Amatiyu 3:14 - Ohwihwim Olehe

¹⁴ Ambo Eyohana a zga ngre okyku o da Eyesu a nyiŋ aga baŋ. Eyohana a nyuŋ Eyesu a lu mi le, Ame e klo boŋ angyiŋ o kpo me abaptisma, ambo aŋo o ba okro me!

Amatiyu 3:14 ပူးပေါင်းရင်းမြစ်များ

Amatiyu 3:13

Omba mi lo, Eyesu a zgi Egalili a ba ondzu ba Ordu okyku o da Eyohana a kpo ŋa abaptisma.

Amatiyu 3:15

Ambo Eyesu a tno ŋa ma a lu mi le, Aŋo o da lo o ygi eka he ohuhuhi, okyku eshi ozhẽ he lo angyiŋ, agi é ba e kpo ekployaŋ a mbo ba Ahogbrẽ a klo. Eyohana nga a bmi.

Oluka 1:43

Okyku eshi edgu ekplo he e kpo pa la me, ba anaŋ Adigi-odne a mbo a ba a shko me?

Eyohana 1:16

Ibu okpoghwo baŋ la o sheŋ o nye mbo, a shri owlama a da gi mvye. Ombamba pyeŋ nga a la a shri owlama a ta gi ma-ma.

MoaOroma 1:13

Agimi anáŋ e tne aga e ka, engyi oshushku ame e klo o ba o ka gimi, ambo ekplokyeŋ e nyom me. Ame e klo o zhiŋ moare eshki bimi eka ba ame e zhiŋ moare eshki moahwõ la a wo moaEyahuda mbo.

MoaOroma 3:23

Areyaŋ a mbo a kpo odlobi, nga moa a wo ogyugyuŋ ta la Ahogbrẽ la a shla moare.

MoaOroma 3:25

Ahogbrẽ a shri ŋa a shri a di okyku gi ozhẽ eku baŋ, okyku o da moare a hwiŋ okyuabgo odlobi o wo ba moa a bmi ba adlidzi ka la ŋa. Ahogbrẽ a shri Ekristi a di okyku o tsa eka baŋ a la a shri opyapyaŋ a shri a zga agʼbaha baŋ pa la moarehwi. Ayga Ahogbrẽ a ta eso ble-ble nga a sko odlobi moarehwi a zga akplokyeŋ mbo.

MoaEgalasiya 3:22

Ambo odlo ba Ahogbrẽ o lu mi ma obiŋ hi pyeŋ o wo abgo ba ekʼpo ba odlobi angyiŋ, okyku o da moa la a bmi ba adlidzi, a hwiŋ egbre ba moa a hwim lo ozhẽ ba obmi ba adlidzi ta la Eyesu Ekristi.

MoaEgalasiya 4:6

Okyku o tsa ba agi e wo moanwye baŋ, Ahogbrẽ a da Ogbgaodzi ba Anwye baŋ o ba o gre gi eso bi. Ogbgaodzi o la o lu angyangyeŋ o lu mi le, Ada, Adugu.

MoaIbrani 7:23

Ekplokyeŋ la e wo ondundum e wo ma. Moandakʼpo olu ba Ahogbrẽ he lo moa a wo nzenze okyku eshi moa a la a kpu nga moa a kpo otum lo a fu ma mbo.