Amatiyu 27:18 - Ohwihwim Olehe

¹⁸ Ebilatu a yi zhezheŋ ba moare a shri Eyesu a ba okro baŋ, okyku moa a kpo efpu baŋ angyiŋ.

Amatiyu 27:18 ပူးပေါင်းရင်းမြစ်များ

Amatiyu 27:17

Okyku eka he nga, omba moare a pla emo a shki, Ebilatu a zhĩ mo a lu mi le, Agimi e klo ba ame e kyu ayi angyiŋ abgo, Abaraba le, Eyesu moa a bzi ŋa ma Ekristi?

Amatiyu 27:19

Omba ba Ebilatu a wo akuombgu nga, ashe baŋ a hom otum a ba a lu mi le, Aŋo o ghwo abgo boŋ ombgu alom hi lo mbo ba. Aŋa a gbu ombgu akplokyeŋ mbo. Ame e ndze wayawaya eshri baŋ ore nzenze.

Amarku 15:10

Ebilatu a zhĩ eka he okyku eshi a yi zhezheŋ moandakʼpo olu ba Ahogbrẽ a shri Eyesu a ba okyku efpu angyiŋ.

Otum 13:45

Omba ba moaEyahuda a ka eshki nzenze eka he nga, moa a kpo efpu nga moa a lu odlo ototno ta la Oblus, nga moa a klo odlo ka la ŋa.

Otum 5:17

Anyuŋ-andakʼpo olu ba Ahogbrẽ, pa la moandakʼpo la a kpo otum ka la ŋa, moare ba ogu Esaduki moa a kpo efpu moa la a nyum oshpa lo a gre eshri. Okyku eka he moa a zga eso o vu mo.

Otum 7:9

Moadigi a kpo efpu ba Oyusufu, okyku eka he moa a shri ŋa a gbmo obiŋ ba Amasla. Ambo Ahogbrẽ a wo ka la ŋa.

Eyakubu 4:5

Agimi e ka eka ba odlo ba Ahogbrẽ o wo odlo ototno angyiŋ mbo. O lu mi le, Ogbga ba Ahogbrẽ a da lo o dzu esõ bi o la o wo la ekhwo la e lbi.