Amatiyu 27:3 - Ohwihwim Olehe

³ Ambla ba Eyahuda la a fu eshri Eyesu a ka ba moa a sheŋ ombgu ba eku eshri ba Eyesu nga, a ghwo obiŋ nga a bla ashye ezinariya ekʼpoetra lo a shri a gre okro moandakʼpo olu ba Ahogbrẽ, pa la okro moandakʼpo.

Amatiyu 27:3 ပူးပေါင်းရင်းမြစ်များ

Eyohana 13:2

Eyesu pa la moanwyeotum baŋ moa a wo okro oriabgo. Omba he lo Eshitaŋ e sheŋ e da Eyahuda Eskariyoti anwye Esima, a sheŋ a zga eso baŋ a ba a yla Eyesu bgu.

Eyohana 13:27

Ambla ba Eyahuda a sko agbrotsa lo nga, Eshitaŋ e kpo otum eso baŋ. Eyesu a nyuŋ ŋa a lu mi le, O kpo ekplo boŋ o klo shoshoŋ!

Eyohana 18:3

Eyahuda nga a shri moanwyeakyuŋ, pa la moa la a kʼpu Anyuŋ-akulu, a shri mo a gre agbi lo. Moandakʼpo olu ba Ahogbrẽ, pa la moaEfarisi angyiŋ a hom mo otum. Moa a shri anzho ba eko, ta la émgbuovo, ta la ewyi ovo.

Otum 1:18

La amgbaŋ ba Eyahuda a yga okyku otum obi baŋ a kpo nga, a gre a yi a gbmo agbi ta la lo. A kpu agbi he lo angyiŋ. Ahe lo, akpyki baŋ a gom nga anye baŋ pyeŋ a zgi edzi.

2 MoaOkorinti 7:10

Esõ-etpiayi ba Ahogbrẽ a la a kpo otum ta la lo e la e shri oghwobiŋ angyiŋ o shri o ba, ambla he nga are á hwiŋ oshla. Ekplokyeŋ ba e wu okũ e wo ohe lo mbo! Ambo esõ-ebili ba obiŋ hi e la e shri eku angyiŋ e shri e ba.