Amatiyu 27:42 - Ohwihwim Olehe

⁴² Moa a lu mi le, Aŋa a kpo a gbu baŋ a shla moahwõ, ambo a kpo a gbu baŋ a shla eshri baŋ mbo! Aŋa angyiŋ a wo Anyuŋ-areŋ ba Esrayila mbo? O wo baŋ a gile egŋe aki a gbu ohuhuhi angyiŋ le, agi é bmi ba adlidzi ka la ŋa!

Amatiyu 27:42 ပူးပေါင်းရင်းမြစ်များ

Amatiyu 2:2

Anwye able ba moa a mbre ŋa, baŋ angyiŋ á ba a dzu anyuŋ-areŋ moaEyahuda a wo ayaŋ? Agi e ka eyi enzo baŋ omba ba alo e zgi egi etne. Okyku eka he agi e ba okyku o hlu ŋa eshko.

Amatiyu 27:37

La ongyeŋ ba eshri baŋ, moa a ta engla ba ombgu baŋ a shri a bre ma. Moa a ta a lu mi le, Ahi lo angyiŋ a wo Eyesu, Anyuŋ-areŋ moaEyahuda.

Amatiyu 27:40

Moa a lu mi le, Aŋo o lu ma aŋo ó kypi Anyuŋ-akulu nga, ma aŋo ó bla alo ó mbdzi ambla elum etra ma! O shla eshri boŋ ohuhuhi, o wo boŋ o wo Anwye ba Ahogbrẽ! Nga, o gile o sku egŋe aki!

Amatiyu 27:41

Moandakʼpo olu ba Ahogbrẽ, pa la moa la a nye odaŋ, pa la moandakʼpo a mbo, moa a lu ega a ygi ŋa ekakahelo.

Amarku 15:31

Moandakʼpo olu ba Ahogbrẽ, pa la moa la a nye odaŋ a dzĩ Eyesu ta la emo a lu mi le, Aŋa a shla moahwõ ambo a shla eshri baŋ a gbu mbo.

Amarku 15:32

Moa a sa a lu mi le, E da gi e ka Emisiya Anyuŋ-areŋ ba Esrayila a gile egŋe aki lo ohuhuhi. O wo baŋ a gile le, agi é bmi ba adlidzi ka la ŋa. Moasi aha moa a gŋe mo egŋe aki ta la Eyesu, moa a mbo a dzĩ ŋa.

Oluka 19:38

Moa a hlu Ahogbrẽ eshko a lu mi le, Ahogbrẽ a kpo a ghwo la Areŋ la a ba eshko ba Adigi-odne! Opyapyaŋ o dzu Ongyeŋ, nga e da gi e hlu Ahogbrẽ eshko!

Oluka 23:35

Moare a la a tspi ahe lo a la a ka Eyesu. Omba he lo nga moandakʼpo moaEyahuda a lu ega a ygi ŋa. Moa a lu mi le, A shla moahwõ, aŋa a mbo a shla eŋa a da gi e ka, o wo baŋ angyiŋ a wo Emisiya ba Ahogbrẽ a sla!

Oluka 23:37

Moa a nyuŋ ŋa a lu mi le, Aŋo ó wo Anyuŋ-areŋ moaEyahuda bgu le, o shla eshri boŋ!

Eyohana 1:49

Enataniyelu a nyuŋ Eyesu a lu mi le, Andakʼpo, aŋo o wo Anwye Ahogbrẽ angyiŋ! Aŋo o wo Anyuŋ-areŋ ba Esrayila!

Eyohana 12:13

Okyku eka he moa a kplu anjyge elgi a gre o yi o tsa ŋa ozhẽ. Moa a ta akhi a lu mi le, E hlu Ahogbrẽ eshko! Ahogbrẽ a ta are la a ba eshko baŋ lo ma-ma! Ahogbrẽ a ta Anyuŋ-areŋ ba Esrayila lo ma-ma!

Eyohana 12:47

Areyaŋ a mbo la a gno oshpa me nga a bmi ba adlidzi ta la lo mbo, ame é sõ ŋa ombgu mbo. Ame e ba okyku o sõ obiŋ hi ombgu angyiŋ mbo, ambo okyku o shla lo.

Eyohana 9:24

Moa a bzi alom ba moa a mbre ŋa avgayi lo odgo oha nga moa a nyuŋ ŋa a lu mi le, Aŋo o hwim egi ayi Ahogbrẽ boŋ ó ba o lu adlidzi! Agi e yi ba alom he lo a wo are ba odlobi.

Otum 4:14

Ozhẽ-okyeŋ moa a lu odlo o bga moanwyeotum lo o wo ma mbo, okyku eshi alom moa a shaŋ ŋa he lo a tspi okro he lo ta la Ebitru, ta la Eyohana.