Amatiyu 27:2 - Ohwihwim Olehe

² Moa a ta ŋa aslika, nga moa a shri ŋa a gre okro ba Ebilatu ogomna.

Amatiyu 27:2 ပူးပေါင်းရင်းမြစ်များ

Amatiyu 20:19

Nga moa á shri ŋa á da moa la a wo moaEyahuda mbo, nga moare hi lo á lu ega á ygi ŋa, nga moa á taŋ ŋa andzu, nga moa á kũ ŋa okusa egŋe aki. Ahogbrẽ nga á kso ŋa ongybi olum ba otra.

Amatiyu 28:14

O wo ba Ogomna a yi eka he bgu le, agi é kpo é gbu bi é gbu ŋa esõ obiŋ, nga ekplokyeŋ bimi e ngʼba esõ e wo ma nga mbo.

Oluka 13:1

Omba he lo moarekyeŋ a wo ahe. Moa a lu a da Eyesu eka ba Ebilatu a bga moarehwi ba Egalili omba ba moa a shri oshriondba a ndba Ahogbrẽ.

Oluka 20:20

Okyku eka he moa a dzu ŋa a zga okyku o da mo a hwiŋ omba la o wo odzi ayga. Moa a fu moarekyeŋ ashum okyku o da mo a kpo eka ba moa a wo la adlidzi ma, nga okyku o kpyi Eyesu la ozhiozhĩ, nga o vu ŋa o yi okro moandakʼpo ta la Ogomna.

Oluka 23:1

Moa la a sõ ombgu pyeŋ a kso a shri Eyesu a gre okro ba Ebilatu.

Oluka 23:12

Onda he lo angyiŋ, Ehirudu ta la Ebilatu moa a zhiŋ a ri ekpom.

Oluka 3:1

Eyi ba okʼpoetno ba Etebiriyu la a wo Ekeza a ri ekʼpo nga, Obuntu Ebilatu angyiŋ a wo ogomna ba obiŋ ba Eyahuda omba he lo. Ehiridu a ri ekʼpo obiŋ ba Egalili omba he lo. Anáŋ ba moa a bzi ŋa ma Efilibu angyiŋ a ri ekʼpo ogʼba obiŋ-okyeŋ ba moa a bzi lo ma Eturiya, ta la obiŋ ba Atakonata. Elisani nga a ri ekʼpo ogʼba obiŋ ba Abilana omba he lo.

Eyohana 18:12

Eshki moanwyeakyuŋ ta la andakʼpo mo, pa la moaEyahuda la a kʼpu, moa a vu Eyesu nga moa bʼbu ŋa endzi.

Eyohana 18:24

Anas a dzu endzi ba moa a bʼbu ŋa a zga, nga a da mo a shri ŋa a gre okro ba Akayafa anyuŋ-andakʼpo olu ba Ahogbrẽ.

Eyohana 18:28

Moa a shri ŋa odne ba Akayafa a gre akuombgu ba ogomna endigigiŋ. MoaEyahuda a gre ekpazhi lo mbo okyku eshi moa a klo o pre odaŋ akplokyeŋ mbo nga okyku o da mo a ri abgo ba Apaska.

Otum 12:6

Okyukyku ba ayi a kre nga, ba Ehirudu á ba a se moarehwi nga, Ebitru a la a ndze enu agʼbaha moanwyeakyuŋ la a kʼpu ŋa. Moa a ta ŋa aslika, nga moanwyeakyuŋ a tspi ayi-zhẽ aku lo a la a kʼpu.

Otum 21:33

Anyuŋ-andakʼpo a gre keŋ nga a vu Oblus, nga a da mo a bʼbu ŋa la aslika aha. Ambla he nga a zhĩ a lu mi le, Alom he lo a wo ayi angyiŋ? Aŋa a kpo eshi?

Otum 22:25

Ambla moa a bʼbu ŋa endzi a khwo nga, moa á ba a yla ŋa nga, Oblus a nyuŋ andakʼpo la a tspi okro lo a lu mi le, O boŋ o ka, alo o wo shasha angyiŋ moa a bga arehwĩ ba Oroma andzu eka he? Moa a ka a sõ ŋa ombgu a mbo mbo nga moa a hwiŋ ŋa la akpu mbo.

Otum 22:29

Ebuebu nga moa la a gre okyku o zhĩ Oblus ayakplo, moa a sa a se okũ. Eyli e kpo anyuŋ-andakʼpo omba baŋ a yi ba Oblus a wo a ba Oroma, okyku eshi a da mo a ta ŋa aslika.

Otum 24:27

Ambla ba eyi eha e bre nga, Obosiyo Efestu a nyiŋ a dzu ogomna. Omba ba Efliki a kyu otum abgo, a klo o raŋ moaEyahuda eso, okyku eka he a dzu Oblus a zga aku.

Otum 28:20

Okyku eka he angyiŋ ame e da mo a bzi gimi okyku o da me e lu odlo ka la gimi. Moa a ta me aslika he okyku are ba moarehwi ba Esrayila a ka ayi ozhẽ okyku ŋa.

Otum 3:13

Ahogbrẽ ba Ebrahim, ta la Eshaku, ta la Eyakubu, Ahogbrẽ moadigi angyiŋ a shri ekʼpo baŋ a shri a da Eyesu Anwye-odne baŋ. Agimi e yga ŋa e shri e da moandakʼpo, nga agimi e tla ŋa egi ayi ba Ebilatu omba ba Ebilatu a klo o kyu ŋa abgo.

Otum 4:27

Adlidzi angyiŋ, Ehirudu, ta la Obuntu Ebilatu moa a fu eshri osku he angyiŋ pa la moa la a wo moaEyahuda mbo, ta la moarehwi ba Esrayila eshri Eyesu Anwye-odne boŋ ba esesla, a boŋ o daŋ a dzu Emisiya.

Otum 9:2

okyku o daŋ a yga akpekpa la a tsa moa a shri ekʼpo a shri a daŋ, okyku o daŋ a yi anwyeakulu andandandim moaEyahuda osku ba Adamasku, okyku o daŋ a vu moare la a lu Eyesu ma, moarealom pa la moashe nga okyku o shri mo o ba Orushalima.

1 Etimoti 6:13

Egi ayi ba Ahogbrẽ la a shri esõ a da ekployaŋ a mbo, ta la egi ayi Eyesu Ekristi la a zgi egŋe adzadzi egi ayi ba Obuntu Ebilatu, ame e jygu ŋo odaŋ.

2 Etimoti 2:9

Okyku ba ame e la e nyum Oshpaodzadzi he lo angyiŋ, ewu he e hwiŋ me. O ka, moa a ta me aslika eka ba ame e gre abgo. Ambo odlo ba Ahogbrẽ lo o wo aslika lo ko mbo.

MoaIbrani 13:3

Agimi e tne aga ba moare ba moa a shri mo a ta aku, eka ba agimi e wo aku pa la mo. Agimi e tne aga ba moare la a la a kpo ewu eka ba agimi e la e kpo ewu lo pa la mo.