agimi é kpo anyu e la e ka ayi ozhẽ okyku o gro ombgu ba enzheovo?

Amatiyu 5:20

Ame e lu e da gimi, agimi é kpo é gbu bimi e yi Oreŋ Ongyeŋ, o wo ba odzudzu bimi o wo odzadzi o gre moa la a nye odaŋ, ta la odzudzu moaEfarisi.

Amarku 12:13

Moa a da moaEfarisi, pa la moa la a lu Ehirudu ma a gre okro Eyesu la ozhiozhĩ okyku o kpyi ŋa.

Amarku 12:18

MoaEsaduki a ba okro Eyesu. Moahi lo a bmi ta la oksoeku mbo.

Amarku 8:15

Eyesu a nyuŋ moanwyeotum baŋ a lu mi le, E nyuŋ e kpo-kpo ta la eyist ba moaEfarisi, ta la e ba Ehirudu.

Oluka 16:14

MoaEfarisi moa a gno ayakplo he pyeŋ, ambo moa a lu ega a ygi Eyesu okyku ba moa a klo amgbaŋ.

Oluka 18:11

A ba Efarisi a kso angyeŋ nga a fa olu a lu ta la eŋa a lu mi le, Ame e vye la ŋo Ahogbrẽ okyku ba ame e wo are la a kpo envre mbo, nga e la e kpo abibli mbo, nga e la e kpo ayakplo ba eshre eka moahwõ mbo. Ame e vye la ŋo okyku ba ame e wo eka are la a yga ewaŋ mi mbo.

Oluka 7:30

Ambo moaEfarisi, pa la moa la a nye odaŋ, moa a tla aga ba Ahogbrẽ a wo la alo okyku mo. Nga moa a tla o da Eyohana a kpo mo abaptisma.

Eyohana 1:24

Moanwyeadga he lo, moaEfarisi angyiŋ a hom mo otum.

Eyohana 8:44

Agimi e wo moanwye ba adigimi Eshi-taŋ, nga agimi e klo e kpo ekplo ba adigimi lo a klo. Okũ oriori, a wo are la a bga ebga. A bmi ta la adlidzi ondakyeŋ mbo, okyku ba adlidzi a wo ka la ŋa mbo. Omba baŋ a la a sheŋ akpro le, a la a kpo ekplo baŋ a sheŋ a bga ta la alo angyiŋ, okyku eshi aŋa angyiŋ a wo asheŋakpro, nga aŋa angyiŋ a wo adaŋ ba akpro mvye.

Eyohana 9:40

MoaEfarisikyeŋ la a wo ma ka la ŋa a gno baŋ a lu eka he nga, moa a zhĩ ŋa a lu mi le, Aŋo o sko gi a mbo o zga moavgayi ko-ko?

Otum 15:5

Ambo moakyeŋ eshki moa la a bmi ba adlidzi, la a wo a ba ogu moaEfarisi, moa a kso nga a lu mi le, O dzu omgbybi ba moa a sheŋ ongyum, nga moa a kpaŋ odaŋ ba Omusa.

Otum 20:31

Agimi e nyuŋ e ka, nga e tne aga e ka adzadzi, ame la amanyi ayi me nzenze e la e nye areyaŋ a mbo eshki bimi olulum, ta la okyukyku ma-me eyi etra.

Otum 26:5

Moa a sheŋ a yi, o wo moa a klo o lu adlidzi angyiŋ le, okyku eshi a zga esi me, ame e wo ba ozhẽ moaEfarisi angyiŋ. Ame e la e sõ ozhẽ he lo la osheshye.

Otum 5:17

Anyuŋ-andakʼpo olu ba Ahogbrẽ, pa la moandakʼpo la a kpo otum ka la ŋa, moare ba ogu Esaduki moa a kpo efpu moa la a nyum oshpa lo a gre eshri. Okyku eka he moa a zga eso o vu mo.

MoaOroma 1:18

Ahogbrẽ la a wo Ongyeŋ a tsa moare eka ba eso e tpi ŋa ayi okyku odlobi, ta la ayakplobi moarehwi a la a kpo. Ayakplobi he lo a nyom moare a yi adlidzi lo.

MoaOroma 5:9

Okyku eku ba Eyesu Ekristi angyiŋ agi e hwiŋ opyapyaŋ agʼbaha bi ta la Ahogbrẽ. Agi é gro ombgu ba Ahogbrẽ okyku Eyesu sha angyiŋ.

1 MoaEtasolonika 1:10

nga okyku o dzu o bli oba-ba ba Anwye baŋ á zgi Ongyeŋ á ba. Anwye baŋ lo angyiŋ a wo Eyesu baŋ a kso ŋa a sku eku. Eyesu angyiŋ aŋa á shla gi abgo olom ba Ahogbrẽ la ó ba o ba.

MoaIbrani 11:7

Obmi ba adlidzi angyiŋ o da Onuhu a ngli atuŋ a gno oshĩ ba Ahogbrẽ eshri ayakplo la a wo efĩ, ayakplo he lo á kpo omba la o yi o wo egi ayi. A kpaŋ odlo lo, okyku eka he lo a sẽ amgblami, nga aŋa pa la moa-odne baŋ moa a gro okyku lo angyiŋ. Ozhẽ he lo angyiŋ aŋa a sõ moarehwĩ ba obiŋ hi pyeŋ ombgu. Aŋa nga a hwiŋ odlodzi la o zgi okro ba Ahogbrẽ ozhẽ ba obmi ba adlidzi angyiŋ.

MoaIbrani 6:18

Ayakplo aha he lo a wo ma. Alo a nyiŋ a gbu mbo. Nga Ahogbrẽ a sheŋ akpro eshri lo ku-ku mbo. Okyku eka he moa a la a shĩ gi la e hwiŋ odzudum okro baŋ, okyku o da gi e kom okayiozhẽ ba moa a shri a zga egi ayi bi osheshye.

1 Eyohana 3:10

Agimi e ka ondundum la o wo zhezheŋ okro ba odzudzu ba moanwye ba Ahogbrẽ pa la moanwye ba Eshitaŋ. Areyaŋ a mbo la a kpo ayakplo la a wo shasha mbo, o mbo le a klo anáŋ mbo le, a wo anwye ba Ahogbrẽ angyiŋ mbo.