Amatiyu 28:18 - Ohwihwim Olehe

¹⁸ Eyesu a ba osusku pa la a mo nga a nyuŋ mo a lu mi le, Moa a shri ekʼpo pyeŋ Ongyeŋ, ta la obiŋ hi a shri a da me.

Amatiyu 28:18 ပူးပေါင်းရင်းမြစ်များ

Amatiyu 11:27

Adugu a kyu ekployaŋ a mbo abgo a shri a ghwo abgo me. Arekyeŋ a yi Anwye lo mbo ku-ku, o wo le Ada sha. Arekyeŋ nga a yi Ada lo mbo, o wo le Anwye sha, pa la moare ba Anwye lo a da mo a ka ŋa a bmye.

Amatiyu 16:28

Agimi e tne aga e ka! Moakyeŋ eshki hi, moa á kpu mbo, o wo le moa á ka obaba ba Anwye Arehwĩ á ba a ba eka Areŋ ayga.

Amatiyu 26:64

Eyesu a tno ŋa ma a lu mi le, Aŋo o lu shasha. Ambo ame e lu e da gimi, omba ó yi o ba ba agimi é ba e ka Anwye Arehwĩ á dzu obgori ba Ahogbrẽ la a wo ekʼpo pyeŋ, nga aŋa á gile etabro ba ongyeŋ á sa á ba!

Oluka 10:22

Adugu a sheŋ a shri ekployaŋ a mbo a da me. Arekyeŋ a yi are la a wo Anwye lo mbo o wo le Ada sha. Arekyeŋ a yi are la a wo Ada mbo o wo le Anwye, pa la are ba Anwye lo a klo baŋ a yi ŋa sha.

Eyohana 13:3

Eyesu a yi ba Ada angyiŋ a shri ekʼpo lo mvye a shri a daŋ. A yi baŋ a zgi okro Ahogbrẽ angyiŋ a ba, nga baŋ á ba a bla á yi okro Ahogbrẽ.

Eyohana 17:2

Okyku eshi aŋo angyiŋ o shri ekʼpo o daŋ eshri moarehwi pyeŋ, okyku o daŋ a shri eso ba gbagbuamo a shri a da moarehwi boŋ o shri o daŋ.

Eyohana 3:31

Are la a gile Ongyeŋ angyiŋ a ba le, aŋa a wo la ekʼpo a gre moahwõ mvye. Are la a zgi obiŋ hi angyiŋ le, a wo ba obiŋ hi angyiŋ, nga a la a lu odlo eshri ayakplo ba obiŋ hi. Are la a zgi Ongyeŋ angyiŋ a ba a wo la ekʼpo a gre mvye.

Eyohana 3:35

Adaŋ a la a klo Anwye baŋ, okyku eka he a shri ekployaŋ a mbo a ghwo abgo baŋ.

Otum 10:36

Agimi e yi otum ba Ahogbrẽ a hom a kom moarehwi ba Esrayila nga a su Oshpaodzadzi, o la o shri opyapyaŋ ba eso o shri o ba okro Eyesu Ekristi, aŋa angyiŋ a wo Adigi-odne moarehwi mvye.

Otum 2:36

Agimi arehwĩ ba Esrayila, o raŋ o gre bimi e ka e bmye ba agimi e gŋe Eyesu he lo egŋe aki. Aŋa angyiŋ Ahogbrẽ a daŋ a dzu Adigi ta la Emisiya!

MoaOroma 14:9

Ekristi nga a kpu, nga a sa a kso ongybi okyku o daŋ a dzu Ahogbrẽ moare la a wo la eso ma, pa la moa la a kpu.

1 MoaOkorinti 15:27

Okyku eshi Akpa ba Ahogbrẽ a lu mi le, Ahogbrẽ a da ekployaŋ a mbo e kne e shki obiŋ egi ayi baŋ. Alo o wo zhezheŋ ba agimi e shri Ahogbrẽ la a da ayakplo pyeŋ a dzu abgo ba Eyesu e ghwo eshki anzho he lo mbo.

MoaOkolosi 2:10

Nga okro ba okŋeobga ta la Ekristi, agimi e hwiŋ odzudzu la o bli zhezheŋ. Aŋa a wo la ekʼpo eshri edgu ogbgayaŋ a mbo la o ri ekʼpo ta la ekʼpo a mbo.

MoaIbrani 1:2

Ambo omba ba amom-abgo ekpyemgbyeŋ he, a lu odlo ka la gi ozhẽ ba Anwye baŋ. Ahogbrẽ a daŋ a dzu are la a wo la ekployaŋ a mbo ma. Nga okro ba Anwye baŋ he lo angyiŋ aŋa a kpo obiŋ hi pyeŋ.

MoaIbrani 2:8

Nga o daŋ a ri ekʼpo eshri ekployaŋ a mbo. Akpa ba Ahogbrẽ a sa a lu ma Ahogbrẽ a da arehwĩ ekʼpo eshri ekployaŋ a mbo. Ekployaŋ a mbo e wo eshki lo. Ambo ohuhuhi agi e ka arehwĩ a la a ri ekʼpo eshri ekployaŋ a mbo nga mbo.

1 Ebitru 3:22

Eyesu Ekristi a sheŋ a gre Ongyeŋ bgu, nga ohuhuhi aŋa a wo egbaŋ ba obgori ba Ahogbrẽ a mo. Nga aŋa a la a ri ekʼpo eshri moanwyeadga ba Ongyeŋ pyeŋ, pa la moa la a ri ekʼpo Ongyeŋ, ta la edgu ekʼpo nzenze la e wo Ongyeŋ.

Otsotsa 11:15

Ambla he nga anwyeadga ba ofoha a hlu egbaru baŋ, nga enzi egagre e lu Ongyeŋ e lu mi le, Adigi-odne ta la Emisiya baŋ angyiŋ a wo la ekʼpo ba o ri ekʼpo ta la obiŋ hi ohuhuhi. Aŋa á ri ekʼpo lo gbagbu gbagbu-amo!

Otsotsa 17:14

Moa á kpo ambgu ta la Anwye Ekylu. Ambo Anywe Ekylu pa la moarehwĩ la a lu ŋa ma la adlidzi baŋ a bzi mo nga a sla mo, moa á kpo á gre mo. Okyku eshi aŋa a wo Adigi-odne ba moadigi-odne, ta la Anyuŋ-areŋ ba moanyuŋ-areŋ.

Otsotsa 19:16

Moa a ta engla ariga baŋ, ta la odga baŋ a lu mi le, Anyuŋ-areŋ ba moanyuŋ-areŋ, ta la Adigi-odne ba moadigi-odne.