Amatiyu 3:1 - Ohwihwim Olehe

¹ Omba mi lo, Eyohana la a kpo moare abaptisma aŋa a ba a nyum oshpa akla ba obiŋ Eyahuda.

Amatiyu 3:1 ပူးပေါင်းရင်းမြစ်များ

Amatiyu 11:11

Agimi e tne e ka, Eyohana hi lo, a wo anyuanyuŋ a gre areyaŋ a mbo eshki moare bimi e la e gno oshpa mo obiŋ hi. Ambo are la a ba Oreŋ Ongyeŋ amom-abgo, a sa a wo anyuanyuŋ a sa a gre Eyohana a mbo nganga.

Amatiyu 11:7

Omba ba moanwyeotum ba Eyohana a zhiŋ ogbu a yi nga, Eyesu a lu odlo ta la eshki moare eshri Eyohana. Aŋa a zhĩ mo a lu mi le, Omba bimi e gre okro Eyohana akla, agimi e gre okyku o ka eshi? Agimi e gre okyku o ka eka ba ogbga o la o hlu emgbu agzu angyiŋ le?

Amatiyu 16:14

Moa a tno ŋa ma a lu mi le, Moakyeŋ a la a bzi ŋo ma Eyohana la a kpo abaptisma, moakyeŋ nga moa a la a bzi ŋo Eliya, moakyeŋ nga moa a la a bzi ŋo Erimiya, moakyeŋ a la a lu ma aŋo o wo arekyeŋ ba Ahogbrẽ a hom ŋa otum angyiŋ.

Amatiyu 21:32

Okyku eshi Eyohana la a kpo abaptisma a ba okro bimi, nga a tsa gimi ozhẽ la o raŋ o gre, ambo agimi e bmi ba adlidzi ka la ŋa mbo. Ambo moa la a yga ewaŋ, pa la moashe la a ri eshra, moa a bmi ba adlidzi ka la ŋa. Omba bimi e ka eka he a mbo, agimi e ka e nyiŋ aga bimi ambla nga e bmi ba adlidzi ka la ŋa mbo.

Amatiyu 3:8

Agimi e kpo ayakplo la á ba a tsa bimi e sheŋ e nyiŋ odzudzu bimi.

Amarku 1:15

Eyesu a lu mi le, Omba lo o ba bgu, nga Oreŋ Ahogbrẽ o wo osusku a mo. Agimi e kyu odlobi abgo nga e yga Oshpaodzadzi he lo.

Amarku 1:2

Oshpa lo o zga esĩ eka ba Eshaya arehwĩ ba Ahogbrẽ a hom otum a ta akpa baŋ a lu mi le, Ahogbrẽ a lu mi le, Anwyeadga me a wo ahe. Ame e hom ŋa otum okyku o gre ŋo ozhẽ nga okyku o daŋ a hwile ozhẽ okyku ŋo.

Oluka 1:76

Aŋo Anwye me, moa á bzi ŋo Arehwĩ ba esesla ba Ahogbrẽ la a gre pyeŋ, a ba Ahogbre a hom ŋa otum. Aŋo ó gre Adigi-odne ori, Okyku o nyuŋ ozhẽ o kpo okyku ŋa.

Oluka 7:24

Ambla moanwyeotum a zhiŋ ogbu a gre a khwo nga, Eyesu a lu odlo eshri Eyohana a ygi moare. A lu mi le, Omba ba agimi e gre akla okyku o ka Eyohana, agimi e zga eso ba o ka eshi angyiŋ? Agimi e zga eso ba o ka ogbga o la o hlu embgu agdzu angyiŋ?